ARGIA.eus

Bultza kazetaritza independentea

Zer aldatu da ARGIA.eus berrituan?

  • Hainbat hilabeteko talde lanaren ostean, ARGIA.eus berritu dugu. Diseinu aldaketarekin webgunea tendentzia berrietara egokitzea izan da asmoa, eta horrekin batera, erabiltzaileak ikusiko ez badu ere, administrazio atal osoa berritu dugu, zeinak lagunduko digun kazetaritza hobea egiten.

ARGIA
@argia

2023ko urtarrilaren 25a - 14:09
Azken eguneraketa:23:19

Nagusiki, informazioa hobeto antolatu, hierarkizatu eta aurkeztea da aldaketaren helburua. Argia.eus-eko orain arteko bi zutabe bertikal nagusien eskema alde batera utzi eta bloke horizontalagoen bidez sailkatuko dugu aurrerantzean informazioa. Besteren artean, gailu mugikorretarako askoz egokiagoa da egitura hau.

Diseinua ere findu dugu: tipografiak aldatu ditugu, koloreen erabilerarekin webgune garbiagoa egiten saiatu gara eta atal ugariak hobeto bereizi ditugu. Azken batean, egitura aldatu dugu, irakurterrazagoa izan dadin webgunean publikatzen dugun informazioa.

Ikusita mugikorren bidez sartzen direla milaka lagun egunero ARGIAra, gure webgunearen mugikorren bertsioa ere berrituko dugu. Artikuluen diseinu orokorrak aldatu direla ohartuko dira maiz bisitatzen gaituzten irakurleak.

Multimediak ere bultzada jasoko du, eta podcastez gain, ikus-entzunezkoen produkzioak ere leku nabarmena izango du. Esparru honetan berrikuntzak dauzkagu. Orain dela hainbat urte hasitako elkarlana sakondu dugu ARGIA eta Redfishen artean. Bigarren hedabide hau, Ukrainako guda hasi denetik, zentsura eraso handia jasotzen ari da eta egiten dituzten nazioarteko aktualitateari buruzko bideoak ARGIAn zabalduko ditugu, azaletik bertatik.

 

Gure ustez, mundu mailan jaun eta jabe den botere mediatiko neoliberalaren aurrean, kazetaritza independentea egiten duten hedabideek elkar lagundu behar dute, batez ere agendak partekatzen eta intereseko gaietan, elkarri oihartzun egiten. Hedabide handienek oso tresna boteretsuekin etengabe egiten dute hori, hala nola agenda partekatzen, albiste-agentziekin informazioak azkar eta ikuspegi berarekin zabaltzen, eta sare sozialetako multinazionalen konplizitatearekin beti hedabide hauek sustatuz.

Administrazio atala ere berrituta

ARGIAren webguneak 25 urte dauzka –hemen gaiari buruz Itsaso Zubiriak landutako erreportajea–, eta ikusten ez bada ere, barrualdeko administrazio gunea adabakiak bata bestearen gainean jarriz eraikita dago. Hasieran, digitalizatuta zeuden elkarrizketak eskaini ziren webgunean, gero astekariko erreportajeak, ondoren albisteak idazten hasi ziren, hemeroteka sareratzen hasi, multimediak, blogak, etiketak, online azoka… Atal bakoitza egin zen unearen erradiografiak dira ARGIAren webgunearen tripak –gaur gaurkoz 120.000 artikulu ditugu indexatuta, eta etorkizun hurbileko proiektua da 1919 urtera arteko guztia berdin eskaintzea–, eta lanerako moldatzen baginen ere, honetan ere, garai berrietara egokitzeko beharra ikusten zuen lantaldeak.

ARGIAren kazetaritza proiektua estimatzen baduzu, ARGIAkoa egitera animatu nahi zaitugu. Prezio finkorik gabe eta elkartasunean oinarrituta, zuk zeuk aukera dezakezu zenbateko ekarpena egin nahi duzun eta bueltan zer jaso nahi duzun.


Kazetaritza kanaletik interesatuko zaizu...
Olatz Simon Barreras. Berriemaile zaildua Parisen
“Albiste garrantzitsua labur kontatzen ikasteko, ez dago Brusela baino hoberik”

Atzerrian beti, bakan izan ohi dugu etxean. Aspaldi, Paris du habia, handik ari zaigu berri ematen EITBn, batean telebistan, irratian bestean. Bere kronikek erakusten duten argitasunak beraren atzetik eraman gaitu, Hamelingo xirulariari jarraika iduri. Solasean,... [+]


Gazterik ez omen dago lanerako

Lide Iraola Azpeitia hernaniarra da bere kazetaritza ikasketak praktikan jartzen azkena ARGIAn. Amaitzear du lau hilabeteko egonaldia eta egin eta ikasitakoarekin “gustura” dagoela adierazi digu.


2023-01-27 | ARGIA
Argia Sariak banatuko dira gaur Usurbilgo Atxega Jauregian

Aurrez aurreko ekitaldian banatuko ditugu berriro ere euskarazko komunikazioaren sariak, Usurbilgo Atxega Jauregian. Urtarrilaren 27an euskal kultura eta jendarteko ehundik gora lagun bilduko dira, eta 16:00etatik aurrera ARGIAko webgunean eskainiko dugu zuzenean sari banaketa.


Bihartik aurrera: ARGIA.eus berritua

Hainbat hilabeteko lanaren ostean, bihar ARGIA.eus berria publiko egingo dugu. Diseinu aldaketarekin webgunea tendentzia berrietara egokitzea izango da asmoa, eta horrekin batera, erabiltzaileak ikusiko ez badu ere, administrazio atal osoa berritu dugu, zeinak lagunduko digun... [+]


Albistegiak

Aspaldian nengoen Teleberria ikusi barik, baina harira ez datozen arrazoiengatik parean tokatu zaizkit larunbat eta igande gauekoak. Eta argi geratu zait zergatik laga nion telebistako informatiboak jartzeari.

Duela urte asko oso gustukoa nuen albistegiak ikustea, baina... [+]


Eguneraketa berriak daude