Xabier Arzalluz hil da
Eusko Alderdi Jeltzaleak eman du Xabier Arzalluz Antiaren heriotzaren berri. 86 urterekin hil da.
aurre egingo dieten hedabide independenteak
Urte askoan EAJko Euskadi Buru Batzarreko presidente izandakoa, Euskal Herriko historia hurbileko politikari esanguratsuenetako bat izan zen (Azkoitia, 1932 - Bilbo, 2019). Bere alderdiak Twitter bidez eman du heriotzaren berri:
Xabier Arzalluz zendu da. Pertsona, jeltzale eta abertzale aparta joan zaigu. Une latza eta gogorra bere senide, lagun eta alderdikide guztientzat. Goian Bego!
— EAJ-PNV (@eajpnv) 2019(e)ko otsailaren 28(a)
Familia karlista baten barruan sortua, Jesusen Konpainian sartu zen gaztetan, baina denbora gutxira kanporatu zuten. 1969an afiliatu zen alderdi jeltzalean eta klandestinitatean ekin zion karrera politikoari. Franco hil ostean, jadanik EAJn kargu garrantzitsuak zituen.
Trantsizioko urteetan izan ziren prozesu politiko eta negoziazioetan buru-belarri jardun zuen jeltzaleen lider gisa, Xibertan edo Gernikako Estatutuaren ingurukoan, besteak beste. Autonomiaren "gazta" lortu izanaz hala aitortu zion handik urte askora Sustrai Colinari ARGIAn: "Saguak deitu gabe hurbiltzen dira gazta-usainera. Horretan datza politikaren funtsa, gazta errekara bota gabe saguak uxatzean".
Lemoiz zentral nuklearraren alde ere egin zuen, ari dagokio “Lemoiz egiten ez badugu, azak jango ditugu” esaldia.
1977ko hauteskundeetan Espainiako Legebiltzarreko parlamentari eta senatari hautatu zuten eta 1979tik 1984ra bitartean EBBko presidente izan zen. EAJ barruko tira-birak zirela eta zatiketa gertatu zen garai horretan eta Eusko Alkartasuna sortu zuten Carlos Garaikoetxearen aldekoek. Bere itzala oso nabarmena izan zen Nafarroako sektorearekin izandako liskarretan.
1987an berriz izendatu zuten EBBko buru eta 90eko hamarkadan –Ajuria Eneako Itunaren urteak– ezker abertzalearekin sarritan konfrontatu zen.
2004an kargu organiko guztiak utzi eta EAJko militante "soil" izatera pasa zen, Josu Jon Imazek alderdiaren zuzendaritza bereganatu zuenean: "Ni ohituta nago Madrildik Xabier Arzalluzen aurka aritzera, eta azkenean ikusi dut nire alderditik ere zenbait jende nire aurka aritu dela. Zeintzuk? Traba egiten diedan batzuk", azaldu zuen 2004an kargutik kendu berritan Xabier Letona eta Pello Zubiria ARGIAko kazetariekin izandako elkarrizketan.
"Euskadi egunen batean independente izango da"
EAJko buruzagitzan egon zen denbora horretan, euskal eta espainiar politikako alderdi guztiekin egin izan zituen itunak, Jose María Aznarren PPtik hasi eta ezker abertzaleraino. Jeltzaleei egozten zaien "penduluaren" mugimendua –alde batetik printzipioak defenditu eta bestetik pragmatismoa praktikatzea– oso ondo haragiztatzen zuen Arzalluzek.
Bere diskurtso grinatsuaren ondorioz lagun eta etsai ugari egin zituen; ahoan bilorik gabe hitz egiten zuen iragarpenak egiteko unean: "Euskadi egunen batean independentea izango da, traba guztien gainetik, formula batez edo bestez, eta hori ez du geldiaraziko ez Alderdien Legeak ez beste ezerk", esan zion Mikel Asurmendiri 2009an LARRUN gehigarrian egindako mahai-inguruan.
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Durangoko Ernaik salatu du Txiki eta Otaegiren muralaren kontrako erasoa. Ostegun arratsaldean murala berregiteko dei egin dute.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
50 maliar inguru ari dira kalean bizitzen Gasteizen beren asilo eskaeren ebazpenaren zain. Eusko Jaurlaritzak Oñati eta Tolosako harrera zentroetara mugituko ditu Espainiako Gobernuaren pasibotasunaren aurrean, horren eskumena baita eskaerak ebaztea eta ostatu alternatiba... [+]
Hedabideen artean erakunde publikoek urtero publizitatearen bidez banatzen duten diru-zakua milioika eurotan zenbatu daiteke. Baina sistema garden eta justu baten faltan, medio batzuk argi eta garbi irabazten irteten dira banaketa horretan, eta Eusko Jaurlaritzaren... [+]
Komunikazio ministro eta gobernuaren bozeramaileak iragarri du neurria. Berehala galdetu diote ea mehatxuren batek bultzatu duen erabakia, eta horri erantzun dio "mehatxua Israelgo eskuin muturretik" datorrela.
Iñigo Urkullu lehendakari ohiak adierazi du Txiki eta Otaegi Eusko Jaurlaritzak aitortutako biktimak direla, eta hala "errespetua" merezi dutela. Haien biktima izaera ezin dela zalantzan jarri azpimarratu du.
Ostegunean eman dituzte asilo eskaera tramitatzeko lehen txandak: bederatzik lortu dute, irailerako. Eusko Jaurlaritzak ebazpena arintzea, eta migiratzaileak ostatzeko zentroetara mugitzea eskatu dio Espainiako Gobernuari.
Aurten Txiki eta Otaegi fusilatu zituztela 50 urteko beteko direnean, Alonsok adierazi du ETAko bi kideek ez zutela nahi Franco osteko gizarte demokratiko bat: "Diktaduraren aurka borrokatzen ziren, baina diktadurak erabilitako tresna berberekin".
Tenperatura igoera dago aurreikusita datozen egunetarako, eta, sute arriskuak ekiditeko, ostegun iluntzeko 20:00etatik aurrera debekatuta egongo da uzta lanak egitea. Aurretiaz ere neurriak hartuta zituen gobernuak, baina Zarrakazteluko sutea kontrolpean izanda, neurriak malgutu... [+]
Bakoitzak 1.680 eguzki panel izango ditu, eta megawatt bateko potentzia. Enpresak hiru urteko epea izango du Muga eta Val izeneko instalazio fotovoltaikoak eraikitzeko.
Erresuma Batuko gobernuak proposatu du delituak dituzten migratzaileak berehalakotasunez deportatzea, ekainean onartutako legearen bide beretik. Lege horrek baimentzen du sententzien %30 beteta dutenak deportatzea; igandeko proposamenarekin ez dute zigorrik bete beharko... [+]
Txiki eta Otaegiren fusilamenduen 50. urteurrenaren harira jarritako olana kendu du Zarauzko Udalak. Sortuk salatu du udalak, EAJ eta PSE-EEk osatuta, "zaborra izango balitz bezala" tratatu zuela olana. Zenbait herritarrek berreskuratu eta Azken Portuko plazan ireki dute.
Eusko Jaurlaritzako Industria, Trantsizio Energetiko eta Jasangarritasun sailak ingurumen baimena ukatu dio Piaspe egitasmoari, Statkraft enpresak Azpeitia, Zestoa eta Errezil artean eraiki nahi dituen errotek eta argindarra garraiatzeko azpiegiturek eragingo... [+]