ARGIA.eus

2020ko urriaren 25a

TTIPen azken negoziazio errondako agiriak eskuratu eta zabaldu ditu Greenpeacek

  • Lehenbiziko aldiz publiko egin da AEBen posizioa TTIP merkataritza hitzarmenaren negoziazioetan, Herbeheretako Greenpeacek jaso eta zabaldutako filtrazio bati esker.

Unai Brea @unaibrea
2016ko maiatzaren 02a
Filtratutako dokumentuen lagin bat Alemaniako Parlamentuko horman proiektatu zituen Greenpeacek maiatzaren 1ean (Arg.: Ruben Neugebauer / Greenpeace).

Talde ekologistak adierazi duenez, lortu dituzten dokumentuak (248 orrialde guztira) apirilaren 25etik 29ra AEBek eta Europako Batzordeak New Yorken egindako negoziazio errondari dagozkie. “Agiriok argi erakusten dute enpresen irabaziak herritarren interesen gainetik jartzeko borondatea dutela”, salatu dute.

Greenpeacek zabaldutako lehenbiziko balorazioaren arabera, dokumentuetan ez da aipatzen klima aldaketari aurre egiteko beharra, ez eta ere GATT akordioko Salbuespen Orokorren araua. Azken horrek aukera ematen die estatuei merkataritzari buruzko arauakez betetzeko ingurumena eta pertsonen osasunaren babesa jokoan balego.

Halaber, Europan indarrean dagoen zuhurtzia printzipioa behin ere ez dela aipatzen nabarmendu du Greenpeacek. Bai, ordea, AEBek substantzia arriskutsuak arautzeko egindako proposamena, haien debekua asko zailduko lukeena.

Bestalde, zabaldutako agiriek erakusten dute zer nolako boterea ematen zaien korporazio handiei erabaki politikoetan parte hartzeko, nabarmendu dutenez. Talde negoziatzaileek “behin eta berriro azpimarratzen dute industriarekin kontsultak egiteko beharra”, Greenpeacen esanetan. Agiriak osorik ikusteko webgune bat sortu dute: www.ttip-leaks.org.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: TTIP/TAFTA

TTIP/TAFTA kanaletik interesatuko zaizu...


Azkenak
EGILEA
Argia buletina
Egunaren laburpena
zure e-postan
Eguneraketa berriak daude