Etxebizitza bat okupatu dute Donostian hotel baten eraikuntzari erresistentzia egiteko

  • Donostiako Alde Zaharrean hainbat herritarrek etxebizitza bat okupatuta daukate joan den ekainetik, hotel berri baten eraikuntza gelditzen saiatzeko. Larunbatean egindako prentsaurrekoan jakinarazi eta erresistentziarako deia egin dute, nabarmenduz, Udalak ez duela sinatu azken baimena.

ARGIA @argia
2017ko irailaren 25a
Prentsaurrekoa Donostiako alkate Eneko Goia eta turismo zinegotzi Ernesto Gascoren maskarekin egin dute.

Turismofobia izeneko oharra irakurri dute hainbat auzokideren babesean eta aurpegiak Eneko Goia alkate eta Ernesto Gasco alkateordearen maskarekin estalita. Okupatuta daukaten etxebizitzatik pankarta handi bat zintzilikatu dute ondorengoa idatzita: "H + ez. Erresistentzia".

Prentsaurrekoan turistifikazioaren ondorioak salatu dituzte, hala nola, hiriko alokairuen prezioen etengabeko igoera, bertako hizkuntzaren kaltetan ingelesaren nagusitzea edo ordu txikietako zalaparta. "Beldurra diogu udaletxeak industria turistikoarekin duen batasun interesatuari", adierazi dute.

Horren aurrean, bi aukera ikusten dituztela adierazi dute: batetik, "turismoari bidea ireki eta gure auzotik deserriratzea"; bestetik, "beldurra borroka bilakatu, eta hotelari, turistifikazioari eta bere erantzuleei gerra deklaratzea". Bigarren hautu hori egin dutela jakinarazi dute.

Eraikinaren jabetzaz informazio xehea eman dute. Hala nola, eraikinaren jabea Zaragueta familia dela, eta hauek hotela eraikitzeko baimena Asier Arriola izeneko enpresari bati eman diotela. Enpresari hau ondorengoen jabe dela jakinarazi dute: The Parranda, Atari, Sirimiri, Youth Hostel, Gu diskoteka eta Basque Travel bidaia agentzien buruari. "Burgesiak milioika euro irabaziko ditu hotelarekin, eta argi eduki ez dugula aberastasunik jasoko, baizik eta lan prekarioak eta gure auzoetatik kanporatzea. Turistak jasotzeko, eraikin horretako 13 pisuetan bizi litezkeen familiek beste norabait alde egin behar izan dute: hori da turistifikazioaren biolentzia".

Hotela ez eraikitzeko eskatu dute eta hala egingo balitz, arduraduna Donostiako Udala litzatekela adierazi dute, Alde Zaharra "gune saturatu" hark izendatu zuela gogoraraziz.

"Bien bitartean, gure apustua argia da: ekintzaren bitartez, botereak kentzen diguna guk geuk hartu eta auzoko komunitate sareak indartzen jarraituko dugu. Zentzu honetan, gure proiektua defenditzeko eskatzen dugu, bai eta Errekaleor, Tosu, Deustuko gazte lokala eta arriskuan diren gune aske guztiak ere", jakinarazi dute. "Guk argi daukagu: Hotela gelditzera goaz".

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Okupazioa  |  Donostia  |  Turismo masiboa

Okupazioa kanaletik interesatuko zaizu...
2018-07-16 | Topatu.eus
Errekaleor margotzeko auzolanera deitu dute uztailaren 23tik abuztuaren 3ra

Auzolanean parte hartzen dutenek Errekaleorren gosaldu, bazkaldu eta afaltzeko aukera edukiko dute, baita auzoan lo egitekoa ere, espazio komun zein kanpin dendetan. Izena emateko auzolanaerrekaleor@riseup.net helbidera idazteko eskatu dute.


2018-07-06 | ARGIA
Ertzaintzak lagun bat atxilotu du Donostiako Alde Zaharreko gazte lokala hustu ostean

Ostiral goizean ertzainez lagundutako udaltzainek Donostiako Alde Zaharreko gazte lokal berria hustu eta itxi dute. Joan den larunbatean okupatu zuten Aldamar kalean, urte luzez hutsik izan den bideokluba. ARGIAri bertako iturriek jakinarazi diotenez, udaltzainek ez dute agindu judizialik eta legez kanpoko desalojoaren aukera indarra hartzen ari da.


Okupazio berria Donostiako Alde Zaharrean
"Okupazio eta autogestioaren sokak ez du etenik"

Auzoarentzako lokal bilakatu nahi dute. Azkenaldian okupazio saiakera gehiago egin dira.


2018-07-02 | Nahia Ibarzabal
Aman Komunak sareak deialdia egin du udan ZADera joateko

Udan ZADen egingo den auzolanean eta nazioarteko topaketetan nahi duen orok parte hartu dezake. Izen ematea zabalik dago.


2018-06-26 | ARGIA
Madrilgo La Pluma zentro sozial transfeminista hustu dute Desokupa enpresako hogei bat gizonek

Ordena judizialik barik eta indarkeriaz atera dituzte eraikinean zirenak, El Saltok informatu duenez.


2018-06-26 | Ahotsa.info
Lizarrako Gazte Asanbladak eraikin bat okupatu du

Urte luzeetan zehar Lizarrako Pinupe Gaztetxea gazte mugimenduaren erreferente bat izan eta gero, Lizarrako Gazte Asanbladak okupazio berri bat gauzatzea erabaki du eta Lizarrako erdialdean kokaturik dagoen eraikin publiko batean sartu dira autogestio proiektu bat martxan jartzeko asmoarekin.


2018-06-25 | ARGIA
Errekaleorreko hamazazpi mural erraldoiak

Gasteizko Errekaleor auzoan dauden mural erraldoien argazkiak.


Errepresioaren dimentsio neurtezinak

Notre-Dame-des-Landesko ZADen, jendarmeen eta ekintzaileen arteko istiluetan, gazte batek eskua galdu zuen. Anputatua, guztiz, poliziak legalki erabiltzen duen granada batek lehertua. Burura etorri zitzaidan zeinen zaila izan daiteken erantzukizuna bere tokian kokatu eta mantentzea: zer egiten nuen nik istilu haietan, jakin behar nuen non sartzen nintzen, ez nuen arriskua ondo neurtu.

Iruñeko istiluetan iaz atxilotutako Oreretako gazteek gauza bera pentsa dezakete. Are zamatsuagoa... [+]


2018-06-22 | Hala Bedi
Gasteizko Auzolana Pilotalekua, 10 urte txapa ematen

10 urte bete dira Gasteizko Alde Zaharreko zenbait norbanako eta eragilek pilotalekua okupatzea lortu zutenetik. Azkenengo urteak korapilatsuak izan diren arren, hasierako filosofiak aurrera darrai, autogestioa oinarri izanik.


2018-06-10 | Jakes Bortairu
Notre-Dame-des-Landes

NDDL bezala ezagutua den Nantes aldeko herri txikian 50 urtez aireportu proiektu baten kontrako borroka iragan da, bereziki azken hamarkadan. 2009tik goiti ingurumen eta bertako laborarien defentsari klima aldaketaren problematika gehitu zitzaion, eta oro har, produkzio-modu kapitalistaren erabateko kritika. Hasieran mobilizatu ziren jendarteko eragile desberdinei, beste sektore erradikalago batzuk lotu zitzaizkien proiektua oztopatzeko. Borrokaren dinamikak mikro-jendarte alternatiboa sortu... [+]


Azkenak
EGILEA
Eguneraketa berriak daude