ARGIA.eus

2022ko urtarrilaren 29a

TTIP hitzarmen transatlantikoaren aurkako ekintza eguna urriaren 11n

  • TTIP Europar Batasunaren eta Ameriketako Estatu Batuen arteko merkataritza hitzarmen transatlantikoaren aurkako ekintza eguna antolatu dute urriaren 11n Bilbon. Arriaga plazan egingo dute elkarretaratzea 12:00etan Komite Internazionalistak eta Ekologistak Martxan-ek deituta.

Malen Aldalur Azpillaga @malenaldalur
2014ko urriaren 10a
TTIP akordioaren aurkako protesta Alemanian. (Argazkia: Martin Schulz)

Gaur egun negoziatzen ari diren TTIP, CETA, TISA eta komertzio askeko beste hainbat hitzarmen geratzeko eta pertsonen eskubideak lehenesten dituzten politika komertzial alternatiboak bultzatzeko helburuarekin antolatu dute ekintzen eguna. Antolatzaileek uste dute horrelako akordioek, demokraziarako, gizarterako eta ingurumenerako “arrisku” handia dakartela. Haien hitzetan, modu honetako itunak komertzioa eta inbertsioak “antidemokratikoki” eta korporazio multinazional handien “interes hutsera” negoziatzen ari direnaren adibide adierazgarriak dira.  

TTIP hitzarmenaren aurkako mugimenduek uste dute akordioak hainbat ondorio kaltegarri eragin ditzakeela, esaterako, ditugun osasun eta segurtasun estandarrak gutxitu, herri zein gobernuen agintaritza ahuldu eta frackinga eta transgenikoen erabilera bezalako praktika kaltegarriak areagotu.

Herritar, erakunde eta kolektiboak gonbidatu dituzte urriaren 11n goizeko 12:00etan Arriaga plazan egingo duten elkarretaratzera. Protestaren aldarrikapen nagusiak: demokrazia eskatzea, botere multinazionalei atzera eginaraztea eta irabazien aurretik pertsonak eta planeta jartzea izango dira.

Protestak Iruñean

Gune hitzarmenaren sinatzaileek elkarretaratzea egin dute Iruñeko Santo Domingo merkatuan TTIP akordioaren aurka. (Argazkia: @AhotsaInfo)

http://www.argia.eus/fitx/irudiak/gune.jpg

Kanal honetan artxibatua: TTIP/TAFTA

TTIP/TAFTA kanaletik interesatuko zaizu...
2016-11-23 | Unai Brea
CETA akordioa Europako Auzitegian aztertzeari ezetz esan dio Europarlamentuak

Europako Legebiltzarraren gehiengoak ezetz esan dio Europar Batasunaren eta Kanadaren arteko merkataritza eta inbertsio ituna (CETA) Europako Justizia Auzitegiak azter zezala eskatzeko aurkeztutako mozioari. 258 parlamentarik bozkatu dute proposamenaren alde, eta 419k aurka... [+]


2016-11-10 | Unai Brea
Júlia Martí (Euskal Herria TTIPari Ez! kanpaina):
"Valoniak erakutsi du merkataritza askeko akordioei aurre egitea posible dela"

“TTIP eta CETA ezartzearren herritarrek aukeratutako parlamentu eta gobernuen aurka joko dutela frogatu du Valoniarekin gertatutakoak”, diosku Júlia Martík, Euskal Herrian TTIPari Ez! kanpainako bozeramaileetako batek. Azaroaren 5ean merkataritza askeko... [+]


TTIP eta CETA akordioen aurkako mobilizazioak larunbatean Hego EHko hiriburuetan

Larunbatean, azaroak 5, Hego Euskal Herriko hiriburuetan TTIP eta CETA akordioen aurka mobilizatzeko deia egin dute Euskal Herriko Eskubide Sozialen Kartak eta TTIP/CETA Ez plataformak.


2016-10-30 | Juan Mari Arregi
Ez ezazu irentsi

Hainbat plataforma sozialek ohartarazi dute zein ondorio izango dituen AEB eta EBren arteko merkataritza eta inbertsio itunaren (TTIP) negoziazioak. Munduko merkatu handiena sortuko du. Baina itun hori, CETA edo beste batzuk bezala, ez da merkatu akordio hutsa. Enpresa handiei... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude