Wikileaksek filtratu du zerbitzu publikoak pribatizatu nahi dituela EBk

  • Wikileaksek filtratutako dokumentu baten arabera Europar Batasuna sekretuan negoziatzen ari da Zerbitzuen Komertzioari buruzko Akordioa (TISA ingelesez) beste dozena bat herrialderekin batera, zerbitzu guztiak, publikoak barne, merkatura ireki daitezen.


2014ko ekainaren 25an - 00:00
Azken eguneraketa: 2015-02-26 13:37:33
Zerbitzuen aldeko manifestazioa (argazkia: diagonalperiodico.net)

Filtrazioaren edukia aztertzeko Pablo Sanchez Zerbitzu Publikoen Sindikatuen Europar Federazioaren (EPSU) komunikazio arduradunaren hitzak jaso dituzte Diagonal egunkarian: “Ahalik eta zerbitzu gehienak negoziagarriak izan daitezen bermatu nahi dute, batez ere gaur egun zerbitzu publiko bezala ezagutzen ditugunak". Horrez gain, “sektore publikoaren aurka” ekimen bateratu bat dagoela baieztatzeko balio du filtrazioak, bere ustez.

Beren buruari "zerbitzuen lagunik onenak” deitzen dieten herrialde batzuen koalizioa da TISAren negoziaketa bultzatu duena, Diagonalen arabera. Euren helburua “zerbitzu publikoak pribatizatzea eta iraganean egindako pribatizazioak atzera bueltarik ez izatea” dela adierazi du Sanchezek.

Negoziaketak aurrera jarraituz gero, hezkuntza, zerbitzu sozialak, ingurumen-zerbitzuak, osasuna  eta beste hainbat zerbitzu esku pribatuen kontrolpean geratuko lirateke.


Kanal honetatik interesatuko zaizu: TTIP/TAFTA
2016-11-23 | Unai Brea
CETA akordioa Europako Auzitegian aztertzeari ezetz esan dio Europarlamentuak

Europako Legebiltzarraren gehiengoak ezetz esan dio Europar Batasunaren eta Kanadaren arteko merkataritza eta inbertsio ituna (CETA) Europako Justizia Auzitegiak azter zezala eskatzeko aurkeztutako mozioari. 258 parlamentarik bozkatu dute proposamenaren alde, eta 419k aurka... [+]


2016-11-10 | Unai Brea
Júlia Martí (Euskal Herria TTIPari Ez! kanpaina):
"Valoniak erakutsi du merkataritza askeko akordioei aurre egitea posible dela"

“TTIP eta CETA ezartzearren herritarrek aukeratutako parlamentu eta gobernuen aurka joko dutela frogatu du Valoniarekin gertatutakoak”, diosku Júlia Martík, Euskal Herrian TTIPari Ez! kanpainako bozeramaileetako batek. Azaroaren 5ean merkataritza askeko... [+]


TTIP eta CETA akordioen aurkako mobilizazioak larunbatean Hego EHko hiriburuetan

Larunbatean, azaroak 5, Hego Euskal Herriko hiriburuetan TTIP eta CETA akordioen aurka mobilizatzeko deia egin dute Euskal Herriko Eskubide Sozialen Kartak eta TTIP/CETA Ez plataformak.


2016-10-30 | Juan Mari Arregi
Ez ezazu irentsi

Hainbat plataforma sozialek ohartarazi dute zein ondorio izango dituen AEB eta EBren arteko merkataritza eta inbertsio itunaren (TTIP) negoziazioak. Munduko merkatu handiena sortuko du. Baina itun hori, CETA edo beste batzuk bezala, ez da merkatu akordio hutsa. Enpresa handiei... [+]


Eguneraketa berriak daude