Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
asteartea 2025eko abuztuaren 26an
"GURE ARMADURA MEHEGIA DA ANTZERKI KRITIKOA EGITEKO"
- Lotsatien xarma du Karlosek. Lehen begiradan inor gutxik igarriko luke Maskarada antzerki taldeko zuzendaria dela. Leioa eta Getxon ere antzerki eskolak ematen ditu. Txapelik gabeko bilbotarra eta solaskide fina dugu, berehala antzematen zaio eskola frantsesera joandakoa dela. Zigarroa bakarrik hatz artean edukitzeko pizten duen gutxi horietakoa da, ia zupadarik eman gabe. Bere euskara beharko lukeen bezain ona ez dela esan digun arren, euskara hutsean mintzo gara. Gaiak purrustaka ateratzen dira: euskal antzerkiaren oztopo lasterketa, antolatzaileen desantolaketa, korrikalari izateko zein ezaugarri behar ote diren, lasterbide ezkutuen bilaketa helmuga topatzeko. Eskerrak bidean hornidura guneak aurkitu ditugun pausatu ahal izateko
Kazetaritza independenteak herritarren babesa du arnas
Arte Ederrak Leioan ikasten ari zinela, erabat kasualitatez hasi zinen antzerki munduan.
Maskaradaren 20. urteurrena gertu dela, zein balantze egiten duzu? Zerbait erakutsi baduzue, profesional petoak eta zeharo eklektikoak zaretela izan da.
Antzerkia zikina eta inperfektoa da, inguratzen gaituen mundua bezala.
Talde frankok euskarazko bertsioa betegarri gisa egin ohi du diru laguntza eskuratzeko. Zuek aldiz, guztiz Alderantziz.
1994an berriz, "Ernesto izatearen garrantzia" lana gazteleraz ere taularatzen hasi zineten. Zergatik?
"kontxo, zelako maila duten hauek".
Maskaradan gainera, lehenik antzezlana euskaraz lantzen duzue eta gero gaztelerara egokitu.
Garai zailak bizi ditu antzerkiak, zuk berriki esan duzunez, telebistak komediaren tokia hartu du eta zinemak dramarena, non dago antzerkiaren lekua?
Lan baldintzak aipatu dituzula, Ricardo Bilbao Eusko Jaurlaritzako kultura zuzendariak adierazi du antzerki eskola ofiziala beharrezkoa dela, baina ez dutela epe jakinik jarriko, aurretik, kultura, industria eta hezkuntza sailek plan estrategikoa lotu beharko luketelako.
Hemengo kritikariak ere ez dira bereziki lagungarriak...
Antzerkian, nor da "erregea", publikoa ala aktorea?
Dario Fok dio publikoak buruan duen kamera erabiltzera bultzatu behar duela antzezle on batek, zoom baten gisan, plano orokor batetik motz batera mugi dezan.
Maskaradak egingo al du inoiz gure errealitatea salatzeko antzezlanik?
Heldutasuna eta tradizioa falta zaigu gure burua kritikatzeko.
Zerez zaudete eginak antzerki zuzendariak?
Bai, musika aldera eman nituen nire lehen urratsak, baina aldi berean oso poesia zalea nintzen. Hori zela eta, Kilikilariak nirekin harremanetan jarri ziren, beren obra baterako musika jo nezan. Horri lotua, estreinatu berri dugun "Ikaro" ikuskizunak lotura handia dauka nire hastapenekin. Pixkanaka aktore gisa hasi nintzen, esaldi laburrak lehenengo eta luzeagoak gero. Kilikilariak profesional bilakatu zenean, nire bizitzako erabakia hartu nuen, antzerkian buru-belarri murgildu. Ordutik hona, nire formakuntza autodidakta izan da, nire hutsuneak betetzeko ikastaro asko egindakoa naiz, Parisen Teatre du Soleil taldearekin lan egin nuen. Eskarmentua hartu banuen ere, antzerki arloan ez zegoen nik nahi nuen elementurik, esaterako, nola erabili koloreak, formak... Leioan Arte Ederrak ikus-entzunezko arloan amaitzen ari nintzela, bertako Antzerki Aretoko zuzendaria ere banintzen. Eta, egia esan, oso baliagarri izan zait teoria jakitea, gauza bakoitzak oholtza gainean zer garrantzi duen jakiteko
Maskaradaren 20. urteurrena gertu dela, zein balantze egiten duzu? Zerbait erakutsi baduzue, profesional petoak eta zeharo eklektikoak zaretela izan da.
