Greba berria hasi dute Arabako egoitza pribatuetako langileak
Maiatzaren 23 eta 24an grebara deitu dute Arabako zaharren egoitza pribatu eta etxebizitza komunitarioetako langileek. Patronalaren “blokeoa” salatu dute ELAk eta LABek, eta soldata igoera eta lanaldi murrizketa jasoko dituen lan hitzarmena eskatu.
ELAk eta LABek azaldu dutenez, maiatzaren 15ean eseri ziren patronalarekin azken aldiz negoziazio mahaian, baina sindikatuek orduan egindako proposamenari ez dio erantzunik eman oraindik patronalak. “Horrek agerian uzten digu negoziatzeko duen jarrera eskasa”, adierazi dute sindikatuek, eta patronalaren “blokeoa” gaitzetsi dute.
Lau urte borrokan
Lan hitzarmen propio baten alde lau urte baino gehiago daramatzate borrokan sektoreko langileek, sindikatuek azpimarratu dutenez. Soldataren igoera eta lanaldiaren murrizketa dira beren aldarrikapen nagusiak, horiek direlako arazo nagusiak: “Lanarengatik sortutako gero eta gaitz gehiagorekin, urteko lanaldi oso luzeekin, eta gero eta zailagoa egiten zaie hilabete amaierara iristea; hau da, lan egiteko bizi dira, eta bizirauteko lan egiten dute".
Egoitzena eta zaintzarena sektore feminizatu eta prekarizatuak dira oro har, “non emakume horiek adinekoen bizitzari eusten lan egiten duten”, eta lan horiek “eskertu eta baloratzeko” beharra azpimarratu dute sindikatuek.
Hitzarmenaren aldeko mobilizazioak
Patronalari negoziatzeko eskatu diote sindikatuek, eta Arabako Gizarte Politiketako diputatu Emilio Solari ere eskatu diote hitzarmena bultzatu dezala. “Zaintzak publikoak izan behar dira, eta ez negozioa”.
Hitzarmena lortzeko mobilizatzera eta borrokatzera deitu dute sindikatuek, “gehiegizko gutxieneko zerbitzuek uzten duten neurrian”. Maiatzaren 23ko astearte goizean manifestazioa egin dute langileek, asteazkenerako kontzentrazioa eta manifestazioa antolatu dute, eta ostiral goizez autokarabana egingo dute.
Orain arte kudeaketa zeraman enpresa pribatuarekin kontratua eten eta Patronatuko Batzordeak erabaki du Zaintza Lanak SL udal enpresa publikoren esku uztea egoitza. Eraikinean obrak egingo dituzte eta egoiliarrentzako lekua murriztuko dute eraberritze lan horien ondorioz.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Urkulluk askotan aldarrikatu du sistema kapitalistaren muinean dagoen publiko-pribatu elkarlana, baina lotura hori gaur zertan den azaltzeko inolako asmorik gabe. Publikoa osagarria eta menpekoa denean, ezin dituenean merkatuaren interesak zanpatu, eta lege bidez inposatutako... [+]
Otsailaren 1ean zortzi eguneko greba abiatu zuten Bizkaiko erresidentzietako eta eguneko zentroetako langileek. Lan baldintzen hobetzea eta zentroetan eskaintzen den arreta ereduaren errotiko aldaketa exijitzen ari dira. Asteazkena dute azken greba eguna, baina ez dute... [+]
Ikusgarriak dira berriz ere metalgintzako sektoreko grebak Bizkaian azken bi asteetan utzi dizkigun irudiak. Badago langile borrokaren amaieraz aritzen denik Euskaldunako garaiak nostalgiaz gogoratuz, baina errealitatea da lan gatazken kopuruak gora egin duela Euskal Herrian... [+]