Urkila, Bilboko aldizkari berria
Errekaldeko Etxarri II Gaztetxean izango da Urkila Bilboko aldizkari berriaren aurkezpena. Maiatzaren 4an, larunbata, egingo dute aurkezpena luntxa eta kontzertuekin.
aurre egingo dieten hedabide independenteak
Urkila aldizkariko kideen aurkezpen hitzak:
"Zuhaitzetan, enborretik bi adar bereizten diren puntua da urkila; nork bere bidea egin ahal izateko halabeharrez batak bestearengandik bereizi behar balu bezala. Eta ez da urkila bakarra izaten normalean; adar bakoitza ere, haren bidea egingo badu, berriz ere bi zati egingo baita. Urkilatik urkilara, bidegurutze batetik bestera hazten da zuhaitza, eta horiek dira arbolaren punturik gogorrenak.
Gizartea iraultzeko ahaleginetan, zapalduok ere bidegurutzeak aurkitzen ditugu bata bestearen atzetik: errealitatearen azken muina ulertzeko saiakera, ala haren kanpo-itxuraren deskribapen lausoa; antolaketa politikorako konpromisoa, ala gure berehalako nahien arabera erantzuteko joera; gure ahalmenak kolektiboaren beharren esku jartzea, ala norbere interesen arabera jardutea; iraultzarako grina urduri eta kontzientea, ala erosotasun inpotentea.
Egurrezko sardeak urkilaz egiten dira, haren gogortasunaz baliatuta. Horren jakitun izango ziren, ziur asko, industrializazio garaian Bilbora iritsi ziren milaka eta milaka baserritarrak. Euren bizitza birsortzeko bitartekoetatik desjabetuta, hirira etorri behar izan zuten haien ondasun bakarra saltzera, lanerako gaitasuna. Landa-eremuko migrazioak handitu zituen burgesia industrialaren irabaziak, baina baita gure lurraldeko langile mugimendua gorpuztu ere. Ordutik, hamaika borroka eredugarri izan dira Bilbon. Horietako bat gelditu da, akaso, bereziki iltzatuta langileon iruditegian: Euskaldunako Bataila. Eta, ontziolaren itxieraren aurkako borroka hartan urkilak hartu zuen berriz ere garrantzia. Langileek, poliziaren oldarraldiaren aurrean babesgabe, burdinazko urkilez eraikitako tiragomak izan baitzituzten autodefentsarako tresna.
Hortaz, ez da ausazko erabakia izan tarteka Bilbo mailan argitaratuko dugun aldizkari honen izenaren hautuan langileon historiatik abiatzea, erabaki politikoa baizik. Izan ere, gure arbasoek abiatutako bataila arrakastatsuen zein potentzian geratutako saiakeren ondorio gara gu, gure bizitza aurrera atera ezinik gabiltzanok. Gu gara langile auzoek autobusak nahiz semaforoak izateko borrokan ibili zirenen bilobak; bizitokirik izan ez, eta mendi-hegaletan txabolak eraiki behar izan zituzten familien ondorengoak; baita, egungo krisi kapitalistan areagotutako ofentsiba burgesaren testuinguru honetan, sistemaren kateak gure gain pairatzen ditugunak ere.
Bestalde, burgesiak gidatutako koiuntura politiko gorabeheratsuan, nabarmena da bizitza eta balio komunitarioak desegiteaz gain, borroka komunitatea bera ere galtzen ari dela. Horrela, geroz eta zailagoa zaigu, etengabe pairatzen ditugun erasoetatik babestea, izan gaztetxeen desalojoak, etxe-kaleratzeak, sexu-erasoak ala soldata jaitsierak. Horrez gain, geroz eta zailagoa zaigu, auzo-bizitza mantendu eta desjabetuon arteko elkartasunezko keinuak jaso eta ematea: auzoko okinari gure eguneroko bizipenak kontatzetik bizilagunaren umeak zaintzera. Honek bidegurutze berri batean kokatzen gaitu: bizi-ohitura indibualisten eta errealitatearen erroko aldaketa bultzatu, ala gure ahultasun politikoa onartu.
Errealitate politikoan eragiteko asmoz sortu da esku-artean dugun aldizkari hau, euren xumetasunean handiak diren helburu birekin: alde batetik, gertakari sozialen inguruan ukatua zaigun zapalduon ikuspuntua zabaltzea, komunikabide arrotzek maiz ezkutatzen dutena; azken finean, gure erraietan daramagun klase-gorrotoa politikoki antolatzeko tresna teorikoak eskaintzea. Beste batetik, aldizkari honek desjabetuon kultura eraikitzen aletxo txikia jartzea ahalbidetuko duelakoan gaude, izan aitzakia gisa erabili dezakegulako formakuntza-saioak prestatzeko, lagun artean hausnarketak sustatu ditzakeelako, edota, sinpleki, irakurtzeko ohitura barneratzen lagundu diezagukeelako.
Jakin badakigu garaiok zailak zaizkigula sozialismoaren defentsa egiten dugunoi, baina hain zuzen ere, horregatik, inoiz baino gogotsuago gaude, indarberrituta gatoz. Balio diezagula gure urkilak, Euskaldunako langileei bezala, Bilbon beharrezko ditugun defentsa mekanismoak martxan jartzeko nahitaezko baldintza subjektiboak sortzeko.
Hau guztia dela eta, animatu nahi zaituztegu Urkila aldizkariaren aurkezpen egunera, maiatzak 4 (larunbata) Errekaldeko Etxarri II Gaztetxean izango dena. Sozialismoa eraiki!"
Albiste hau Uriolak argitaratu du eta CC-by-sa lizentziari esker ekarri dugu ARGIAra.
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Plantillak astelehenean ekin dio grebari, kaleratzeei ezetz esateko. Espedientearen kontsulta-aldia abuztuan hasi izana salatu du Hego Uribeko LASek, enpresaren asmoa "langileen mobilizazioa eta erantzuna oztopatzea" izan delakoan.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Euskararen normalizazioaren motorrak herri dinamikara bueltatu behar du aurrera egin nahi badugu
Plantillak baiezkoa eman dio aurreakordioari, eta, printzipioz, urte hau amaitzean itxiko dute fabrika.
Gasteizko lorezainen grebak lau hilabete bete ditu, langileek salatu dute Enviser enpresak eta Gasteizko Udalak blokeatu dutela auzia, bilera berririk ez dutelako egin uztailaren 7tik.
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.
Langile batzordeak eta enpresak adostutako aurreakordioak 655tik 609ra murriztuko ditu kaleratzeak, gainerakoak birkokatuko dituzte. Astelehen arratsaldean jakin da langileen %78k babestu dutela akordioa. Nafarroako Gobernuak eta langile batzordeak etorkizunari begira,... [+]
Bilera akigarria izan zuten asteazkenean Eskirozko BSHko lan batzordeko kideek eta multinazional alemaniarraren zuzendaritzako kideek: aurreakordioa lortu zuten UGT, CCOO, ATTIS eta Solidarik (17 ordezkaritik gehiengoa dute 12 kiderekin) eta ez dute mahai gainean jarritakoa... [+]
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
Eusko Jaurlaritzako Ekonomia, Lan eta Enplegu sailburu Mikel Torresek asteazken honetan aurkeztu du EAErako gutxieneko soldataren inguruan egindako azterketa, eta 1.385 eurorainoko kopurua jarri du erreferentzia moduan, "aurreikuspen baikorrenean". ELA eta LAB... [+]