Ikasleei hitza emango dien mahaia eratzeko eskatu diote EHUri eta Desobedientzia Astea iragarri dute

  • Unibertsitate Erreforma aurrera ateratzeko estrategiaren barruan kokatzen dute Ikasle Abertzaleek azaroaren 27an onartuko den EHUren berrantolatze organizatiboaren lehen fasea, "aldaketa sakonagoei bide emateko lehenengo keinua". Erreforma "Boloniaren jarraipena" dela eta "hezkuntzaren merkantilizazioa" dakarrela iritzita, manifestazioa deitu dute egun horretarako, Leioako Campusean.


2014ko azaroaren 04an - 00:00
Azken eguneraketa: 2015-02-26 13:37:33

Azaroaren 24tik 28rako astea Desobedientzia Astea izango dela ere azpimarratu dute, LOMCE, unibertsitate erreforma eta Heziberri aplikatu ez daitezen eta "herritik eta herriarentzat" izango den hezkuntza aldarrikatzeko. Kalean eta heziguneetan eragiten jarraitzeko beharra ikusten du IAk, uste dutelako pasa den martxoan Hego Euskal Herrian 20.000 ikasle baino gehiago kalera irtetetea lortu zuten arren ikasleen eskariei ez zaiela kasurik egiten eta ikasle mugimenduak "kriminalizatu" egiten dituztela.

Trantsizio mahaia eskakizun

"Pairatzen dugun egoera larriaren aurrean –adierazi dute–, ikasleok beharrezkoa dugun hitza emango digun trantsizio mahai bat eratzea exijitzen diogu EHUko errektoretzari, ikasleriak horrenbeste aldiz eginiko eskaerei erantzuteko: EU2015 estrategia ez aplikatu, ikas eta hizkuntza eskubide duinak lortu, eta herritik eta herriaren beharrei erantzuteko hezkuntza egituratzeko".


Kanal honetatik interesatuko zaizu: Ikasle Abertzaleak
Hezkuntza sistema sozialista aldarrikatu dute ikasleek, martxoaren 20ko ikasle greban

Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]


Hezkuntza “pribatizaziotik” ateratzeko, borroka

Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]


Greba antolatu du martxoaren 13rako Ikasle Abertzaleak-ek

Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]


2023-09-19 | Gedar
‘Leioako 5en’ askatasuna exijitu dute Altsasun

Irailaren 27an epaituko dituzte 'Leioako 5ak', 2016an Leioako campusean izan zen ikasle mobilizazio baten harira. 45.000 euroko eta 40 urteko zigorrak eskatzen dituzte haientzat. Aste honetan ere mobilizazioak egingo dituzte, auzipetutako bost lagunen eskualdeetan nahiz... [+]


2023-09-18 | Mikel Eizagirre
“Militantzia politikoaren zilegitasuna defendatu behar da, inolako baldintzarik gabe”

2016ko apirilean atxilotu zituzten Leioako 5ak, errepresioaren aurkako ikasle protesta batean. Zazpi urteren ostean izango da epaiketa, irailaren 27an, eta 39,5 urteko espetxe-zigorrak eta 45.000 euroko kalteordainak eskatuko dizkiete. Epaiketaren atarian, haietako birekin... [+]


Eguneraketa berriak daude