Zahar-etxeetan neurriak eskatzeko elkartea sortu dute Nafarroan
Zainduz elkartea sortu dute Nafarroako zahar-etxeetan dauden adinekoen hainbat familiak: zahar-etxeetako egoera salatzea eta konponbidea emateko neurriak eskatzea dute helburu. Protestak iragarri dituzte eta dei egin diete egoiliarrei, langileei eta senideei, elkartearekin bat egin dezaten.
Babesgabe sentitzen diren hogeita hamar bat familiak osatzen dute oraingoz elkartea. Salatu dute zahar etxeetako jasangaitza dela eta egunero urratzen direla adinekoen “eskubideak, duintasuna eta bizi-kalitatea”, baita langileen egoera prekarioa dela ere.
Egoera honen atzean dauden arazoak zerrendatu dituzte: hala nola, murrizketak, pribatizazioa, langile falta eta lan-baldintzen prekarietatea. Pandemiak agerian utzi ditu hauek guztiak, nahiz eta arazoak lehenagotik datozen.
Antolatzeko deia
Salaketa bakarrik ez, konponbideak nahi ditu Zainduz elkarteak, tartean zahar-etxeetan bizi direnen arreta osasun etxeek bermatzea. Datozen asteetan protestak iragarri dituzte eta antolatzeko deia egin diete egoiliarrei, langileei eta senideei. Horretarako, batzar irekia egingo dute datorren asteartean (hilaren 27), 18:00etan Iruñeko Kondestablearen jauregian, eta kontakturako posta ere eman dute: zainduz-cuidando@gmail.com.
Orain arte kudeaketa zeraman enpresa pribatuarekin kontratua eten eta Patronatuko Batzordeak erabaki du Zaintza Lanak SL udal enpresa publikoren esku uztea egoitza. Eraikinean obrak egingo dituzte eta egoiliarrentzako lekua murriztuko dute eraberritze lan horien ondorioz.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Urkulluk askotan aldarrikatu du sistema kapitalistaren muinean dagoen publiko-pribatu elkarlana, baina lotura hori gaur zertan den azaltzeko inolako asmorik gabe. Publikoa osagarria eta menpekoa denean, ezin dituenean merkatuaren interesak zanpatu, eta lege bidez inposatutako... [+]
Maiatzaren 23 eta 24an grebara deitu dute Arabako zaharren egoitza pribatu eta etxebizitza komunitarioetako langileek. Patronalaren “blokeoa” salatu dute ELAk eta LABek, eta soldata igoera eta lanaldi murrizketa jasoko dituen lan hitzarmena eskatu.
Otsailaren 1ean zortzi eguneko greba abiatu zuten Bizkaiko erresidentzietako eta eguneko zentroetako langileek. Lan baldintzen hobetzea eta zentroetan eskaintzen den arreta ereduaren errotiko aldaketa exijitzen ari dira. Asteazkena dute azken greba eguna, baina ez dute... [+]