Greenpeaceko sei aktibista Madrilgo Kio dorreetara igo dira TTIPen aurkako ekintzan
Espainiako Greenpeaceko sei kidek Madrilgo Kio dorreetako baten horma eskalatu eta TTIPen aurkako pankarta bat ipini dute 80 metroko garaieran. Greenpeacek berak maiatz hasieran zabaldutako dokumentuek erakusten dute, talde ekologistaren esanetan, AEBak eta Europar Batasuna negoziatzen ari diren merkataritza hitzarmenak mehatxu egiten diela herritarren eskubideei lan, ingurumen eta osasun arloetan, besteak beste.
“Negoziatzaileen helburua da merkataritzari ‘traba egiten dioen hesiak’ ezabatzea”, azaldu du Miguel Angel Soto Greenpeaceko kideak, “baina TTIPen hizkeran ‘hesi’ esaten zaien horiek ingurumenaren babeserako neurriak, lan eskubideak eta kontsumitzaileen osasunaren onerako arauak besterik ez dira”.
Maiatzaren 13an argitaratu zen TTIPek jasangarritasunean eduki ditzakeen inpaktuei buruzko ebaluazio-txostena, Europako Batzordeak sustatua. Greenpeacen esanetan, txostenak argi uzten du TTIP ez dela bateragarria NBEk garapen jasangarriaren alorrean ezarrita dituen helburuekin, ez eta 2015eko abenduan klima aldaketari aurre egiteko adostu zen Parisko Hitzarmenarekin ere.
“TTIPek eragingo du AEBek eta EBk 21 milioi tona CO2 gehiago igortzea atmosferara, baita Euroa osoan aireko kutsadura handitzea ere”. Greenpeacen ustez, nazioarteko merkataritza akordioek garapen jasangarriari eta klimari buruzko hitzarmen nagusien azpitik egon behar lukete, gaur egun ez bezala. Hala izan dadin eskatzeko igo dira Kio dorrera, hain zuzen.
Europako Legebiltzarraren gehiengoak ezetz esan dio Europar Batasunaren eta Kanadaren arteko merkataritza eta inbertsio ituna (CETA) Europako Justizia Auzitegiak azter zezala eskatzeko aurkeztutako mozioari. 258 parlamentarik bozkatu dute proposamenaren alde, eta 419k aurka... [+]
“TTIP eta CETA ezartzearren herritarrek aukeratutako parlamentu eta gobernuen aurka joko dutela frogatu du Valoniarekin gertatutakoak”, diosku Júlia Martík, Euskal Herrian TTIPari Ez! kanpainako bozeramaileetako batek. Azaroaren 5ean merkataritza askeko... [+]
Larunbatean, azaroak 5, Hego Euskal Herriko hiriburuetan TTIP eta CETA akordioen aurka mobilizatzeko deia egin dute Euskal Herriko Eskubide Sozialen Kartak eta TTIP/CETA Ez plataformak.
Hainbat plataforma sozialek ohartarazi dute zein ondorio izango dituen AEB eta EBren arteko merkataritza eta inbertsio itunaren (TTIP) negoziazioak. Munduko merkatu handiena sortuko du. Baina itun hori, CETA edo beste batzuk bezala, ez da merkatu akordio hutsa. Enpresa handiei... [+]