'Euskal Herrian TTIPari ez!' kanpaina aurkeztu dute

  • AEBen eta Europar Batasunaren arteko merkataritza eta inbertsio itun transatlantikoari (TTIP, ingelesezko sigletan) ezetz esateko kanpaina abiarazi dute Euskal Herriko hainbat alderdi politiko, sindikatu eta gizarte eragilek.

Unai Brea @unaibrea
2015eko urtarrilaren 28a
30 alderdi, sindikatu eta eragile baino gehiagok egin dute bat kanpainarekin (Arg.: Unai Brea).

Jose Ramon Mariñok (ATTAC), Maitane Arrik (Ekologistak Martxan) eta Juan Hernandez Zubizarretak (STEE-EILAS) kanpainaren nondik norakoak eta 30etik gora eragilek izenpetutako manifestua aurkeztu dituzte, Bilboko Burtsa eraikinean emandako prentsaurrekoan.

Mariñok esan duenez, TTIPek arlo askori eragingo dio akordioa da; herritarren oinarrizko eskubideak urratu eta interes publikoa, ingurumena... babesten duten araudiak ahulduko ditu.

Halaber, gogorarazi du TTIPen ildo beretik doazen beste itun batzuk (CETA, TISA...) sinatu berri dituela edo negoziatzen ari dela Europar Batasuna, eta kanpaina hau horien ondorioa salatzeko ere baliatuko dutela. 

Arrik eta Hernandezek manifestuaren edukiaren berri eman dute. Adierazi dutenez, TTIPen helburua ez da AEBen eta Europaren arteko merkataritza-zergak arintzea, honezkero nahiko baxuak dira eta. Mahai gainean dagoena zenbait erregulazioren ahultzea eta zerbitzu publikoen pribatizazioa da. Gainera, negoziazioak gardentasunik gabe gauzatzen ari diela salatu dute.

Kanpainaren sustatzaileek kezka agertu dute, baita ere, TTIPen negoziatzaileek ISDS izeneko epaitegi bereziak ezartzeko nahia agertu dutelako. Epaitegi horien bitartez, enpresa transnazional batek salaketa jar dezake admnistrazio publikoak promulgatutako arau edo lege baten kontra, baldin eta bere irabaziei eragingo diela uste badu.

Bai mota horretako epaitegiei bai erregulazioa ahultzeari ezetz esango dio "Euskal Herrian TTIPari ez!" kanpainak, eta itunaren negoziazioak gardenagoak  izan daitezen eskatuko dute. Laster mozioak aurkeztuko dituzte Hego Euskal Herriko hainbat erakundetan, eta bat egingo dute Europa osoan apirilaren 18rako deitua den TTIPen aurkako egunarekin.

Azkenik, Jose Ramon Mariñok gogorarazi du manifestua irekita dagoela, nahi duten eragileek bat egin dezaten.

Kanal hauetan artxibatua: TTIP/TAFTA  |  TiSA akordioa

TTIP/TAFTA kanaletik interesatuko zaizu...
2016-11-23 | Unai Brea
CETA akordioa Europako Auzitegian aztertzeari ezetz esan dio Europarlamentuak

Europako Legebiltzarraren gehiengoak ezetz esan dio Europar Batasunaren eta Kanadaren arteko merkataritza eta inbertsio ituna (CETA) Europako Justizia Auzitegiak azter zezala eskatzeko aurkeztutako mozioari. 258 parlamentarik bozkatu dute proposamenaren alde, eta 419k aurka. Otsailean erabaki beharko du Europako Legebiltzarrak CETAri onespena ematen dion ala ez.


2016-11-21 | Hamaika Telebista
Nekazaritza: nekazaririk gabeko eredurantz?
MULTIMEDIA - Ertzak

Nekazaritzari buruz hitz egiten dugunean, nolako etorkizuna ikusten diogu lehen sektoreari? Nekazaririk gabeko nekazaritza posible da? Nola eragingo dute TTIP eta CETA bezalako akordioek lehen sektorean? Galderen erantzunen bila, EHNE sindikatuko Imanol Ibero eta Gari Nazabalengana jo dugu.


