Gipuzkoako 60.000 tona nahasi, Bizkaiko erraustegirako bidean... eta garestitzen

  • Mallabiako udalak ukaturik baimena Gipuzkoatik 60.000 hondakin nahasi bertako zabortegira eraman ditzaten, Bizkaiko Foru Aldundiak sartu du eskua operazioan eta Gipuzkoari bi aukera eskaini dizkio: edo tona horiek Zabalgarbiko erraustegira eramatea, edo zaborrok beste TMBren batean tratatu ondoren eramatea Bizkaira, beti ere bi operazioetako edozeinetan sortuko diren koste gehigarriak pagatuz.

Zero Zabor @zero_zabor
2018ko maiatzaren 15a
Bilbo ondoan dagoen Zabalgarbi erraustegiaren ikuspegi ez oso ezaguna. (Argazkia: Eguzki Barakaldo)

Segun eta nork esplikatu, Bizkaiko agintariek gipuzkoarrei “eskaintza” egin diete (Noticias taldeko egunkarien hitzetan) edo eta “exijitu” egiten (Correo taldekoen bertsiotan). Batean eta bestean, hala ere, garbi geratu dira gauza batzuk. Bat, Bizkaia prest dago Gipuzkoako hondakinak bere lurretan hartzeko baina denbora labur baterako. Bi, ez ditu onartuko zabor nahasiok bere horretan, GHKk Gipuzkoako Mutiloara bidaltzen dituen moduan bidalita: Bizkaiko zabortegiren batean uztekotan, aurretik beste tratamenduren bat jaso beharko dute, gutxienez TMB batean eta nahi izanez gero erraustegian. Hiru, Gipuzkoak zaborrok eragindako gastu guztiak pagatu behar ditu, ez bakarrik tratatzeko edo betirako lurperatzeko gastuak, baizik eta baita horiek hartzeagatik Bizkaiak bere azpiegituretan egin beharreko aldaketengatiko kanonak ere.

2015ean EAJ eta PSEk Gipuzkoako erakunde nagusien agintea hartu zutenetik, hondakinen gaikako bilketa selektiboetan egiten ari zen aldaketa bertan behera moztu zuten, ondoriotzat ekarriz azken errefus edo zabor nahastuen kopuruaren jaitsiera –aurreko legealdian oso nabarmena izan zena- etetea. Beste aldetik, Gipuzkoarako diseinatutako lehen TMBari bidea itxi zioten, Zubietako erraustegiaren operazioa ondo lotu arte (orain Bizkaiak horixe aurpegiratzen dio, ez onartuz TMBtik pasa gabeko zaborrik bere lurraldeko biltegietan). Eta, batik bat, legealdiaren parte handiena eman dute Zubietako erraustegiaren proiektua berpiztu eta abiarazten, aginduz 2019 aurrera dena egongo dela ondo konponduta.

Horrela pasatu da Gipuzkoa Europa mailan hondakinen kudeaketan trantsizio eredugarri bat abiatzetik zaborrez itota dagoen lurralde izatera eta non sartu ez dakien (Mutiloako zabortegiak ezin ditu denak irentsi eta Mallabiakoak "Betearte" izen profetikoa dauka) hondakinen inguruan instituzioen eta alderdi politikoen arteko presio eta jolasen biktima izatera.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Errausketa kanaletik interesatuko zaizu...
2019-02-14 | Zero Zabor
Erraustegiek 2020etik aurrera ez dute Europako kohesio funtsetik laguntzarik jasoko

Europako Legebiltzarrean Eskualdeen Garapenerako batzordeak bozkatu du moztea Europar Batasunaren diru-laguntzak hondakinentzako zabortegi eta erraustegiei 2020tik aurrera. Parlamentariek argudiatu dutenez, honek baimenduko du diru gehiago erabili ahal izatea hondakinen prebentzio, berrerabiltze eta birziklatzeari laguntzeko, Europak 2035rako ekonomia zirkularra lortzeko ipinitako helburuak lortzeari begira.


2019-02-13 | Zero Zabor
Kanaldude telebistak Zubietako erraustegiari buruzko mahai ingurua eskainiko du zuzenean Andoaindik

Ostegunean, 14, izango da mahai-ingurua Andoaingo Urigain kultur etxean. Kanaldudek zuzenean eskainiko du 19:00etatik aurrera, baina saioa aurrez-aurre ikusi eta entzutera datozen herritarrei aurretik Ipar Haizea elkarteak pintxo-potea eskainiko die, 18:30etan.