Nahiko posmodernoak gara, ez dugu ildo jakin batetik jo. Gaia interesatzen zaigu, obra horren izpiritua gureganatzea, zorroztasun batekin sakondu. Adibidez, Antonio Skarmetaren "Nerudaren postaria" egin genuenean, Txilera joan nintzen Nerudaren etxera, girotu eta handik eszenografia ateratzeko: branka, kanpaia, eta abar. Txileko jendearekin ere desagertuen gaiaz aritu nintzen. Fikzioa den arren, antzerki dokumentala, oinarri erreala duena da.Beraz, ez dakit nondik joko duen hurrengo muntaian, agian Pedro Osinagaren kutsuko zerbait izango da, auskalo. n Maskaradan komedia hobetsi duzue, komertzialagoa delako akaso?Ez, arrazoi komertzialengatik baino trebeagoak garelako landu dugu komedia. Txiste errazak milaka daude eta tragediak beste hainbeste. Ez dut uste gainera, komedia tragedia baino errazagoa denik. Bizitzak biak ditu eta, antzerkia, bizitzaren ispilua da. "Nerudaren postaria"n biak sartzen ziren, hasieran komedia eta gero, tragedia
Antzerkia zikina eta inperfektoa da, inguratzen gaituen mundua bezala.
Hori egia borobila da, begiak irekitzea baino ez dago. Obra plastiko bat, margo bat, hor dago betiko. Antzerkia berriz, beti aldatzen ari da; iragankorra den arren, lantalde baten dinamika sortzea zirraragarria da.
Talde frankok euskarazko bertsioa betegarri gisa egin ohi du diru laguntza eskuratzeko. Zuek aldiz, guztiz Alderantziz.
Jaio ginenean euskaraz egiten zen antzerkia amateurra zen, Zuberoako pastoralak eta talde txikiak herrietan. Gure asmoa euskarazko antzerkia duina bilakatzea zen, erdarazkoaren parean jarriz. Haur antzerkia eginez hasi ginen eta, hortik segitzerik bazegoen ere, esparrua zabaltzea nahi genuen. Hortaz, hasi eta bi urteren buruan, Dario Foren lan bati heldu genion egokitzapena egiteko. Baina orduan arazoa sortu zitzaigun, nori zuzendu? Euskaldunzaharrak, berriak, hikaren kontua herri batetik bestera hor egonda. Publikoaren gustukoa izatea helburu baikenuen. Testua ere errazegia edo zailegia gertatzeko duda genuen. Bestalde, komertzialtasun apur bat eduki behar zela garbi genuen, batik bat komedia arloa, publikoa ez uxatzeko. Modu honetan taldearen muina sortu genuen. Gure arteko harremana oso ona izan da beti, baita taldetik pasa direnekin ere. Lagun talde bat gara.
1994an berriz, "Ernesto izatearen garrantzia" lana gazteleraz ere taularatzen hasi zineten. Zergatik?
Euskarazko antzerkiak duen muga ez zaigu hainbeste axola. Azken batean, bizitzak hainbat labirinto du, bizi ahal zara euskararen labirintoan eta ongi, gainera. Prestigio kontuak eraginda hartu genuen erabakia, nahiz eta prestigioa oso erlatiboa den. Hain zuzen, hamalau urtez euskaraz bakarrik jardun ondoren, jendeak taldearen izena ezagutzen zuen, baina ez gure lanak. Nola kanpora ezer gutxi ateratzen ginen, bazirudien Maskaradakoak ia-ia abarkekin genbiltzala. Antolazaileak berezia izan behar zuen gu gonbidatzeko. Kontua da Madril edo Bartzelonara joanez gero kontuan hartzen zaituztela, bestela ez. Arrazoia beraz, gure maila ona zela erakustea zen bai euskaraz bai gazteleraz. "Ernesto" gazteleraz egin genuenean jendea esaten hasi zen
"kontxo, zelako maila duten hauek".
Nolabait, ikus gaitzaten buia bat azaleratzea izan da
Maskaradan gainera, lehenik antzezlana euskaraz lantzen duzue eta gero gaztelerara egokitu.
Bai, eta ez genuen uste hainbeste buruhauste emango zigunik gazteleraz moldatzeak, zelako lana! Doinuarekin bereziki. Esaterako "Ernesto izatearen garrantzian" ingeles aristokraten antzera hitz egin behar zuten aktoreak euskarazkoan ongi aritzen ziren, baina gazteleraz, "erreak" gehiegi ahoskatzen zituzten eta, ondorioz, obra gelditu genuen euskal doinu hori kentzeko
Garai zailak bizi ditu antzerkiak, zuk berriki esan duzunez, telebistak komediaren tokia hartu du eta zinemak dramarena, non dago antzerkiaren lekua?
Pastelaren zati handi bat kendu dio antzerkiari telebistak. Komedia zuri horien tokia hartu du, gaur egun etxean zapping egitea nahikoa zaio jendeari. Eta drama kutsua nahi badu, hor dago zinema. Egin kontu, New Yorkeko Broadway-en ere jendeak erreferentzia bat behar du antzerkira joateko, izen ezagunak, zinema edo telebistako aktoreak izan daitezela, edota gutxienez, obra ezaguna izatea. Hori ez badu, txarto doa. Jendeak, gero eta gehiago ikuskizun berezi modura ikusten du antzerkia. Bere tokia erdibidean dago, abangoardia eta komertzial arloen artean. Dena den, gu saiatzen gara obra bakoitzak jendearen ikusmina piztu dezan. Badakit zaila dela abangoardia antzerkia egitea, "Ikaro" bezalako lan bat taularatzeko jende asko mugiarazi behar duzulako. Dugun azpiegitura ere ez da batere aproposa gauzei taxuz heltzeko
Lan baldintzak aipatu dituzula, Ricardo Bilbao Eusko Jaurlaritzako kultura zuzendariak adierazi du antzerki eskola ofiziala beharrezkoa dela, baina ez dutela epe jakinik jarriko, aurretik, kultura, industria eta hezkuntza sailek plan estrategikoa lotu beharko luketelako.
Hamar urte daramate hori bera esaten. Gogoratzen naiz Kultura Sailan aritu zen Labaienek bota zuena: "Euskadi kulturarik gabe bizi daiteke baina ez euskararik gabe". Nola? Antzerkia eta euskara eskutik helduta doaz-eta! Duela gutxi arte karguan egon den Amaia Rodriguez ahalegindu zen zerbait egiten; orain berriz, geldirik dagoela dirudi. Tamalez, ez dugu harreman ona administrazioarekin. Era berean, ez da normala guk, 20 urteren buruan, antzezlan bakoitza leku ezberdin batean prestatu behar izatea, "Ikaro" Santurtzin, "Neruda" Zornotzan, "Ernesto" Basaurin... Santurtzin egin ziren jardunaldi batzuetan, estatu mailako zenbait aditu etorria zela, eztabaidak izan genituen agintariekin. Hemen egiten den antzerkia askoz gehiago mimatu beharko litzateke. Sormenaren emaitza ona da gurean, kanpoan begi onez ikusia eta lehiakorra, baina hemen ez hainbeste. Administrazioak ez du arte eszenikoen auzia adarretatik heltzen, antzerki eskola ofizialaren premia, sortzeko tokiak; denbora pasatzen ari da. Jendeak hemendik alde egiten du, hemen jai duelako. Murtzian ere eskola ofiziala duteeta
Hemengo kritikariak ere ez dira bereziki lagungarriak...
Batzuk behinik behin ez, jarrera txarra erakusten dute. Esate baterako, duela gutxi estreinatu den "Birus" lana ez dute batere lagundu; hobea edo txarragoa izan daiteke, baina faborez, errespetuz tratatu! Hemen asmatu, idatzi eta taularatua izan delako. Ur taldea hemen zegoenean ez zioten kasu piperrik egin, hori bai, Sari Nazionala eman dietenean, goresten hasi dira. "Nerudaren postaria" taularatu genuenean esan zuten "filma ikusi baduzu ez du merezi, ez baitu inolako ekarpenik egiten". Kanpoan berriz, kritika onak jaso zituen. Madrilgo bat hona etorri eta miretsi egiten dute, Osinaga edo Arturo Fernandez izanda ere. Zergatik?n Programatzaileek eragin handiagoa dute baina...Handiagoa ez nuke esango, programatzaileek kritikariei kasu egiten dietelako. Egia da hala ere, zartagina eskutik beraiek dutela kontratuak luzatzerakoan. Adibidez, Ander Lipus-en "8 Oliveti poetiko" antzezlan ausarta oharkabean pasatzen ari zen, harik eta norbaiti gustatu egin zaion arte eta orain gehiago programatzen hasiak dira
Antzerkian, nor da "erregea", publikoa ala aktorea?
