Urte berriarekin “ofentsiboagoa” den dinamika abiatuko du Bake Bidea-k
Euskal preso eta iheslarien egoerari dagokionez azken urtean aurrerapauso esanguratsurik eman ez dela iritzirik, egungo dinamika “ofentsiboagoa eta determinatuagoa” den beste batengatik aldatuko du Bake Bidea-k. Urtarrilaren 8an Baionan egingo den manifestazioarekin emango diote hasiera fase berriari.
aurre egingo dieten hedabide independenteak
Urtebeteko epean “euskal preso eta iheslarien auziaren konpontze orokorraren aldeko pausu esanguratsurik” eman ez dela iritzirik, 2022ko lehen sei hilabetekoan “ofentsiboagoa eta determinatuagoa” izango den dinamika abiatuko duela iragarri du Bake Bidea-k. Fase berri horri urtarrilaren 8an emango diote hasiera, Denbora guti dugu! Unai, Jon eta Jakes gurekin lelopean Baionan egingo den mobilizazioarekin.
Hitzordu horren aurretik ere deitu dituzte biltzera herritarrak. Izan ere, iragarritako fase berri horren eraikuntzari begira jartzeko, abenduaren 4an Hiriburun bilera deitu dute. Goizeko 09:00etatik 12:30ak arte iraungo du bilerak, eta La Perle gelan egingo da.
Azaroaren 24a Xistor Haranburu euskal preso ohiaren baldintzapeko askatasunaren urtemuga izanik, data hori aukeratu du Bake Bideak dinamika aldatzeko hautuaren berri emateko. Izan ere, azaldu dutenez, 2020ko irailaren 19an Baionako suprefeturan murrua altxatzearekin etapa bat eman zitzaion hasiera, baina handik gutxira Pariseko Dei Gorteak Xistor-en baldintzapeko askatasuna onartu izanak, aurreikusita zeukaten ekintza desobedientea bertan behera uztera eraman zituen. “Betiere, euskal presoen gaiari aterabide bat atzemateko eta Jakes Esnalen eta Ion Paroten askatasunaren aldeko keinuren etorriko ote zen zain ginela azpimarratuz”.
Alabaina, ordutik urtebete igaro den honetan aurrerapauso esanguratsurik eman ez dela deritzo Bake Bideak: “Euskal presoen eta bereziki Jon Paroten eta Jakes Esnalen auziak konpontzeko borondate eskasa ondorioztatu behar dugu, baita Espainiar Estatuan preso den Unai Paroten kasuan ere”. Hargatik, ofentsiboagoa izango den fase bat abiatzeko hautua egin dute.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
“Saihestu egingo dira giza eskubideen, ordenamendu juridikoaren eta espetxeetako tratamendu psikosozialaren aurkako balioak eta jarrerak babestea, justifikatzea eta goratzea ekar dezaketen adierazpenak”, dio, besteak beste, agiriak. Azaroan Eusko Jaurlaritzako... [+]
Asteazken eguerdian berreskuratu du askatasuna astigartarrak, zigorra osorik beteta. Espainiako Auzitegi Nazionalak otsailean inputatu zuen ETAren zuzendaritzako ustezko beste lau kiderekin batera, Gregorio Ordoñezen hilketa leporatuta.
Martxoaren 13an lau urte bete dira Fran Balda arbizuarra istripuz hil zela. Preso, iheslari eta deportatuen etxeratzearen alde egin zuen lan, eta haren bost kidek idatzi diote gutun hau.
Frantziako Poliziak 2002an atxilotu zuen zumarragarra, eta 30 urteko zigorra betetzen ari da. Sare Herritarrak mobilizazioa deitu du datorren ostiralerako, Urretxuko Potros Plazan.
Iratxeren Bidasoaldeko Lagunak ekimenak deituta, dozenaka lagun kalera atera ziren atzo Iratxe Sorzabal preso politiko irundarraren absoluzioa eskatzeko eta behingoz etxera ekartzeko, torturak salatzeaz gain.
Sare Herritarrak antolatuta, pasa den urtarrilaren 11n Bilboko kaleak bete zituen manifestazio jendetsuaren ondoren, berriz sortu da eztabaida, euskal presoei salbuespen legeriarik aplikatzen ote zaion. Gure iritzia azaltzen saiatuko gara.
Espetxe politikan aldaketa nabarmena... [+]