Zabalgarbi, karbono dioxido gehien isurtzen duten enpresen artean

  • Bizkaiko errauskailuak 2014an bosgarren postuan amaitu zuen Euskal Herriko enpresa isurtzaileenen artean.

Urko Apaolaza Avila @urkoapaolaza
2015eko urriaren 07a
Errauskailuaren isurien benetazko datuak askoz larriagoak direla dio Ekologistak Martxan taldeak (arg.: Zorrotza.info)

Petronor findegia, Bahia de Bizkaia ziklo konbinatuko zentrala, Galindoko araztegia eta Donostiako Añorga auzoko Rezola zementu fabrikaren ostean, Zabalgarbi da Euskal Herrian berotegi-efektuko gas gehien isurtzen duen instalazioa.

Zabalgarbiren urteroko ingurumen txostenari eta Estatuko isurien erregistroko datu ofizialei erreparatu die Ekologistak Martxan taldeak ondorio hori ateratzeko. Bizkaitar gehienen hondakinak erreaz 235.000 tona CO2 isuri zituen 2014an Zabalgarbik gure atmosferara.

Datu errealak, area larriagoak

Talde ekologistak nabarmendu duenez, kontabilitate ofiziala ez dator bat euren esanetan egiazkoak diren datuekin. Zenbaketa egiteko hondakinen zati biogenikoa –landare eta egurretatik eratorria– kendu zaio, berotegi-efektuko gasik ez omen duela isurtzen esanez.

Hala, Zabalgarbiren 2014ko benetako CO2 isuriak 375.011 tona lirateke eta horri gehitu behar zaizkio errauskailua martxan izateko ziklo konbinatuko gas naturala erretzen isuritako 157.340 tona.

Datu horiek kontuan edukita, Zabalgarbi Euskal Herriko hirugarren azpiegitura isurtzaileena litzateke.

Errausketa vs isuriak gutxitzea

Zabalgarbiko errauskailuak hondakinak errez sortutako errauts, eskoria eta beste substantzia toxikoez gain, planetaren berotzean eta klima aldaketan ere badu erantzukizunik beraz. Hala, hainbat erakundek errausketaren eta klima aldaketaren inguruan hartutako jarrerak kontraesanean leudeke.

Aldaketa klimatikoa eta itsasertzari buruz Ficoban egindako “Uhinak” kongresuan Eusko Jaurlaritzak azaldu du bideragarria dela karbono dioxido isuriak %40 jaistea. Jaurlaritzak Klimaren Munduko Goi Bileran parte hartuko du Parisen eta Ekologistak Martxan taldeak eskatu dio "egoerak exijitzen dituen premiekin eta erronkekin kontsekuente izateko".

Bestetik, kongresu berean, Zubietan errauskailua jarri nahi duen Gipuzkoako Foru Aldundiko ordezkari Jose Ignacio Asensiok esan du “estrategia adostu bat” behar dela aldaketa klimatikoari egokitzeko. Asensiok Gipuzkoa "ereduzko lurralde" izatea nahi luke klima aldaketaren ondorioak arintzeko planetan.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Bizkaiko errauskailua kanaletik interesatuko zaizu...
2018-09-18 | Zero Zabor
Zabalgarbik 2005etik 600.000 tona eskoria lurperatu ditu kontrolik gabe, salatu du Zero Zabor Bizkaian-ek

ZZB Zero Zabor Bizkaian plataformak salatu du 2005etik gaurdaino Zabalgarbi erraustegiak 600.000 tona eskoria –hondakin nahasiak erretzeak utzitakoak– isuri dituztela Bizkaiko zabortegietan eta hori kontrol egokirik gabe egin duela, prozesuaren kalitatea bermatzen duen Gaiker fundazioak horretarako legezko akreditaziorik ez daukalako.