Biak kutunki zaindu behar dira. Agian, publikoa gehiago daukat buruan entseguetan bere eserlekua hutsik egoten baita. Nolanahi ere, nik orokortasunari begiratzen diot, antzerkia arte ezberdinen nahasketa izanik, hau da, dramaturgia, musika, estetika, eszenografia, eszenaratzea... baina noski, aktorerik gabe ez dago ezer
Dario Fok dio publikoak buruan duen kamera erabiltzera bultzatu behar duela antzezle on batek, zoom baten gisan, plano orokor batetik motz batera mugi dezan.
Bai, jakina, hori da aktore on batek egiten duena. Taula gainean ere plano ezberdinak lantzen ditugu ikuslearen arreta mantentzeko. Lehenengo metroa ongi kontrolatu behar du, non pausatu begirada, begirada nola erakarri, eta abar
Maskaradak egingo al du inoiz gure errealitatea salatzeko antzezlanik?
Oso zaila da. Herri honetan kritika zorrotz bat egiteak ondorioak ekarriko lituzkeelako. Gizartea erdibitua dago, ez da erraza erdian egotea "Pepito Grillo"ren antzera; abertzaleak ez direnak kritikatuz gero, egurra, eta besteen aldean lerrokatuz gero, berdin. Behin baino gehiagotan planteatu dugu, baita zerbait idatzi ere. Baina suizidioa litzateke guretzat. "Els joglars"eko Albert Boadellak bere irudia lantzen jakin badu ere, ez dezagun ahaztu Katalunian dagoela
Heldutasuna eta tradizioa falta zaigu gure burua kritikatzeko.
Katalunian estatu mailan dagoen antzerkirik hoberena dute, antzerki kritikoa: "Els joglars", kale antzerkia "Els comediants", abangoardia "La fura dels baus" eta komedia "El Tricicle". Eta horiek iceberg-aren punta baino ez dira, antzerki eskola ofiziala, nazionala, milaka aktore eta zuzendari onak aukeran, alegia, Mario Gas, Flotats, Lluis Pasqual, Belbel, eta abar. Antzerkiko goi mailako ikasketak daude, gainera. Hemen aldiz, itsaso erdian gaude, norbaitek labankada bat eman eta ez duzu kontatzerik. Gure egoera apalegia da esperimentuak egin ahal izateko. Gure armadura mehegia da jasoko genituzkeen kolpeak jasateko
Zerez zaudete eginak antzerki zuzendariak?
Ba, denetik dago, ni, berez, lotsatia naiz. Baina badugu zerbait amankomunean: ikusmina eta jakinmina; oso ondo pasatzen dugu bizitza behatzen, begi zoliekin. Giza portaera, rolak, jendea ikustea ihauterietan, antzerki amateurra, jarrera bereziak, kalean entzuten diren ika-mikak, orain guregana datorren zerbitzariaren jarrera. Hori da gure iturri nagusia. Zuzendariak voyeurrak izaten gara, ateko zirrikitutik barrura begira; isilpean
Hamarrekoa
Hamarrekoa
AITA
AMA
AITOR MAZO
RAMON BAREA
ALFONSO SASTRE
HELENA PIMENTA
FERNANDO BERNUES
DARIO FO
JUAN CARLOS PEREZ
MIKEL MARTINEZ
"Ezkertiarra eta kultura zalea. Eragin handia izan du nigan"
AMA
"Okendo herrikoa, aberria eta euskal sena sentiarazi zizkidan"
AITOR MAZO
"Aktore naturala, gizon prestua eta atsegina. Txiste kontalaririk onena eta txarrena"
RAMON BAREA
"Aktore izugarri ona, eta zailena dena: aldakorra. Molderraza. eta puntako zuzendaria"
ALFONSO SASTRE
