Gure Esku haserre Urkullurekin, Kataluniako prozesuari buruzko paperetan egin dizkion aipamenengatik
Mugimenduari buruzko "ikuskera distortsionatua" erakutsi duela salatu du eta "erabakitzeko eskubidearen defentsan" berretsi da.
Iñigo Urkulluk Kataluniako prozesu subiranistari buruzko paperetan Gure Eskuri buruz egin zituen adierazpenak gaitzetsi ditu gizarte mugimenduak. Gure Eskuren ustetan, lehendakariak eragilearen inguruan erakutsi duen ikuskera "distortsionatua" da, eta bere ekimenak "euskal herritarrok kohesionatu eta ahalduntzera bideratuta" daudela dio. Mugimenduak bere sorreratik "erabakitzeko eskubidearen aldeko defentsa" helburu izan duela dio, eta horrek "demokrazian sakontzea" dakarrela.
Plataforma "elementu tentsionatzailea" dela identifikatu zuen Urkulluk. Horren aurrean, gizartea benetan tenkatzen duena "etorkizuna erabaki nahi duen hizarte bati aukera hori eragoztea" dela argudiatu du Gure Eskuk. Bide batez, "bozkatzera doazen herritarren kontrako biolentzia poliziala edo erreferendum bat posible egin zuten buruzagi politiko eta sozialen kontrako errepresioa" ere gogora ekarri ditu, Kataluniako prozesu politikoko gertakariei erreparatuz.
Erabakitzeko eskubidea posible izateko lanean jarraituko duela azaldu du Gure Eskuk, "kultura demokratikoan sakonduz, eztabaida aberasgarria sustatuz, eta erabakitzeko eskubidea gauzatzeko tresnak aldarrikatuz". Gizarte eragileen, alderdien, erakundeen eta herritarren bidelagun izateko borondatea ere azpimarratu du. Horregatik, prest azaldu da "Eusko Jaurlaritzako lehendakariari aurrez aurre azaltzeko", orain arte bezala.
Lehendakaritzaren agiriak
Berria egunkariak uztailaren 29an argitaratu zuenez, lehendakaritzako barne-komunikazioetan gertutik jarraitu izan dira Kataluniako prozesuko gertakariak, bai eta horiek Euskal Autonomi Erkidegoan izandako oihartzuna ere. 2017ko azaroaren 6ko txosten batean, adibidez, "lehendakariak eta EAJk lideratutako diskurtso alternatiboak ez dira sustraitzen Euskadin" dio sinadurarik gabeko dokumentuak. Eta honela jarraitzen du: "Larunbateko manifestazioak eta Gure Esku Dago-ren igandeko kontsultek ez dute euskal jokalekua aldatzen. Agerian uzten dute ELA sustatzen saiatzen ari den estrategiaren mugak".
Urtebete beranduago, 2018ko urriaren 30ean, Pedro Sánchez Espainiako Gobernuko presidentearekin mintzatu zen Gure Eskuren inguruan: "Bere deialdien arrakasta apala bada ere, elementu tentsionatzaile bat izaten jarraitzen du".
Egonkortasuna
Katalunian 2017ko urriaren 27an egin zen independentzia deklarazioaren aurrean, Urkullu marko konstituzionalaren alde azaldu zen irmoki: "Ezingo nuke, koherentziagatik. Ez naizelako aldebakarreko bideen aldekoa; are gutxiago, gizartea zatituz kudeatzen direnen aldekoa". Hala, bizkar eman zion EH Bilduk deklarazioa aitortzeko Eusko Legebiltzarrean aurkeztu zuen mozioari.
Larunbateko manifestazio jendetsuaren ondoren, erabakitzeko eskubidearen aldeko Gure Esku mugimenduko bozeramaile Josu Etxaburuk eta June Romatetek agerraldia egin dute Donostian. "Euskal herritar gehienak ordezkatzen dituzten erabaki eta adostasunak" lortzeko,... [+]
Milaka pertsona batu ziren larunbatean Bilbon, Euskal Herri libre eta burujabea eraikitzeko aldarrikatzeko. Ikurrinez eta Nafarroako banderez bete zuten Autonomia kalea arratsaldeko mobilizazioan.
Herri libre bat, Euskal Herriak erabaki lelopean, parte hartzera eta kaleak ikurrinaz betetzera dei egin du herri mugimenduak.
Eragile nahiz alderdi politiko ugarik plazaratu dituzte euren aldarriak aurtengo Aberri Egunean. Azken urteetan egin bezala, Bilboko eta Iruñeko kaleak hartu dituzte EAJk eta EH Bilduk, hurrenez hurren. Bagira-k, Ipar Euskal Herriko Mugimendu Abertzaleak, abertzaleen... [+]
"Nazio gisa eskubideak aldarrikatu eta herri oso bat martxan irudikatzeko" deitu dute 2025eko ekainean Bilbon egingo den mobilizazioa. Euskal Herri libre eta kohesionatu bat osatzeko "denen artean eta elkar lagunduz" lan egin behar dela berretsi du... [+]
Aurreko ekainean aurkeztu zuten ekimena Donostian. Maratoiaz gain Iruñean, Donostin, Bilbon eta Gasteizen zuzeneko ikuskizunak izango direla zehaztu dute asteazkenean. Hamabi orduz egongo dira “Euskal Herria irudikatzen”, eta “360 graduko Euskal... [+]
Gaur hamar urte bete dira bi urtez egin ziren 208 herri galdeketetatik lehena izan zenetik, eta ospakizuna Etxarri-Aranatzen egin da, jai giroan, erakusketa batekin, ekitaldi batekin eta herri bazkari batekin.
Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Hiru emakume euskaraz zuzendu zitzaizkien ertzain batzuei, jatetxe batengatik galdezka. Polizietako batek erantzun zien euskaraz bazekiela baina ez zuela erabiliko, eta "popatik hartzera" bidali zituen. Ertzainari plaka eskatu zioten orduan, eta poliziak erdiko hatza... [+]
'Euskal Herriak Erabaki – Basques Decide' leloa duten 60.000 ikurrin banatuko ditu Gure Eskuk Tourrean, erabakitzeko eskubidearen aldeko aldarria mundura zabaltzeko. Bidasoaren bi aldeetan herri bat dagoela argi utziko du Gure Eskuk uztailaren 1, 2 eta 3an... [+]
Trebiñuko herritarrek bizi duten egoera "anakronikoa" salatu zuten igandean.
Frantziako Tourraren hasierako etapak Euskal Herritik pasako dira. Gauzak horrela, Gure Eskuk "Euskal Herritik Mundura" izeneko ekimena antolatu du". Tourrak nazioartean duen oihartzunaz baliatuz, Euskal Herria zazpi lurraldeko herri bat dela eta erabakitzeko... [+]
Frantziako itzuliak duen nazioarteko oihartzuna baliatuko du Gure Eskuk, 'Euskal Herria mundura' izeneko ekimenarekin. Tourreko lehen hiru etapak osoki Euskal Herritik pasako direla baliatuta, "inoiz egin den ikurrinik erraldoiena" zabalduko dute, eta 4.000... [+]
Legealdiz legealdi, estatus politikoaren inguruko eztabaida edo bidea jorratzeko urratsak atzeratzen ari direla azpimarratu du Josu Etxaburu eledunak Eusko Legebiltzarreko batzorde batean: "Konpromisoak eskatzen ditugu hitzetatik harago ekintzak nagusitu daitezen eta herri... [+]