Turismoarekin lotutako protestak izan dira asteburuan Venezian, Palman eta Donostian

  • Turismoaren gaiak zeresana ematen jarraitzen du. Asteburuan protestak eta mobilizazioak izan dira hainbat lekutan: Venezian (Italia) gurutzontzi handien aurkako No Grandi Navi protesta eta ekimenak egin dituzte bi egunez, Palman (Herrialde Katalanak) "Nahikoa da, honaino heldu gara" manifestazioa eta Donostian hotel baten eraikuntzaren aurka etxebizitza bat okupatu dutela jakinarazi dute.

Palman milaka lagun atera ziren kalera indarrean dagoen turismo ereduaren aurka protesta egiteko.

2017ko irailaren 26an - 10:45

Asteburu osoko protesta antolatu dute Venezian. Hitzaldi, herri bazkari eta kontzertuez gain, beste behin, itsasora jo dute ehunka lagunek gurutzontzien sarreraren aurka protesta egiteko. Poliziak bere lekua hartuta zeukala irakur dezakegu Venezia Today hedabidean.

Gurutzontziek egunean zehar, protestak medio, ez ateratzea erabaki zuten. Gauean, Laguna zeharkatzen hasi zirenean, ordea, protestariek bertan jarraitzen zuten eta su artifizialak bota zizkieten. Ikusi bideoa hemen.

Palman "nahikoa da" esan dute

Palman milaka lagun bildu dira larunbatean uhartean nagusi den turismo ereduaren aurka. "Fins aquí hem.arrivat, aturem la massificació turistica" lelopean (Honaino heldu gara, geldi dezagun masifikazio turistikoa euskaraz) Palman gai horrekin sekula egindako manifestaziorik handiena egin dute.

 

Hotel baten aurkako erresistentzia Donostian

Donostian, berriz, Donostiako Alde Zaharrean hainbat herritarrek etxebizitza bat okupatuta daukate joan den ekainetik, hotel berri baten eraikuntza gelditzen saiatzeko. Larunbatean egindako prentsaurrekoan jakinarazi eta erresistentziarako deia egin dute, nabarmenduz, Udalak ez duela sinatu azken baimena.


Kanal honetatik interesatuko zaizu: Turismo masiboa
25 lagunetara murriztuko dute turista taldeetako gehieneko pertsona kopurua Donostian

Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.


Lau donostiarretatik hiruk uste dute turismoak kalte “handia” egiten diela

Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.


Pisu turistikoak debekatu ditzakete bizilagunek, Espainiako Auzitegi Gorenak ebatzi duenez

Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.


Tasa turistikoa aplikatzeko lehen urratsak ematen ari da Jaurlaritza

Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.


Turistifikazioaren aurkako manifestazio jendetsua egin dute Donostian

Hiritarrek salatu dute turismo jarduerak hirian “gehiegizko bolumena eta pisua” hartu duela. Halaber, egoera “desazkunde turistikorantz” bideratzea aldarrikatu dute, “kalteak handitzea eta iraunkortzea” ekiditeko.


Eguneraketa berriak daude