Urtaranek ez ditu aldatuko alkate frankisten kaleen izenak
Horren ordez, argibide-plakak jartzea proposatu du, frankismoari lotuta egon daitezkeen zenbait kaletan. Ostiraleko udalbatzan Memoria historikoa berreskuratzeko txostena aurkeztuko dute talde politiko guztiek, PPk izan ezik.
Gasteizko udalak ez ditu frankismoari lotutako kaleen izenak aldatuko. Hala adierazi du Gorka Urtaran alkateak sare sozialen bitartez: "Ez dut uste Gasteizko kaleen izenak aldatu behar direnik. Alkate bezala, ez ditut hiriko kaleen izenak aldatuko. Are gutxiago Jose Lejarreta bezalako pertsonei aitortza egiten dien kaleen izenak; nahiz eta Francoren garaiko alkatea izan, pertsona ona izan zen eta gauza asko egin zituen hiriaren eta gasteiztarren alde". Horrez ordez, izen horiek testuinguruan jarri nahi ditu alkateak, "zenbait kaletan argibide-plakak jarriz, omendutako pertsona hori nor izan zen azalduz". Horrela, izena aldatu beharrean, izendapenaren jatorria azalduko luke udalak.
Memoria Historikoa berreskuratzeko txostenak dio frankismoari lotutako kaleen izenak aldatu edo testuinguruan jarri behar direla. Txosten hau datorren ostiraleko udalbatzan aurkeztuko dute udal talde politiko guztiek, PPk izan ezik. Besteak beste, Ballester Apezpikua, Bueno Monreal, Pedro Orbea, Jose Lejarreta, Vicente Abreu margolaria eta Luis Maria Uriarte kaleak aipatzen dira dokumentuan.
EH Bildu udal taldea harrituta agertu da alkatearen adierazpenekin. "Alderdi politiko guztiek, PPk izan ezik, adostu dugun txostenean argi azaltzen da Gasteizko sei kaleren izenak aldatu edo testuinguruan jartzeko borondatea. Hau da, planteamentu ireki bat egiten da kontsentsua lortzeko bidean, orain alkateak bere adierazpenekin apurtu egin duena, PPren planteamenduetara mugituz", adierazi du EH Bilduko zinegotzi Ane Aristik. Izan ere, aipatu txostenak kaleen izenak aldatzeko edo testuinguruan jartzeko ateak zabalik uzten baditu ere, "txosten hau landu duten zenbait talde politikok eta erakundek kale hauen izenak kendu nahi ditugu", zehaztu du Aristik.
Memoria historikoa berreskuratzeko plana
2014ko ekainean hasita, Gasteizen frankismoaren biktimen Memoria historikoa berreskuratzeko plan zehatz bat landu dute Gasteizko udaleko talde politikoek eta zenbait erakundek. Datorren ostiraleko udalbatzan lantalde honek adostutako ekintzak aurkeztuko dira, eta hiru dira jorratu dituzten ildoak. Batetik, memoriaren tokiak seinaleztatu nahi dituzte, besteak beste, Bake kalean 1975era arte kokatuta zegoen kartzela zaharra edo Santa Isabel hilerriko horma. Horrekin batera, sinbologia frankistan esku hartu nahi dute; hiriko leku ezberdinetan ikus daitezkeen frankismo garaiko aztarnak seinaleztatu eta testuinguruan jarri. Adibidez, katedral berriko sarreran ikus daitezkeenak edo Olarizu mendiaren tontorreko gurutzea. Azkenik, ohorezko kargu eta kale izendegi frankistan esku hartzea proposatzen du lantaldeak. Tartean, aipatutako hiriko sei kale horiek aurkitzen dira. Gainera, dokumentuan, egileek eskatu dute hiriaren urrezko domina kentzeko Jose Maria Diaz Mendibil, Francisco Peralta eta Luis Ibarra Landeteri.
Albiste hau Arabako Aleak argitaratu du eta CC-by-sa lizentziari esker ekarri dugu ARGIAra.
