“UPN oposizioa egiteko aurkitzen ari den bide bakarra zarata sortzea da”
Ikurrina, haur eskolak, ikasle greba... Askotarikoak izan dira Joseba Asiron alkateak Juan Kruz Lakasta kazetariaren gidaritzapean Euskalerria Irratian landuriko gaiak.
aurre egingo dieten hedabide independenteak
Ikasle greba. Istiluak izan ziren atzo Alde Zaharreko kaleetan, eta alkateak katramilatutako giro horri eutsi dio. "Anitza" da egin duen hausnarra, haren hitzetan: "Ez dut ulertzen nola egon daitekeen momentu honetan udaletxearen kontra hasi daitekeen pertsonarik". Irmo hitz egin du, ahoan bilorik gabe.
Alkatetzara heldu zenetik, Udaletxeko ateak "irekita" egon direla ziurtatu du, bai eta "fisikoki irekita ere". Esaldi bakarrean laburbildu du: "Ateak irekita daude eta batez ere bihotza". Hala, herri eragileei harrera egin dietela ekarri du gogora, eta atzo "pena handiz" itxi zituztela lehen aldiz.
Nolanahi ere, ez ditu liskarrak nabarmendu nahi izan, "gertakari isolatuak" baitira. "Udaletxearen kontra jaurti zen botila bakoitza joan zen mobilizazioaren espirituaren aurka".
Ikurrina: denon ikurra?
Udaletxeetan ikurrina jartzea. Horra bigarren gaia. "Ni ez nago inposizioaren alde, ezta ikurrina inposatzearen alde ere", adierazi du. Haatik, testuingurua aztertu behar delakoan dago. "Hemen dagoena da lege marko bat guztiz injustua, diseinatu zena bakar bakarrik ikurrina pertsegitzeko".
Hori dela kausa, ikurrina jarri edo ez tokian tokian aztertu behar dela dio. "Udal batzuetan erabakitzen bada gehiengo batek nahi duela, jarriko da, eta beste batzuetan ez, eta hori da demokrazia".
Haur eskolak aurrera
Euskarazko bi haur eskola gehiago irekitzea hartu du ardatz Asironek. Lehen bi zeuden, eta orain lau. "Bakar-bakarrik" bikoiztea da egin dutena, eta zenbakien norian igo da egoeraren nolakotasuna analizatzeko. "Bitik laura pasa gara, bai. Hamazazpitik".
Ohar bat txertatu du, zalantzarik gera ez dadin: "Bermatuta dago erdaraz jarraitu nahi dutenen eskubidea".
Gaztetxea, beharrezkoa
"Aurrera" doa Caparrosoko txaleta. "Ez da korrika egiten ari". Bere denboran baino. "Txaleta egokitu egin behar da, ez zegoen pentsatua, nahiz eta egia den toki egokia dela. Konbentzituta gaude gazteriak lokalak izan behar dituela, eta hau izango da bidea". Hartutako erabakia berretsi du alkateak.
Zesio bat dela argitu, eta baikor ikusi du. "Iruñeko gazteriarentzat eta auzoarentzat izan behar da elementu positiboa".
Autobus geltoki zaharrarekin zer?
"Zaindu beharreko eraikina" da autobus geltoki zaharra, Asironen hitzetan. Horregatik ekonomia solidarioarekin lotutako proiektu batekin zabalduko dutela iragarri du.
Gainontzeko aldaketak ere aztertu ditu. Esaterako Trebatu proiektua. Horri esker, tokiko enpresa txikiekin kontratuak egitea lehenesten ari da udala.
Oposizioaren harrabotsa
Kritikak ez dira gutxi izan legealdiaren hasiera-hasieratik. Esanak esan, baina, Asiron ongi ari direlakoan dago. "UPN oposizioa egiteko aurkitzen ari den bide bakarra zarata sortzea da", salatu du. Baina "zarata" hori baino ez da, zarata. "Horren atzean deus ikusten ez duena da ikusten ez duelako". Intentzionalitate argia du estrategiak, kritikatu duenez.
CaixaBank Researchek egindako ikerketak agerian eman du Nafarroako etxebizitza merkatuaren egoera. 2007-2008 arteko higiezinen burbuilaren garaian baino %3,7 garestiagoa dira etxebizitza eraiki berriak Nafarroan.
