Igandetik astelehenera bitarteko goizaldean gertatu da erasoa. Hainbat pertsona autoz gerturatu ingurura eta garrasika hasita harriak jaurti dizkie bikoteei.
‘Cruising’, sexu bereko pertsonek eta transexualek sexu-harremanak izaten dituzten espazioa da eta Zigoitikoan (Araba) gertatu da eraso homofoboa Lumagorri heterosexismoaren aurkako elkarteak salatu duenez. Auto batzuei kalteak ere egin dizkie.
Erasoak jasan dituztenei zein lekukoak izan direnei beraiekin harremanetan jartzeko deia luzatu die informazioa bildu dezaten. Honakoa da harremanetan jartzeko telefono zenbakia: 633309653
Erasoa pairatzen duten guztiak babesteko konpromisoa duela berretsi du Lumagorrik
Sexu orientazioa edo genero identitatearengatik erasoa pairatu duten lagun guztiak babesteko konpromisoa duela gogorarazi du ohar bidez.
Zigoitian eraso homofobo baten berri izan dugu.
Gertatutakoaren inguruko edozein informazioa jarri gurekin harremanetan#StopLGTBfobia pic.twitter.com/bGFLOnwxyu
— Lumagorri (@Lumagorrihat) 6 de agosto de 2018
Soraluzen Señora Bertso egunean eta Tolosako Inauterietako Zaldunita gauean bi eraso homofobo izan direla salatu dute.
Mutil-lagunari eskua emanda zihoan Asier; atzetik bi gizon gazte agertu eta muturreko bat eman zioten, hain bortitz, ezen sudurra apurtu zioten eta lurrera bota zuten. Sudurreko ebakuntza egin berritan hitz egin du ARGIAk berarekin: "Diskurtso faxista indartzen eta... [+]
Bermeoko Udalak Elantxoben larunbatean gertatutako erasoa gaitzetsi du, eta Anitzak Bilbao LGTBIQ+ elkarteak asteartean Bilbon gertatutakoa.
Asteartean deklaratu dute joan den asteko eraso homofoboarekin lotutako ustezko erasotzaileek eta biktimek. Ekainaren 21ean izango da hurrengo saioa.
Gazte talde batek jipoitu eta irain homofobo zein arrazistak egin zizkietela salatu dute biktimek, larunbat gauean taberna batetik ateratzean Villabonan (Gipuzkoa). Lakuako Segurtasun Saila gertatutakoa ikertzen ari da.