Angel Amigo: «Hemen umore politikoa egitea konplikatua da»

1996ko apirilaren 14a
Angel Amigo Igeldo ekoiztetxeko buruarekin elkarrizketa
Angel Amigo: «Hemen umore politikoa egitea konplikatua da»
Bai telebistarako bai zinema mundurako eginiko hainbat lanek ezaguna egin dute Angel Amigo. Oraingo honetan, azkena telebistaratu den lana, lehendakaritzara heldu den sukaldari baten komeriak eta xelebrekeriak jasotzen dituen «Jaun eta jabe» telesaila izan dugu hizpide.
«Bi eta bat»ekin arrakasta izan zuen ekipo berak, eta hau ere umore klabean. Galtzeko gutxi duen apustua.
Hasteko, apustu logikoa da. Ikus-entzuneko munduan ez dago formula ziurrik, ezta bizitzan ere. Funtzionatu duen formula da, eta ekipo berak ere beste gauza batzuk egin ditu. Horrekin ziurtatzen duzuna kalitate maila altua izatea da, ez jendearei gustatu edo ondo heltzea. Formula da eginaren eginez sortu dena, ez da artifiziala, lan egiteko beste modu bat da soilik.
«Goenkale»k duen arrakasta hausteko asmotan?
Beste mota bateko lana da. «Goenkale» egunerokoa da, foiletoia deritzona. «Jaun eta jabe» egoera-komedia da, asterokoa, eta umorea du ardatz. «Jaun eta jabe»rekin ez dugu «Goenkale»rekin lehian aritzeko asmorik. «Goenkale» egunero emititzearekin lortzen den lotura bera ezin dugu lortu. Bi munduak oso diferenteak dira.
Oraingoz 13 atal dira, jarraipenik aurrikusten al da?
Nik uste arrakasta duen edozerk jarraitzeko aukera duela. Datorren hilabetean jakingo dugu, oraingoz ez dago jakiterik. Jarraituko duela ere esaten da, baina horrela izatekotan ez dakigu noiz eta nola.
Lehendakari baten bizitza izatean, inor minduko den beldurrik ba al duzue?
Umore politikoa egitea herri honetan nahiko konplikatua eta era berean erronka handia ere bada. Giroa dagoen bezala egonda ez da txantxa askorik egiten eta, bestalde, agian arrazoi beragatik, ez da orain arte ia umore politikorik egin. Jendea mindu daitekela?, agian bai, baina aurre egin behar zaio, eta gustatzen ez zaionak telebista itzal beza. Ez dakit zenbateraino, baina ziurrenik mesedeko izango da «Jaun eta jabe».
ARRITXU ZELAIA
57

Gaiez\Komunikabid\Telebista\ETB\Saioak
Gaiez\Komunikabid\Telebista\ETB\Besteak
Pertsonaiaz\AMIGO1
Egileez\ZELAIA3\Komunikabid
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
Eskola jantokiak, noren ardura?

Sukaldeak errekuperatu, elikadura egokia bermatu, balio hezitzaileak transmititu. Asko dira hezkuntzako eragileek jantokietako zerbitzuak hobetzeko dituzten eskariak. Ez daude konforme catering enpresa handiek kudeatutako orain arteko ereduarekin, baina ezta Eusko Jaurlaritzako Hezkuntza Sailak urtarrilean egindako proposamenarekin ere: 2019-2020 ikasturtetik aurrera, hala nahi duten EAEko guraso elkarteek aukera izango dute ikastetxeko jantoki zerbitzua zuzenean kudeatzeko.


2019-02-24 | Z. Oleaga
Psikoterapien hazkundea ingurune militanteetan
Guaren eta niaren arteko oreka askatzaileen bila

Enpresetan, ikastetxeetan, kirol taldeetan… ez da psikologorik falta; artea, umorea edo bainua zirenak arteterapia, barreterapia eta hidroterapia dira egun, eta gure elkarrizketetan ohikoa da bipolar, neurotiko, depresibo edo psikosomatiko moduko terminologia erabiltzea... Homo politicusetik homo psicologicusera igaro gara, baita ingurune militanteetan ere.


2019-02-24 | Gorka Peagarikano
Zorionak, Seaska!

Elkarlanetik sortu eta bizi da Seaska, Ipar Euskal Herriko ikastolen elkartea. Ospakizunetan da: 50 urte bete ditu aurten. Larunbateko ekitaldiak Euskal Herriko hainbat txokotako jendea erakarri zuen Miarritzera. Ia 5.000 lagun inguru bildu ginen Iraty Aretoan, eta bigarrenez zorionak Seaskari, antolakuntza paregabea izan zelako.


1.000 arrazoi

1.000 lagun aitortza eta erreparaziorik gabe. 1.000 aulki huts, nafar torturatu bakoitzeko bana, paratu ditu Nafarroako Torturatuen Sareak Iruñeko Gazteluko Plazan.Tortura ofizialki ikertu ez den azken legegintzaldia hau izan dadin. Pako Etxeberriaren lantaldeak irekitako bideari jarraipena eman nahi diote Nafarroan.


2019-02-24
Egiazko ezker iraultzailea dela frogatzeko, bitan banatu da jada Gazte Koordinadora Sozialista

Igandean aurkeztu dute IAko gaiztoek jatorri eta ideologia anitzeko gazte askok Gazte Koordinadora Sozialista. Munduko langileriak eta erakunde sozialista guztiek erakutsitako bideari jarraiki, astelehen goizerako bitan banatzea erabaki dute: Koordinadora Sozialista Gaztea eta Gazte Sozialisten Koordinadora.


Azkenak
EGILEA
Eguneraketa berriak daude