2019-02-11 | ARGIA
Erraustegiaren enpresek iritzi publikoa kontrolatzeko antolatu duten komunikazio plana argitaratu du GuraSOSek

Zubietako erraustegia eraikitzen ari diren enpresek (Urbaser, Meridiam, Altuna y Uria, Moyua, Murias eta LKS-Mondragon) komunikazio talde bati eman diote Gipuzkoak Ingurumen Gunea eufemismoz bataiatutako erraustegi konplexuaren irudi ona gizarteratu eta sortu diren kontrako iritziei gaina hartzeko ardura. GuraSOS elkarteak eskuratu du oposizioko taldeen aurkako diskurtso bat egituratzen ari den kabinetearen agiri konfidentziala eta igandean Lasarte-Orian egindako ekitaldi jendetsuan erakutsi... [+]


2019-02-07 | Usurbilgo Noaua
OEITeko medikuen agiri berria: "Erraustegi ondoan bizitzeagatik dioxina-maila altuak odolean"

Osasuna eta Errausketa Ikerketa Taldea (OEIT), hondakinen errausketak osasunean duen eraginaz diharduten mundu mailako ikerketa ezberdinen datu kezkagarriak plazaratzen dabil astero, sare sozialen bidez. Azken hamabostaldian beste bi ikerketako datuak plazaratu ditu.


2019-02-05 | Zero Zabor
Serbiak atzera bota du Belgradeko erraustegi proiektua, aurkako mugimenduari arrazoi emanda

Ne Davimo Beograd mugimenduak aurkeztutako helegiteei arrazoi emanda, Serbiako gobernuak baliogabetu egin du Ingurumen ministerioak emandako ingurumen baimena Belgrado (1.700.000 biztanle) hiriburuko Vinca auzoan eraiki nahi zuten erraustegi berriarentzat. Prozedura osoa hasieratik errepikatzera behartu du.


2019-02-01 | Zero Zabor
Gloucesterreko erraustegia: udala eta Urbaser auzitara eraman dituzte herritarrek, tartean Jeremy Ironsek

Gloucesterreko udalak eta Urbaser multinazionalak epaitegian erantzun beharko diete hainbat herritarrek CommunityR4C elkartearen ekimenez auzitara eraman dituztelako, Javelin Park erraustegiaren kontratua osorik erakutsitakoan hasieran agintariek aitortutako 500 milioi libretako kostoak benetan 633 milioi zirela jakin denean.


2019-01-17 | Zero Zabor
Portland Valderribasek ezingo du hondakinik erre Sevillan, Auzitegi Gorenak baimena baliogabetuta

Portland Valderribas zementu ekoizleari Andaluziako Juntak (PSOEren agintepean) baimena emana zion Alcala de Guadairako Los Alcores porlan fabrikan hondakinak erretzeko. Baimena lehenik Andaluziako Auzitegi Nagusiak baliogabetuta, Junta tematu zen helegitea jarriz eta orain Madrilgo Auzitegi Gorenak baliogabetu du behin betikoz baimen hori.


2019-01-15 | Zero Zabor
Gloucesterreko erraustegiaren 'zuloaren' eskandalua Londresko parlamenturaino iritsi da

David Drew Gloucester konderriko diputatu laboristak Londresko legebiltzarraren bileran eskatu du hango erraustegiaren diru-kontuetan azaldu den zuloaz eztabaida publikoa abiatu dezatela parlamentariek: "Erraustegiarena proiektua katastrofikoa da, datozen 25 urteetarako sistema bati kateatu gaitu eta honek ez dio batere lagunduko hondakinen murrizte eta birziklatzeari". 


2019-01-14 | Zero Zabor
Kornuallesko erraustegi berriak zazpi hilabete daramatza argindarrik sortu barik

Haserre dago jendea Kornuallesen (Britainia Handia). Urte askotako eztabaida eta oposizioa gainditzeko, St. Dennis erraustegia sustatzen zuten agintari eta enpresak argudio garrantzitsutzat aurkeztu zuen zaborrak kiskaliz argindarra sortuko zuela. Baina hilabeteak aurrera doaz, zazpi dagoenekoz, eta labeetako beroari argindarrik ateratzerik ez dute lortzen.


2019-01-08 | Zero Zabor
Eta Gloucesterreko erraustegiaren kontratua erakutsi dutenean... 100 milioi libra garestiago azaldu da

Iazko ekainean 15 eguneko gose greba egin zuen gazte batek Gloucesterren (Erresuma Batua) agintariei eskatuz bertan eraikitzen ari diren Javelin Park erraustegiaren kontratua osorik erakuts zezatela. Eguberriotan plazaratu dutenean, ezustekoa zeraman barruan: orain arte aitortua baino %30 gehiago kostako zaiela herritarrei. Protestak ugaritu dira eta politikari batzuek auditoria independentea eskatzen hasi.


Eguneraketa berriak daude