"Liburu handi bat da, kontatzen dituen anekdotekin ikasten duzu. Gurean dugun harribitxia"
HELENA PIMENTA
"Bere balioa kanpoan saritua izan ondoren onartu zaio. Klasikoak moldatzeko trebezia du"
FERNANDO BERNUES
"Gurekin jardun zuen aktore gisa. Jantzia dago antzerkiaren egoerarekin. Bere iritzia oso kontuan hartzen da Espainian"
DARIO FO
"Teatro kritikoaren idazlerik onena Brecht-en atzetik. Bere obra ezezagunak zorrotzagoak dira"
JUAN CARLOS PEREZ
"Musikan bide berriak zabaltzeko duen ausardia miresten dut. Bion elkarlanaren ondorio da 'Ikaro'"
MIKEL MARTINEZ
"Komediarako dohaia duen aktorea, bakarrizketei heltzeko kuraiarekin"
Tantoa
Tantoa
Iraupen lasterketa bat da antzerkia; jai dute oportunistek, antzerkiaren xarmak erakarrita hurbiltzen diren horiek. Eta Karlos Panerak egiaztatua du -ongi merezita- iraupen korrikalariaren maila euskal antzerkiaren lasterketan (norantz ordea?). Berari zor zaio talde "euskaldun" profesional baten sorrera. Baina lortu al du? Pilota hori oraindik teilatuan dago, beste anitz bezala; hain zuzen, Maskaradak, azkenean, bere burua konpainia elebiduntzat eman izanak gauza bat baino ez du adierazten: beren antzezlanen oihartzuna ez dutela hizkuntzaren arabera mugatuko. Beti ere, xede nagusiari muzin egin gabe: antzerki "euskaldun" profesionala. Maskaradaren curriculumean nornahik konta ditzakeen son handiko lanak daude, hain ezberdinak diren testuak oinarri hartuz. Hala nola, Gabriel Aresti, Marc Legasse, Oscar Wilde, eta abar; eta orain, "Ikaro" hau. Ahalegin esperimentala, gero, antzerki dramatikora gogo biziz itzularaziko dituena (guk nahiago ditugu beren saialdi "depouilees" horietan, ikuskizunaren "zero gradu"tik gertuago itsusikeria handietatik baino, non soinu efektuak isiltasun mota ezberdinetatik sortuak diren, eta mugimendu handiak, ia ezerezetik. Panerak denetara jokatzen daki, eta ongi egiten du, gainera)
Irakurrienak
Matomo erabiliz
#3
Haritz Arabaolaza
#4
Azkenak
2025-08-26
Pablo Gonzalez Lopez
Makro-onurak, mikro-ondoezak
Hemengo politikariek haien diskurtsotan immigranteen etorreraren alde edo kontra egiten dute. Immigrante ez-zurien etorreraren alde edo kontra, noski. Beste mugimenduak ez dut uste gehiegi inporta zaizkienik, edozein alderditakoak izanik ere. Tronu altu-altu batetik begiratzen... [+]
2025-08-26
Eneko Imaz Galparsoro
AEBetako Defentsako inteligentzia zerbitzuko burua kaleratu dute, Iranen aurkako erasoetan Trumpi aurre egin ostean
Jeffrey Kruse buru zen Defentsa Departamentuko inteligentzia zerbitzuek eginiko txosten baten arabera, AEBek Irango gune nuklearrei eginiko erasoek ez zuten Teheranen gaitasun nuklearra "guztiz suntsitu", bizpahiru hilabetez atzeratu baizik. Trumpek, ordea, adierazi zuen... [+]
2025-08-26
Jon Fernández González
Irakasle plazen %17 hutsik geratu dira Nafarroako Bigarren Hezkuntzan eta Lanbide Heziketan
473 plaza eskaini dituzte eta 84 ez dira bete. Lehen Hezkuntzan, aldiz, ia lanpostu guztiak bete dira.
