Urdaibaiko Guggenheim eraiki nahi duten eremuan ingurunearen babesa murrizteko eskatu du Bizkaiko Aldundiak
Hain justu Guggenheim musearen egoitza eraiki asmo duten lekuan, ingurunearen zaintzarako babesa ia erabat kendu nahi du Bizkaiko Foru Aldundiak: orain itsasotik hasita 100 metro lur daude babestuak, eta hogeira murrizteko eskatu dio Madrilgo Kosta eta Itsasoen Zuzendaritzari. Elkarrekin Bizkaiak eta EH Bilduk kritikatu dute erabakiak ez duela errespetatzen Biosferako ekosistema.
Urdaibaiko Biosfera Erreserban (Bizkaia) babestutako gunea murriztea eskatu du Bizkaiko Foru Aldundiak, hain justu Guggenheim museoa eraikitzekoak diren eremuan. Murueta ontziolaren jabetzako eremua da, baina administrazio publikoak eskumena du ingurunearen zaintzarako neurriak hartzeko; besteak beste, biosferarako kaltegarriak diren ekintza ugari debekatuta daude. Orain arte 100 metrokoa zen babestutako gunea, baina Bizkaiko Aldundiak Espainiako Gobernuko Kosta eta Itsasoen Zuzendaritzari eskatu dio 80 metrori kentzeko babesa zonalde horretan.
Astelehenean Batzar Nagusian baieztatu du informazioa Iraunkortasuna eta Ingurune Naturalaren zaintzarako diputatu Amaia Antxustegik, baina ez du azalpen gehiagorik eman, eskaera oraindik tramitean dagoela argudiatuta. Urrian jarri zuten martxan.
Elkarrekin Bizkaiako alderdikide Hector Fernándezek azalpenak eskatu ostean baieztatu du informazioa Antxustegik. Fernándezek jakitera eman du, bestalde, Diputazioak babesik gabe utzi asmo duen eremua Urdaibaiko Erreserbako gunerik babestuena dela orain. Salatu du erabakiak ingurunea eta kosta zaintzeko oinarriak urratzen dituela, Naiz-ek jaso duenez.
EH Bilduk ere zalantzan ipini du erabakiak Kostaldeei Buruzko Legearekin bat egiten duen ala ez.
Antxustegik erantzun du proiektuak ingurumena babesteko "behar beste neurri" izango dituela, baina oraindik ez dela horretarako garaia.
Guggenheim-en museoa Urdaibain
2008an hauspotu zuen Bizkaiko Foru Aldundiak Bilboko Guggenheim museoaren bigarren egoitza eraikitzea. Ordu hartan aurrerapen txikia egin zuen proiektuak, hala ere, Eusko Jaurlaritzak diruz babestu ez zuela-eta. 2020an ordea, Europako Next Generation funtsak jasotzeko proiektuen zerrendan aurkeztu zuen Jaurlaritzak Urdaibaiko Guggenheim, eta Bizkaiko ahaldun nagusi Unai Rementeriak argi utzi izan du proiektua "bai ala bai" egin behar dela, "Europako laguntzekin ala gabe".
Hasiera batetik izan dira museo berriak ingurumenean izango dituen ondorioak salatu dituzten ahotsak: besteak beste, masa turismoagatik, eta Biosferako ekosistema hauskorrenak proiektua egin asmo den eremuan daudelako, Zain Dezagun Urdaibai talde ekologistak jakinarazi duenez.
Joan den astean aurkeztu ziren proiektuaren inguruko entzuketa prozesuaren emaitzak, eta Guggenheim Urdaibai egitearen kontrako iritziak gailendu ziren. Busturialdearen beharrei "arduraz" erantzutea exijitu die plataformak, eta proiektuaren inguruko informazio eta... [+]
Eusko Jaurlaritzak eta Bizkaiko Foru Aldundiak bultzatuta eta Agirre Lehendakaria Center erakundearen eta New Yorkeko Columbiako Unibertsitatearen gidaritzapean egindako entzuketa prozesuaren emaitzak aurkeztu dituzte uztailaren 23 honetan. Museoa eraikitzearekin sustatuko... [+]
Gaztetape (Getaria) eta Muriola (Barrika) hondartzak 2050. urterako desager daitezke Greenpeaceren txostenaren arabera. Itzurun (Zumaia), Karraspio (Mendexa), Isuntza (Lekeitio) eta Azkorri (Getxo) hondartzek hedaduraren erdia gal dezakete.
Ekologistak Martxanek Bandera Beltzak 2025 txostena argitaratu du, urtero legez, "itsasertzeko kutsadura eta ingurumen-kudeaketa txarraren kasu esanguratsuenak ezagutarazteko". Hego Euskal Herriko kostaldeari dagokionez, Bilboko superportuari eta Getariako arrain... [+]
Bilboko Guggenheimeko museoaren kanpoaldean bildu dira plataformako kideak, bertan zuelako bere lehen agerraldi publikoa Bilboko Guggenheim Museoko zuzendari berri Miren Arzallusek. Landuko dituen ildoez hitz egiteko "goizegi" dela adierazi du Arzallusek, nahiz eta... [+]
2021ean hasi ginen Guggenheim Urdaibai proiektuaren inguruko lehen oihartzunak entzuten…Bai ala bai egingo zela esan zigun orduko Unai Rementeria ahaldun nagusiak. Bere esanak indartzeko, 40 milioi euro utzi zituen “blindatuta” museoak eraikitzen zirenerako... [+]
Igande arratsaldean Greenpeace-ko 30 kide inguruk Urdaibaiko proiektuaren kontrako ekintza burutu dute Bilboko Guggenheim museoan. Hamar landare eta animalia-espezie errepresentatu dituzte.
Guggenheimaren patronatuakbi urteko epea jarri dio bere buruari proiektuaren alderdi guztietan lan egiteko, “zalantzarik gabe” hartu behar baita kontuan biosfera erreserba batean kokatuko dela. Pello Otxandianok zalantzan jarri du proiektuari 500 milioi euro... [+]
Duela bi urte Urdaibai Guggenheim Stop! plataforma herritarra sortu zenetik, Urdaibai ez dago salgai! leloa nonahi ari gara entzuten. Joan den urriaren 19an Gernikan milaka lagun bildu ginen proiektu horri ezetza emateko eta, nire aburuz, hiru dira arrazoi nagusiak... [+]
Auzitegi Nazionalean aurkeztu du salaketa eta “proiektua berehala eten dezaten” galdegin du. Bi lege urratzen dituela ohartarazi du: Kostaldeko Legea eta Europako Legea, Red Natura 2000ri dagokiona. Auzitegi Nazionalak Gobernuko Trantsizio Ekologikorako eta Erronka... [+]
Eusko Jaurlaritzak epe mugarik gabe gelditu du Muruetan egitekoa zen oinezkoentzako egurrezko pasabide baten exekuzioa, Guggenheim Urdaibai Stop plataformak helegitea jarri ondoren. Museoaren sarbideetako bat izan liteke bide hori eta biosferaren erreserba barruan legoke.
“Bi urteko gogoetaldia” iragarri zuten urte hasieran Eusko Jaurlaritzak eta Bizkaiko Foru Aldundiak, baina ez da geldialdia izaten ari, etorkizunean izan ditzaketen oztopoak aurreikusten eta atontzen ari baitira erakunde publikoak. Horrez gain, uda betean,... [+]