Korsikan bero iragartzen dira egunak, Colonna preso politikoaren heriotza ezagutu berritan
Koman hilzorian egon da hiru astez, Arlesko presondegian preso yihadista batek jipoitu egin zutenetik. Martxoaren 21 gauean hil da, familiak jakinarazi duenez. Azken asteetan uhartean izan diren istiluak ikusita, aurreikus daiteke mobilizazio gogorrak antolatuko dituztela datozen egunetarako.
Korsikar independentisten azken hamarkadetako borrokaren sinboloa izan da Yvan Colonna preso politikoa. 1998an Ajaccion Claude Erignac prefet frantsesa hil izana egotzita biziarteko kartzela zigorra ezarri zioten 2007an.
Urteak ziren korsikarrek presoak uhartera hurbiltzeko eskatzen zutela, Frantziako Estatuak entzungor egiten zien bitartean.
Martxoaren 2 goizean preso yihadista batek Arlesko espetxeko patioan emandako jipoiaren ondorioz oso larri geratu zen Colonna. Bere abokatuak zabaldu du heriotzaren berri sare sozialetan:
En accord avec la famille, @sylvaincormier @StellaCanava et moi confirmons le décès d’Yvan Colonna survenu ce soir.
L’heure est au recueillement.
Ch’ellu riposi in pace.
— Mercinier&Pantalacci (@Mercinier) March 21, 2022
"Haien heriotza al da egiazki zuen helburua?"
Colonnak bera errugabea esan izan du beti, eta Korsikako alderdi abertzaleen gehiengoaren babesa eduki du. Parisko krimen auzitegiak, ordea, frogatutzat eman zuen auzia. Azken urteetan bere familiarengana gerturatzeko hainbat eskaera egin dituzte, baina Frantziako estatuko kartzeletan mantendu dute.
Colonnak jasandako jipoia eta Frantziako estatuan preso dauzkaten beste bi preso politiko korsikarren egoera dela-eta honakoa idatzi zuen Sulidarità elkarteak sare sozialetan martxo hasieran: “Justizia frantsesari egiten diogun galdera bakarra honakoa da: haien heriotza al da egiazki zuen helburua?”.
Iragan astean Frantziako Gobernuak erabaki zuen Colonnaren zigorra etetea, "osasun arrazoiak" argudiatuta. Izan ere, presoaren egoera larriak Korsikan istilu larriak eragin zituen eta korsikar abertzaleen eskaerak hauspotu.
Otsaila bukaeran abiatuko dute Frantziako Konstituzioaren moldaketa dakarren proposamenaren idazketa. Agendaren berri ukan bezain laster berretsi du bere baldintza Korsikako Asanbleak: "Irlako hautetsi eta eragile guztiak beharko dira idazketa fasean inplikarazi".
Mediterraneoko uharteko bigarren etxebizitzen kontrako ekintzak bere gain hartu ditu Korsikako Nazio Askapenerako Fronteak (FLNC). Igandetik astelehenerako gauean gertatu dira eta aurretiaz ere bestelako eraso batzuk aldarrikatu zituen abuztu hasieran.
Frantziako Konstituzioan Korsikaren izaera berezia jasoko luke artikulu batek. Presidenteak hezkuntzan korsikera bultzatzeko asmoa iragarri du, baina ez hizkuntza ofizial bihurtzeko.
Autonomisten eta independentisten arteko deliberazio komuna lortu dute, eztabaida, gatazka eta negoziaketa luzeen ondotik. 63 hautetsietatik 46k alde bozkatu dute, oposizioko Un Soffiu Novu-k aurka bozkatu du eta Corsica Libera talde independentistako bat abstenitu da, Josepha... [+]
Korsikaren burujabetzari buruzko saio berezia eginen du uztailaren 4an irlako asanbleak. Bitartean, eskatu beharrekoari buruzko adostasun batera heldu nahian dabiltza alderdi abertzale ezberdinak.