TTIPen negoziazioa eteteko eskatuko duela esan du Frantziak

  • Frantziak EBko beste estatuei eskatuko die Europa eta AEBen arteko merkataritza askeko akordioaren (TTIP) negoziazioak eteteko, Matthias Fekl Kanpo Merkataritza estatu idazkariak RMC irratiari emandako elkarrizketan esan duenez. Haren ustez, negoziazioak ezkutukeriaz egin dira orain arte, eta horrek konfiantza falta handia eragin die herritarrei. Prozesua gelditu eta etorkizunean AEBekin bestelako negoziazio bati ekitearen alde azaldu da estatu idazkaria.


2016ko abuztuaren 30an - 11:00
EB eta AEBetako negoziazio-taldeetako buruak, Bruselan.

Feklek iragarri du irail amaieran egingo duela eskaria, Europar Batasuneko kanpo merkataritza arduradunen bileran, Bratislavan. Gaur egungo klima politikoan EB eta AEBetako ordezkariek TTIP negoziatzen jarraitzea guztiz desegokitzat jo du idazkariak.

Europar Batzordeak, bestalde, esan du TTIPen negoziazioek normaltasun osoz jarraitzen dutela aurrera, eta urtea amaitu baino lehen akordioa prest izatea dela asmoa. Hala erantzun du Margaritis Schinas bozeramaileak Bruselan emandako prentsaurrekoan, Sigmar Gabriel Alemaniako Ekonomia ministroak TTIPez egindako adierazpenez galdetu diotenean. Negoziazioak de facto agortuta daudela esan zuen Gabrielek; orain arte egindako hamalau errondetan akordio bakar bat ere erdietsi ez dela zehaztu, eta horren arrazoi nagusia “europarrok amerikarren nahiei men egin nahi ez izatea” dela gaineratu zuen.

Alemania eta Frantziaren benetako asmoez mesfidati

Merkataritza askeko akordioen aurkako kanpaina dabiltzan talde batzuen ustez, bai alemaniar ministroaren adierazpenak bai Frantziak Matthias Feklen ahotik agertutako jarrera amarru hutsa izan daitezke. Estatu bietan hauteskundeak izango dira datorren urtean, eta agintariek badakite TTIPen aurkako iritziak indar handia hartu duela beren lurraldeetan.

Bestetik, Europar Batasunak eta Kanadak dagoeneko adostuta duten CETA akordioa berresteko prozesua laster jarriko da abian, eta horri emango dioten babesa oharkabean pasaraztea izan liteke frantziar eta alemaniar gobernuek TTIPen aurka egindako adierazpenen helburua, iturri horien ustez. Nabarmendu dutenez, CETA indarrean jartzea TTIP indarrean jartzearen parekoa izango litzateke funtsean.


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
#5
Azoka
Kanal honetatik interesatuko zaizu: TTIP/TAFTA
2016-11-23 | Unai Brea
CETA akordioa Europako Auzitegian aztertzeari ezetz esan dio Europarlamentuak

Europako Legebiltzarraren gehiengoak ezetz esan dio Europar Batasunaren eta Kanadaren arteko merkataritza eta inbertsio ituna (CETA) Europako Justizia Auzitegiak azter zezala eskatzeko aurkeztutako mozioari. 258 parlamentarik bozkatu dute proposamenaren alde, eta 419k aurka... [+]


2016-11-10 | Unai Brea
Júlia Martí (Euskal Herria TTIPari Ez! kanpaina):
"Valoniak erakutsi du merkataritza askeko akordioei aurre egitea posible dela"

“TTIP eta CETA ezartzearren herritarrek aukeratutako parlamentu eta gobernuen aurka joko dutela frogatu du Valoniarekin gertatutakoak”, diosku Júlia Martík, Euskal Herrian TTIPari Ez! kanpainako bozeramaileetako batek. Azaroaren 5ean merkataritza askeko... [+]


TTIP eta CETA akordioen aurkako mobilizazioak larunbatean Hego EHko hiriburuetan

Larunbatean, azaroak 5, Hego Euskal Herriko hiriburuetan TTIP eta CETA akordioen aurka mobilizatzeko deia egin dute Euskal Herriko Eskubide Sozialen Kartak eta TTIP/CETA Ez plataformak.


2016-10-30 | Juan Mari Arregi
Ez ezazu irentsi

Hainbat plataforma sozialek ohartarazi dute zein ondorio izango dituen AEB eta EBren arteko merkataritza eta inbertsio itunaren (TTIP) negoziazioak. Munduko merkatu handiena sortuko du. Baina itun hori, CETA edo beste batzuk bezala, ez da merkatu akordio hutsa. Enpresa handiei... [+]


Eguneraketa berriak daude