Unibertsitate erreformari planto egitera deitu dute ikasleek

  • Desobedientziaz Irauli! Astea egin dute ikasleek, datorren unibertsitate erreformaren aurka. Manifestazio eta protesta ekintzez gain, txostena, bideoa (ikusi behean), asanblada informatiboak, tailerrak eta hitzaldiak antolatu dituzte, erreformaren arriskuez ohartarazteko helburuz.


2014ko azaroaren 27an - 10:17
Azken eguneraketa: 2015-02-26 13:37:33
Unibertsitate erreformak hezkuntzaren merkantilizazioa ekarriko duela salatu dute ikasleek, manifestazioan (Argazkia: Leioatik!)

Europan egosten ari den unibertsitate erreforma Boloniaren jarraipena dela eta atalez atal pixkanaka ezartzen joango direla salatu dute Ikasle Abertzaleek. Erreforma bideratzeko José Ignacio Wert Espainiako Hezkuntza ministroaren aditu taldeak prestatu duen txostena aintzat hartzen badugu, hezkuntza merkantilizatzeko urratsa litzateke: hala nola, baliabideak batez ere ikerketara bideratuko lirateke, betiere ikerketok enpresa pribatuen interesekoak direla lehenetsiz; gestioa hezkuntza komunitatetik urrundu eta kudeatzaile pribatuak txertatzea litzateke asmoa; irizpide susmagarrien araberako kanpo ebaluazioak egingo lirateke, eta horrekin batera, diru-laguntzak baldintzatuko lituzkeen Europa mailako unibertsitateen rankinga; eta ikasgaiak sortu edo mantentzeko argudio garrantzitsua ekonomikoki errentagarriak izatea litzateke.

Ikasle Abertzaleen esanetan, azaroaren 27an Bilbon egin den gobernu kontseiluan Berregiturapen plana onartu du EHUk, eta hori “unibertsitate erreformaren baitako lehenengo pausoa izango da, fakultateak batzea ekarriko duena”. Hala, egun horretan ikasle andana bildu da Leioako campusean, datorren unibertsitate erreformaren aurka protesta egiteko. Campusean barrena egin dute mobilizazioa eta EHUko errektoreari euren eskakizunak heltzea ere lortu dute.

Trantsizio mahaia eskakizun

LOMCE eta Heziberriren kontra eta euskaraz ikasteko eskubidearen alde egiteko ere baliatu dute desobedientzia astea. Era berean, “ikasleok beharrezkoa dugun hitza emango digun trantsizio mahai bat eratzea exijitzen diogu EHUko errektoretzari”, gaineratu dute.


Kanal honetatik interesatuko zaizu: Unibertsitate erreforma
Ikasleok Herri Mugimenduarekin ofentsibara!

Ikasle Abertzaleen izenean martxoaren 17ra arteko dinamiken eta eguna beraren balorazioa plazaratu dute. Jarraian irakurgai.


2016-01-27 | ARGIA
“Ikasle baterajotze nazionala” deitu du IAk, borrokak batu eta alternatibak erakusteko

“Ikasle baterajotze nazionala” deitu dute Ikasle Abertzaleek martxoaren 17an, Euskal Herriko herrialde guztietako borrokak bateratzeko asmoz.


Borroka lokalak lehenengo lerrora eraman dituzte milaka ikaslek Bilbon

Milaka ikaslek Bilboko karrikak hartu dituzte erreformei aurre egiteko Bizkaiko Ikasle Abertzaleak, Bilboko eta Leioako ikasle mugimenduak deitutako greba egunean.


Unibertsitate erreformak ekarriko duena, sei puntutan

Joan den astean, kalera atera ziren ikasleak, dagoeneko egosten ari diren unibertsitate erreformaren aurka protestatzeko. Erreforma oraindik aurkeztu ez bada ere, Espainiako Gobernuak eskatutako adituen txostenean oinarrituz hona laburrean aurreikus ditzakegun hainbat puntu.


Eguneraketa berriak daude