2016-11-10 | Unai Brea
"Valoniak erakutsi du merkataritza askeko akordioei aurre egitea posible dela"

“TTIP eta CETA ezartzearren herritarrek aukeratutako parlamentu eta gobernuen aurka joko dutela frogatu du Valoniarekin gertatutakoak”, diosku Júlia Martík, Euskal Herrian TTIPari Ez! kanpainako bozeramaileetako batek. Azaroaren 5ean merkataritza askeko akordioen aurka mobilizatu ostean, presio egiten jarraitzeko unea dela dio Martík. Mugarri hurbilena urtarrilean du akordioon aurkako mugimenduak: orduan erabakiko du Europako Legebiltzarrak EB eta Kanadaren... [+]


TTIP eta CETA akordioen aurkako mobilizazioak larunbatean Hego EHko hiriburuetan

Larunbatean, azaroak 5, Hego Euskal Herriko hiriburuetan TTIP eta CETA akordioen aurka mobilizatzeko deia egin dute Euskal Herriko Eskubide Sozialen Kartak eta TTIP/CETA Ez plataformak.


2016-10-30 | Juan Mari Arregi
Ez ezazu irentsi

Hainbat plataforma sozialek ohartarazi dute zein ondorio izango dituen AEB eta EBren arteko merkataritza eta inbertsio itunaren (TTIP) negoziazioak. Munduko merkatu handiena sortuko du. Baina itun hori, CETA edo beste batzuk bezala, ez da merkatu akordio hutsa. Enpresa handiei eta transnazionalei mesede egin eta produktore txikiak, kontsumitzaileak, merkatariak eta herritarrak kaltetuko ditu. Plataforma horiek dei egin dute itunak “ez irenstera”, kapitalismoaren espresioa direlako.


2016-09-02 | Unai Brea
Austriako Gobernua ere igo da TTIP zalantzan jartzen duten erakundeen trenera

Alemania eta Frantziako gobernuetako kideek TTIPez egindako adierazpenen ostean, Austriaren txanda iritsi da. Bertako gobernuko bi kide esanguratsu EB eta AEBen arteko merkataritza askeko akordioaren aurka azaldu dira ordu gutxiko tartean; Christian Kern gobernuburuak dagoeneko adostuta dagoen Kanada eta Europaren arteko CETA ituna ere kritikatu du.


2016-08-30 | Unai Brea
TTIPen negoziazioa eteteko eskatuko duela esan du Frantziak

Frantziak EBko beste estatuei eskatuko die Europa eta AEBen arteko merkataritza askeko akordioaren (TTIP) negoziazioak eteteko, Matthias Fekl Kanpo Merkataritza estatu idazkariak RMC irratiari emandako elkarrizketan esan duenez. Haren ustez, negoziazioak ezkutukeriaz egin dira orain arte, eta horrek konfiantza falta handia eragin die herritarrei. Prozesua gelditu eta etorkizunean AEBekin bestelako negoziazio bati ekitearen alde azaldu da estatu idazkaria.


TTIParen negoziazioek "huts egin dute" Alemaniako ekonomia ministroaren arabera

Alemaniako kantziler orde eta ekonomia ministro Sigmar Gabrielen ustez, akordioak kale egitearen arrazoia “europarrok amerikarren nahiei men egin nahi ez izana” da.


2016-05-25 | Etxalde
Ossau Irati, Idiazabal edo Erronkari gasnak Kanadan ekoiztuak CETArengatik?

Europa eta Kanadaren arteko libre merkatuko akordioak hainbat sor marka ez ditu babesten. Ossau Irati ardi gasna sor marka horietarik da eta ELB sindikatak salatu du joan den astean CETA izeneko akordioa onartua balitz, Ossau Irati eta beste hainbat izen libreki erabiltzen ahalko dituztela Kanadako laborari eta enpresek.


2016-05-20 | Unai Brea
Nori egiten dio mesede TTIPen agirien filtrazioak?

TTIPen aurkako kanpainan daudenentzat, filtrazioa arma bihurtu da, akordioaren kontra darabiltzaten argudioak baieztatzen ditu eta. Baina pribatuki filtraziookin zuhurtziaz jokatu beharra aipatzen dute. Sinple esateko: AEBen jarrera “gogorra” nabarmentzeak balio lezake etorkizunean EBren proposamen “leunago” batzuk justifikatzeko.


Eguneraketa berriak daude