Hamargarren urtemuga ospatuko du aurten Nafarroako Azoka Ekologikoak. Berrogei postuko azokaz gain mintzaldiak, tailerrak, kontzertuak eta erakusketak izanen dira
Labaren itzulera ospatzeko festa antolatu dute egun osoan zehar. Broken Brothers Brass Band-en kalejirak Alde Zaharreko kaleak zeharkatu ditu Estafetaraino, ondoren lehiotik kantua izan da Amets Aranguren, Julen Goldarazena Flako, Idoia Tapia eta Oier Zuñigaren eskutik; eta... [+]
24 bertsolarirekin ekingo dio bideari Nafarroako Bertsolari Txapelketak. Auritzen izango da, urriaren 4an; eta, lehen aldiz, Nafarroa Arenan izango da finala, azaroaren 29an. Saio guztietarako sarrerak salgai daude dagoeneko, Bertso Sarrerak atarian.
Izpegiko besten hirugarren edizioa ospatuko dute, Basaizea Baigorriko kultur elkarteak, Baztango Gazte Asanbladak eta Baigorriko zein Erratzuko gazteek elkarlanean prestaturik. Hitzaldiak, bazkaria, ibilaldia, kontzertuak... izanen dute zeregina.
Osasuna futbol taldeak bat egin du Nafarroako Abiadura Handiaren aldeko plataformarekin, azken honek ostegun honetan jakinarazi duenez. UGT sindikatuak eta Eraikuntzaren Industrializatzearen Aldeko Nafarroako Klusterrak ere bai.
Hiru urte bete dituzten 1.404 ikasle berri matrikulatu dituzte D edo B ereduetan, Nafarroan. Adin guztiak kontuan hartuz, 27.334 ikaslek ikasiko dute euskaraz. Matrikulen 67,8% ikastetxe publikoen sarean izan da.
"Bailara eraldatzeko ezinbesteko tresnatzat" hartzen dute Gaztetxea, eta elkartasuna adierazi diete "borrokan dauden beste Gaztetxe guztiei".
UPNk salatu du Nafarroan eskuin muturreko taldeen eta Poliziaren indarkeria aztertzen duen batzordeak ia edonor hartzen duela biktima gisa. María Chivite lehendakariak erantzun dio Poliziak egindako abusuen salaketak asko izan direla eta denboran hainbat garaitan... [+]
Zinemagile iruindarrak, ibilbide labur baina baliotsua egin zuen zinemagintzan 1970eko eta 1980ko hamarkadetan, zuzendari lanetan emakumerik apenas zebilenean. Irrintzi lanarekin garai hartako errepresioa islatu nahi izan zuen, eta Ikuska proiektuan euskal emakumeak erretratatu... [+]
Greban dira Benito Menni egoitzako langileak joan den abuztuaren 25etik, irailaren 8ra bitarte. Hermanas Hospitalarias enpresak agindutako kaleratzeen eta unitate itxieren aitzinean, Nafarroako Gobernuak ez duela arduratsuki jokatzen ari salatu dute.
Astearte honetan egin da Valle de Odietako makroetxaldearen aurkako epaiketa Iruñeko Justizia Jauregian. Epaileak ebatzi behar du ea 2021ean haien lur sailetan egindako isuri baten ondorioz, lur eremu horiek larri kutsatu zituzten ala ez, eta nork eragin zuen. Aditu... [+]
Irailean aurkeztu zuen enpresak Caparrosoko makroetxaldea handitzeko eskaera, eta ingurumen baimena argitaratu du gobernuak astelehenean. Asteartean hasi da makroetxaldearen aurkako epaiketa lurrak nitratoz kutsatu dituela leporatuta, eta akusazio partikularra osatzen duten... [+]
Irailaren 2an hasi da epaiketa Iruñeko Zigor Arloko 2. epaitegian, ustez 2021ean makroetxaldeak haren inguruko lurrak minden hondakinekin kutsatzeagatik. Sasoi hartan Valle de Odieta makroetxaldeko administrazio kontseiluan ari ziren bost pertsona epaituko dituzte. ARGIA... [+]
Nafarroako Gobernuak eskaera egin duten familiei iradoki die "datorren ikasturteari begira" abiatu dezaketela tramitazioa.