Zer oztopo ditu TTIPek 2016an indarrean sartzeko?


2016ko urtarrilaren 08an - 12:51
TTIParen aurkako manifestazioa Bruselan. (Arg: El Diario)

Bertan azaltzen denez, Europako Batzordeak berak dio kasurik onenean gutxiengoen arteko akordio politiko bat lortuko litzatekeela, 18 hilabeteren buruan Europako Parlamentuan eta AEBko Kongresuan berretsia izan beharko litzatekeena. Bruselaren iritziz bi oztopo nagusi daude: merkatu sarbiderako arazoak, batik bat estatubatuarren protekzionismoak eragindakoak, eta nekazaritza arantzelak.

Horrez gain, izaera teknikoko arazoak ere badaude, esaterako, araudia homogeneizatu behar izatea. Hau ezinbesteko betebeharra da merkataritza askeko itunak aurrera eramateko. Horren harira, Ekologistak Martxaneko Tom Kucharzen aburuz, Volskwagenen eskandaluak kalteak eragin diezazkioke Bruselari: “Volkswagenen iruzurrak, Europar Batzordearen utzikeria agerian utzi duenak, konfiantza galera handia eragin du Atlantikoaren bi aldeetan”. Kucharzen hitzetan, TTIPa ez da “inondik inora” indarrean sartuko 2016an.

Kenteko Unibertsitateko Ekonomia Zuzenbideko irakasle Harm Schepelek hauteskunde egutegia ere traba gisa ikusten du merkataritza libreko itunarentzat. “Ez dut uste TTPren aurka mintzatu den Hillary Clintonek TTIPa hauteskunde primarioen eztabaidara eramango duenik”, azaldu du.

Erreferendum bidez berretsia izateko aukera

Valentziako Unibertsitateko Zuzenbide irakasle den Adoracion Guamanek azaldu duenez, alde nabarmena dago itunaren inguruan iritzi publikoaren aurrean eta atez barrura esandakoaren artean. Honen arabera, Europar Batzordean “itun mixtoaz” hitz egiten hasiak dira. Honek ituna estatu kide bakoitzean berretsia izan behar izatea lekarke. “Egoera horretan, estatu batzuek erreferendum lotesleak egiteko aukera handituko litzateke”, azaldu du.


Kanal honetatik interesatuko zaizu: TTIP/TAFTA
2016-11-23 | Unai Brea
CETA akordioa Europako Auzitegian aztertzeari ezetz esan dio Europarlamentuak

Europako Legebiltzarraren gehiengoak ezetz esan dio Europar Batasunaren eta Kanadaren arteko merkataritza eta inbertsio ituna (CETA) Europako Justizia Auzitegiak azter zezala eskatzeko aurkeztutako mozioari. 258 parlamentarik bozkatu dute proposamenaren alde, eta 419k aurka... [+]


2016-11-10 | Unai Brea
Júlia Martí (Euskal Herria TTIPari Ez! kanpaina):
"Valoniak erakutsi du merkataritza askeko akordioei aurre egitea posible dela"

“TTIP eta CETA ezartzearren herritarrek aukeratutako parlamentu eta gobernuen aurka joko dutela frogatu du Valoniarekin gertatutakoak”, diosku Júlia Martík, Euskal Herrian TTIPari Ez! kanpainako bozeramaileetako batek. Azaroaren 5ean merkataritza askeko... [+]


TTIP eta CETA akordioen aurkako mobilizazioak larunbatean Hego EHko hiriburuetan

Larunbatean, azaroak 5, Hego Euskal Herriko hiriburuetan TTIP eta CETA akordioen aurka mobilizatzeko deia egin dute Euskal Herriko Eskubide Sozialen Kartak eta TTIP/CETA Ez plataformak.


2016-10-30 | Juan Mari Arregi
Ez ezazu irentsi

Hainbat plataforma sozialek ohartarazi dute zein ondorio izango dituen AEB eta EBren arteko merkataritza eta inbertsio itunaren (TTIP) negoziazioak. Munduko merkatu handiena sortuko du. Baina itun hori, CETA edo beste batzuk bezala, ez da merkatu akordio hutsa. Enpresa handiei... [+]


Eguneraketa berriak daude