2018-05-16 | Zero Zabor
Gipuzkoako zaborrak Bizkairako bidean: GuraSOS eta ELAren erreakzioak

Zalaparta sortu baitu Gipuzkoako zabor nahastuak Bizkaiko erraustegira eta zabortegi batera eramateko bi lurraldeetako agintariek daramaten negoziaketaren albisteak (ikusi Gipuzkoako 60.000 tona nahasi, Bizkaiko erraustegirako bidean… eta garestitzen) laster hasi dira –sare sozialetako iritzi ugariez gain– eragile sozialen erreakzioak ezagutzen. Lehenetakoak izan dira GuraSOS elkartea eta ELA sindikatua. Hona zabaldu dituzten idatziak:


2018-05-15 | Zero Zabor
Gipuzkoako 60.000 tona nahasi, Bizkaiko erraustegirako bidean... eta garestitzen

Mallabiako udalak ukaturik baimena Gipuzkoatik 60.000 hondakin nahasi bertako zabortegira eraman ditzaten, Bizkaiko Foru Aldundiak sartu du eskua operazioan eta Gipuzkoari bi aukera eskaini dizkio: edo tona horiek Zabalgarbiko erraustegira eramatea, edo zaborrok beste TMBren batean tratatu ondoren eramatea Bizkaira, beti ere bi operazioetako edozeinetan sortuko diren koste gehigarriak pagatuz.


Zabalgarbiri diru-laguntzak kentzea eztabaidatuko du Europako Legebiltzarrak asteartean

Azaroaren 28an Europako Parlamentuko ITRE Industria, Ikerketa eta Energiaren batzordeak bozkatuko du zabor nahasi/errefusentzako diru-laguntzak Europar Batasunaren Zuzentarau berritik kanpo uztea. Honek bete-betean harrapatuko luke Bizkaiko Zabalgarbi erraustegia. ZWE Zero Waste Europek salatzen du Bilboko erraustegiak erakusten duela argien nola energia berriztagarrientzako diru-laguntzak desbideratzen diren negozio zikin baina etekin handikoen eskuetaraino.


2017-05-17 | Unai Brea
Hondakin politikan aldaketa sakonak eskatu dituzte Bizkaiko Zero Zabor plataformaren aurkezpenean

Hondakinak kudeatzeko errausketarik gabeko sistema berri baten aldeko aldarria egin du maiatzaren 17an –Birziklapenaren Nazioarteko Egunean– Bilbon aurkeztu den Bizkaiko Zero Zabor plataformak. Aldundiak astelehenean zabaldutako datuek azken urteetako kudeaketaren porrota agerian utzi dute, plataformako kidearen esanetan.


Artseniko kutsadura Zabalgarbi ondoan: ondo eta azkar ikertu beharra dago

Zabalgarbi inguruan artsenikoa hirukoiztu egin dela azaldu du Berrian Iñaki Petxarroman kazetariak. Aste bete geroago Fernando Palacios ikerlariak dio erraustegiaren inguruko landarerik eta horiekin bazkatutako animaliarik ez litzatekeela jan behar.


Zabalgarbik ez du jarraitzen eskorien kutsadura kontrolatzeko europar araudia

Errauskailuak ez ditu egin dioxina eta furanoen kontzentrazioa neurtzeko azterketak. Laginak ere modu irregularrean hartu ditu, txosten baten arabera.


2016-03-04 | Unai Brea
Birziklapenari eta errausketari buruzko datuak manipulatzea leporatu diote ekologistek Bizkaiko Foru Aldundiari

Bizkaiko Foru Aldundiak hondakinen kudeaketari buruz zabaltzen dituen datuetan “manipulazio larriak daude”, esan du gaur Gorka Bueno EHUko irakasleak, Ekologistak Martxan taldearen izenean Bizkaiko Batzar Nagusietako Eskaeretarako eta Herritarren Hartu-emanerako Batzordean egindako agerraldian. Okerreko datuak, besteak beste, Europar Batasuneko araudiekin bat ez datozen zenbaketa-metodologiak erabiltzearen ondoriozkoak dira, agerraldiaren ostean zabaldu duten txostenean irakur... [+]


2016-02-08 | ARGIA
Lemoizko zabortegia berriz ireki dute, Zabalgarbitik 100.000 tona eramateko

2013tik geldirik zegoen Jata zabortegia –Lemoiz eta Jatabe udalerrien eremuan, Uribe Kostan– berriro ireki du Bizkaiko Foru Aldundiak, Zabalgarbiko TMBtik ateratako hondakinak bertan pilatzeko.


Zabalgarbik erretako hondakinen %85 birziklagarria zen eta %1,6 arriskutsua

2014an Bilboko Zabalgarbi errauskailuak kiskali zituen 100 kilo hondakinetatik 31 hondar organikoz osatua zen, enpresak berak Eusko Jaurlaritzari emandako datuen arabera.


Eguneraketa berriak daude