Urruñan desagertutako emakumeak otsailean Poliziari jakinarazi zion senarrak “jazartzen” zuela
Ostegunean emandako prentsaurrekoan Jerome Bourrier prokuradoreak bikotea “dibortzio-prozesuan” zegoela adierazi du, eta senarrak ez zuela onartzen. Senarra jendarme ohia eta tiro kirolaria da, eta etxean zituen gerra armak ez dituzte aurkitu. Laure Zacchello “kosta ahala kosta” aurkitzeko beharra adierazi du prokuradoreak.
Laure Zacchello-ren hilketa matxistagatik egiten ari diren ikerketaren xehetasun gehiago eman dituzte prentsaurrekoan ostegunean ondorengoek: Baionako prokuradore Jerome Bourrier, prokuradoreorde Stephanie Vessiere eta Baionako Polizia Judizialeko komisario Karim Filali. Zacchello 43 urteko emakume urruñarra ekainaren 21eko goizean ikusi zuten azken aldiz. Asteburuan gizonari egindako galdeketek senarraren inplikazioaren “zantzu serioak eta sendoak” eman zituela adierazi bazuen Bourrier-ek, prentsaurrekoan ikertzaileei etxearen miaketan arreta deitu zieten ñabardura ugari azpimarratu ditu, Naizen irakur daitekeenez. Hala ere, beste hipotesiak ez dira baztertzen.
Zacchelloren senarra jendarme ohia eta tiro kirolaria da, eta etxean dituen bi armairu gotorretan zituen armak ikertzaileek ez dituzte aurkitu. Emakumearen poltsa, ibilgailua eta beste gauza pertsonalak –horien artean, bi mugikor– etxean aurkitu dituzte. Bourrier ezkor agertu da Laure Zacchello bizirik aurkitzeko aukerei dagokionez eta “urriak” direla esan du. “Laure Zacchello aurkitu behar dugu kosta ahala kosta”, adierazi dute Auzitegi Judizialean, Sud Ouest egunkariak jaso duenez.
Indarkeria aurrekariak
Prokuradoreak adierazi du bikotea “senarrak onartzen ez zuen dibortzio-prozesuan” zegoela eta emakumea azkenaldian gaizki pasatzen ari zela, “sofan edo semeekin oheratzeraino”.
Miaketan, otsailaren 7an Zacchellok egindako idazkiak aurkitu dira, non bikoteak izandako indarkeriazko eztabaida baten zantzuak ematen zituen. Berriak informatu duenez, prokuradoreak esan du otsailaren 7an senarra Donibane Lohizuneko polizia etxera joan zela, “emazteak ausiki zuela errateko”. Otsailaren 10ean Zacchello polizia etxera hurbildu zela aipatu dute, senarra “jazartzen” ari zitzaiola esateko, baina ez zuen salaketa jarri.
Lapurreta baten “itxurak”
Indarkeriazko lapurreta baten itxurak egin izanaren susmagarritzat jo dute senarra, emakumearen desagerpenean izan dezakeen inplikazioa estaltzeko asmoarekin. Bourrier-ek adierazi du gizonaren arrebak lurrean aurkitu zuela anaia, etxebizitzaren kanpoaldean, itxuraz konorterik gabe, buruan zauri batekin eta ondoan harri bat zuela. Ikertzaileek lapurreta, bahiketa eta borondatezko desagertzearen hipotesiak baztertu dituzte. Prokuradoreak gizonaren “nortasun hotza” eta emakumearen desagerpenagatik duen “enpatia eskasa” azpimarratu ditu.
Ostiralean elkarretaratzea
Ostiralean, ekainaren 28an, elkarretaratzea deitu du Ipar Euskal Herriko Mugimendu Feministak Urruñan, arratsaldeko 18:30etan. Feminizidioa baieztatzen bada, urteko bigarrena izango da Euskal Herrian, baita Lapurdin bertan ere, Berriak egiten duen hilketa matxisten mapan baiezta daitekeenez. Apirilean Donibane Lohizunen gizon batek bikotekidea hil zuen "modu basatian", Jerome Bourrier prokuradoreak definitu zuenez.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Instagrameko @denuncias_euskalherria kontuak publikatu ditu hainbat salatzaileren mezuak. Horietan salatu dute bi talde horien baxu jotzaileak haren bikotekide ohiak fisikoki eta psikologikoki eraso izana
Uztailaren 5ean egin zituen sexu erasoak Iruñeko barraka gune batean. Leporatutako delituen larritasuna dela eta epaileak fidantza ordaintzeko aukera kendu dio.
2024aren bukaeratik behartu du gaztea berekin sexu-harremanak izatera, diru truke.
Uda giroan barneratuta, heldu dira herriko festak, baita sexu erasoen salaketen gorakada ere. Gozamenerako guneak sortzeko hilabeteetako lana egiten dute jai eta txosna batzordeetako kideek, eta goraipatzekoa da espazio horiek bermatzeko herritar boluntarioek egiten duten... [+]