Arantzaren buruko loreek ez zuten arantzarik, Arantzaren bizitzak, ordea, asko. Emakume izatearekin batera, jaiotzetik batzuk. Besteak gaztetatik eransten joan zitzaizkion, komisarian torturak ezarriak, Burgosko prozesuan eta kartzelan, arantza horiek denak patriarkatuak... [+]
50 urte dira Francoren diktadura garaiko azken bost fusilamenduetatik. Jon Paredes, Txiki eta Angel Otaegi ETAko kideak, eta Sánchez Bravo, Humberto Baena eta Ramón García Sanz FRAPekoak. Txikiren abokatuetakoa izan zen Magda Oranich, mende erdia eta gero... [+]
Gatazka politiko bat egon da azken 60 urteetan Euskal Herrian, eta horrek izan du bere bertsio biolentoa, ETAk bideratu duena, zeinari Espainiako Estatuak errepresioz eta estatu-terrorismoz erantzun dion. Sei hamarkadetan, ordea, biolentzia horiek ez dira berdin ikusi izan... [+]
Abuztu honetan polemika berri bat piztu digute, beste behin, belarrondokoa ematea baino larriagoa izan dena. Azken hamabost urte baino gehiagoan, Glen Cree ekimenetik hasi, Estatu bortxaren biktimei aitortza legala emateko mekanismoen sorreratik segitu eta herri honetan ireki... [+]
Azken zortzi urteotan 30 bunker inguru berreskuratu dituzte dozenaka gazte boluntariok; Baztanen, Otsondon, izan da azkena. Ana Ollo kontseilariak bisitatu du auzolandegia eta gazteen ezinbesteko lana txalotu eta eskertu du.
Aurten Txiki eta Otaegi fusilatu zituztela 50 urteko beteko direnean, Alonsok adierazi du ETAko bi kideek ez zutela nahi Franco osteko gizarte demokratiko bat: "Diktaduraren aurka borrokatzen ziren, baina diktadurak erabilitako tresna berberekin".
Txiki eta Otaegiren fusilamenduen 50. urteurrenaren harira jarritako olana kendu du Zarauzko Udalak. Sortuk salatu du udalak, EAJ eta PSE-EEk osatuta, "zaborra izango balitz bezala" tratatu zuela olana. Zenbait herritarrek berreskuratu eta Azken Portuko plazan ireki dute.
2025ean 40 urte beteko dira Mikel Zabalza hil zutenetik, eta 47 urte Germán Rodríguez eta Joseba Barandiaran hil zituztenetik. Horiek guztiak Estatuko Segurtasun Indarren biktimak dira, eta Sanfermines78 Gogoan elkarteak Espainiako Gobernuari eskatu dio "Estatuaren... [+]
IRUTXULOKO HITZAk eta Dinamita Tour egitasmoak 36ko gerra Donostian nolakoa izan zen eta hiria beste ikuspegi batetik ezagutzeko ibilaldia antolatu dute elkarlanean, uztailaren 21erako. Elkargunea Bretxako Sarriegi plazako estatua izango da, 19:30ean, eta Amararaino joango dira... [+]
Astelehenean, 40 urte beteko dira Joseba Sarrionandia eta Iñaki Pikabea presoek Martuteneko kartzelatik ihes egitea lortu zutenetik. Egiako pisu batean izan ziren ezkutaturik bi iheslariak, eta oraindik milaka eztarrik abesten dute «kristoren martxa dabil!».
Altzagatik itsasadarraren parean doan BI-711 errepidearen Jose Luis Goyoaga etorbidearen izena aldatzeko herritarren parte-hartze prozesuaren ondoren, kale horren izen berria Zirgariak etorbidea izango da.
78ko Sanferminak Gogoan plataformak eta Gasteizko Martxoak 3ko ekimenak bat egin dute espainiar estatuak gertakari latz horietan bere erantzukizuna onartu eta biktimen aitortza ofiziala egin dezan. 'Estatua Erantzule!' izena darama kanpainak.
Inor gutxik ukatuko du ziurgabetasunez beteriko garai batean gaudenik. Krisi ekonomikoaren, ezegonkortasun politikoaren eta klima-aldaketaren inguruko mezuez inguraturik gaude. Ikaraturik bizi gara. Hori guztia gutxi balitz, globalizazioaren ondorioz, nazioen izaera zalantzan... [+]