Yvan Colonnaren zigorra etetea erabaki du Frantziako Gobernuak
Colonnaren abokatuek zigorra eteteko egindako eskariari baiezkoa eman dio Frantziako Justizia ministerioak. Horretarako "osasun arrazoiak" argudiatu ditu. Egunotan Korsikan istilu larriak eragin ditu espetxean larri zauritutako presoaren aferak eta korsikar abertzaleen eskaerak hauspotu ditu.
Martxoaren 2tik Marseillako ospitalean larri dago Yvan Colonna, Arlesko espetxean jasandako jipoi baten ondorioz. Hala, bere abokatuek "osasun arrazoiak" argudiatuta kondena etetea eskatu dute eta Frantziako Gobernuak onartu egin du eskari hori.
Azken egunotan Korsikan protesta jendetsuak eta istilu gogorrak izaten ari dira, Cortin, Bastian edo hiriburuan bertan, Ajacciun. Presoari egindako erasoak sorturiko haserreak irla hartako mugimendu abertzalearen eskariak berpiztu ditu, eta horren ondorioz, besteak beste "autonomia" estatusa ematea aztertzen ari da Emmanuel Macronen gobernua.
Otsaila bukaeran abiatuko dute Frantziako Konstituzioaren moldaketa dakarren proposamenaren idazketa. Agendaren berri ukan bezain laster berretsi du bere baldintza Korsikako Asanbleak: "Irlako hautetsi eta eragile guztiak beharko dira idazketa fasean inplikarazi".
Mediterraneoko uharteko bigarren etxebizitzen kontrako ekintzak bere gain hartu ditu Korsikako Nazio Askapenerako Fronteak (FLNC). Igandetik astelehenerako gauean gertatu dira eta aurretiaz ere bestelako eraso batzuk aldarrikatu zituen abuztu hasieran.
Frantziako Konstituzioan Korsikaren izaera berezia jasoko luke artikulu batek. Presidenteak hezkuntzan korsikera bultzatzeko asmoa iragarri du, baina ez hizkuntza ofizial bihurtzeko.
Autonomisten eta independentisten arteko deliberazio komuna lortu dute, eztabaida, gatazka eta negoziaketa luzeen ondotik. 63 hautetsietatik 46k alde bozkatu dute, oposizioko Un Soffiu Novu-k aurka bozkatu du eta Corsica Libera talde independentistako bat abstenitu da, Josepha... [+]
Korsikaren burujabetzari buruzko saio berezia eginen du uztailaren 4an irlako asanbleak. Bitartean, eskatu beharrekoari buruzko adostasun batera heldu nahian dabiltza alderdi abertzale ezberdinak.