2025-08-26
Kontxi Rebollo Ortega
Inoiz izan ez zen osasun ituna: aukera galdua Osakidetzarentzat
Duela gutxi Eusko Jaurlaritzak bultzatutako "Euskadiko Osasun Ituna" izenekoaren porrota ez da anekdota politiko soil bat, ezta osasun-kudeaketan unean-uneko estropezu bat ere. EAEko osasunaren ikuspegi kolektibo, inklusibo eta benetan publiko bat galtzea politika... [+]
2025-08-26
Josu Iraeta
Euskara, oldartu zaitez
Euskarak urte luzeetan ezaguturiko zapalkuntzaren ondorio larriak, frankismoaren errepresio itogarriak, baita gure hizkuntzarekiko erakutsi zuen jarrera erasokorrak ere, piztu zituzten herri honen euskaldungoaren kontzientzia eta oldarra. Eguneroko esperientziaren egoera larriak... [+]
2025-08-26
Soiartze Avila Gonzalez
Meatzaldea eta Ezkerraldea ez dira zuen zabortegiak
A zer zortea gurea! Inork nahi ez duen edozein industria-proiekturentzako puntu bero gogokoena gara gu! Ezkerraldea eta Meatzaldea, beti prest beste leku batzuetan gogaitzen duen guztia beso zabalik hartzeko. Petronor? Ederto. Lindane-hobi bat? Aurrera. Dorre elektrikoak gure... [+]
2025-08-26
Gorka Peñagarikano Goikoetxea
Gazara abiatuko da Global Sumud Flotilla, Euskal Herriko ordezkaritzarekin
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
2025-08-25
Jon Otermin Benito
Dopina
Sentitzen dut, baina kosta egiten zait sinestea. Yeray Alvarez Athleticeko jokalariak analisi batean positibo eman izanak berriro azaleratu du kirolean existitzen den dopinaren inguruko eztabaida. Eliteko kirolean, hobeto esanda; eta horra hor auziaren gakoa. Kirolari... [+]
2025-08-25
Jon Fernández González
Gorpu bat aurkitu dute Nagoreko urtegian, Nafarroan
Herritar talde batek bainua hartzen zegoela gorpua aurkitu eta Polizia deitu zuen. Iruñera eraman dute gorpua autopsia egiteko, eta heriotzaren zergatia argitzeko. Gizonak 51 urte zituen.
2025-08-25
Eneko Imaz Galparsoro
Ukrainako Independentzia Egunean, Kievek eta Moskuk 146na preso trukatu dituzte
Arabiar Emirerri Batuen bitartekaritzarekin lortu dute preso trukea gauzatzea. Zelenskik adierazi du Ukrainak "askatasunaren alde" borrokatzen jarraituko duela, herrialdeak independentzia aldarrikatu zuenetik 34 urte bete direnean: "Bakea behar dugu, eta gure... [+]
2025-08-25
Jon Fernández González
Israelek Gazako Nasser ospitaleari eraso egin dio, eta gutxienez hemeretzi pertsona hil ditu, tartean lau kazetari
Gazako osasun zentro nagusia bonbardatu du Israelek. Hildakoen artean lau kazetari daude, Reuters, AP, Al Jazeera eta NBCkoak.
2025-08-25
Aitor Irigoien Odriozola
Imanol (edo futbola gizartearen isla, beste behin)
Futbola herriaren opioa zela zioten batzuk; garrantzitsuak ez diren gauzetan garrantzitsuena dela pentsatzen dute hainbatek; kapitalismo basatienarekin lotzen duenik ere bada… Nire iritziz, gizartearen isla soila da; herritarron gabezia eta arazo askoren isla.
Ez zait... [+]
2025-08-25
Thomas Barlow
Hizkuntzaren ertzetik erdialdera
Hizkuntzalari ospetsu José Ignacio Hualdek hiru joera nagusi bereizi ditu euskaldun berrien artean, batuarekiko harremanari dagokionez: euskalki biziko herrietan, gazteek etxean euskalkia darabilte eta eskolan batua; gaztelaniaz hitz egiten den hiriguneetan, gehienek batua... [+]
2025-08-25
Haritz Arabaolaza
Irakasleon figura
Azkenaldian buruari bueltak ematen ari natzaio, hezkuntza publikoaren egoerari. Aurtengo ikasturteko greba garaiak pasa dira eta lan hitzarmen berria sinatu zela denboratxo bat igaro da. Irakasleoi, onerako eta txarrerako, garai hartako odol beroa hoztu zaigula esango nuke. Ez... [+]
2025-08-25
ARGIA
Euskaltzale independentistak Behorlegiko kanpaldian bildu dira, Nafarroa Behereko EHEk gonbidatuta
Ez diote ezeri muzin egin nahi opor giroan: natura, aisialdia eta gogoeta izango dira ardatz Euskaltzale Independentisten Akanpadan, abuztuaren 25etik 31ra.
Eguneraketa berriak daude