1970-2015: Espainiako hezkuntza erreformei begirada
Espainiako Gobernuak unibertsitateetan 3+2 plana ezarri nahi duela-eta, otsailaren 26an kalera aterako dira ikasleak, Ikasle Abertzaleek deituta.LOMCEren aurka ere aterako dira, Espainiako Estatuko trantsizio garaitik egingo den 13. hezkuntza erreforma dena.
aurre egingo dieten hedabide independenteak
Zeintzuk dira orain arte Hego Euskal Herrian eragina izan duten Espainiako Estatuko hezkuntza erreformak?
LGE Hezkuntza Lege Orokorra, 1970: Frankismoaren azken urteetan onartu zen arren, 80ko hamarkadan aplikatzen hasi zen. Hezkuntza sistema guztia arautu zuen. Espainiako Estatuko ikasle guztiek 14 urte arte Oinarrizko Hezkuntza Orokorra (OHO) ikasi behar zuten. Ondoren, BBBarekin jarraitzeko edo lanbide heziketara sartzeko aukera zuten. Unibertsitatera joan nahi izanez gero UBI gainditu behar zuten. Erreforma honek oinarrizko hezkuntza doakoa izatea ezarri zuen. Unibertsitate esparruan ere eragina izan zuen erreforma honek.
LOECE Ikastetxeetako Estatutuen Lege Organikoa, 1980: Bost urte iraun zituen eta ikastetxeetan eredu demokratikoa ezartzea zuen helburua.
LRU Unibertsitatearen Erreformarako Legea, 1983: 2002ra arte indarrean egon zen erreforma honek unibertsitateen autonomia biltzen zuen lehenengoa izan zen. Honek aurrerago gauzatuko zen unibertsitatearen erreforma ekarri zuen.
LODE Hezkuntzarako Eskubidea Arautzeko Lege Organikoa, 1985: Itunpeko ikastetxeen sistema arautu eta hezkuntza sistemaren barruan gehitu zuen. LOGSE onartu bitartean indarrean egon zen. Hezkuntzako Lege Orokorraren egitura mantendu eta eskola kontseiluak sortu zituen.
Hezkuntza Sistemaren Antolamendu Orokorrerako Legea, 1990: Derrigorrezko eskolaldia 16 urteetara luzatu zuen. OHO desagertu eta UBIren ordez batxilergo berria ezarri zuen. Lege honek klaseetako ikasle kopurua 40tik 25era murriztu zuen. Erlijio ikasgaiaren ordutegia mugatzea eta honen alternatiba moduan Etika ezarri zuen. 1994tik aurrera Espainiako Auzitegi Gorenaren erabakiaren ondorioz ikasgai honek ez zuen islarik ikasleen notetan.
LOPEG Ikastetxeetako Parte hartze, Ebaluazio eta Zuzendaritza Lege Organikoa, 1995: LOGSE Espainiako Estatu guztian maila guztietan ezarri zutenean onartu zuten lege hau. Ikastetxeei autonomia gehiago eskaini zien.
LOC Gaitasunen Lege Organikoa, 2002: Ordutik Estatuko Lanbide Heziketa arautzen duen ordenamendu bakarra da.
LOU Unibertsitateen Lege Organikoa, 2002: PPren gobernu garaian egin zen. Unibertsitateko aginte organoak eta Ebaluazio eta Akreditazio Agentzia izan ziren lege honen oinarriak.
LOCE Hezkuntza Kalitatearen Legea, 2003: PPk onartu bazuen ere, 2004ko hauteskundeetan egondako botere aldaketagatik bertan behera geratu zen. Zapateroren gobernuak alderdi polemikoenak baztertu baina beste batzuk mantendu zituen.
LOE Hezkuntzaren Lege Organikoa, 2006: PSOEren gobernuak bultzatutako erreforma honek LOGSE, LOPEG eta LOCE indargabetu zituen, LODE ordea ez. Hiru batxilergo mota ezarri dituen: Arteak, Zientzia eta Teknologia eta Giza eta Gizarte zientziak. Era berean, lege honek erkidego guztietan irakatsi beharreko ikasgaiak blindatu zituen.
LOMLOU Unibertsitateen Lege Organikoaren Moldaketa, 2007: Boloniako adierazpena sinatzearen (1999) bidez gauzatu zen arren, zortzi urte geroago gauzatu zen. LOU legearen moldaketa honek Estatuko unibertsitateak Goi-mailako Hezkuntzaren Europako Esparrura egokitzea ekarri zuen, Boloniako prozesuak jomuga duena. Bolonia prozesuaren aurkako protestak ugariak izan ziren. EHUn, adibidez, ikasleek prozesua urtebete atzeratzea lortu zuten.
LOMCE Hezkuntza Kalitatearen Hobekuntzarako Lege Organikoa, 2013: Espainiako parlamentuko oposizio guztia kontra izan arren, Espainiako Gobernuak aurrera atera du hezkuntza erreforma hau. Ikasturte honetan zenbait lekutan aplikatzen hasiak badira ere, datorren ikasturterako leku gehienetara zabaltzea espero du Espainiako Gobernuak. Lege honek autonomia erkidegoetako irakasgai komunen ehuneko handiagoa finkatzeaz gain, euskara eta Espainiako beste hizkuntza koofizialak gutxiesten ditu. Lehen eta bigarren hezkuntza amaitzean errebalidak ezarri eta bigarren hezkuntzatik hasita, hezkuntza ibilbide bereziak abiarazi ditu. Gainera, LOMCEk, sexuaren araberako bereizketa egiten duten ikastetxe pribatuei laguntza publikoak ziurtatu dizkie. Legearen proiektuak protesta ugari sorrarazi ditu gizartean, ikasle, irakasle, guraso eta hezkuntza komunitate osoa kalera ateraraziz.
Unibertsitate Erreforma: LOMCE eta gero, Espainiako Gobernuaren unibertsitate erreforma martxan da. EU2015 unibertsitate erreformaren harira. 3+2 dekretuaren adibide argia da.
Kooperatibismo bat komunitateari begira UEUko topaketek, komunitatea ahaldundu eta lurraldeetako beharrei erantzuteko tresna direla gogorarazi ziguten. Halaxe da, bai, baina ekaina ez da kooperatibetan idealizaziorako garai egokiena, ez behintzat kooperatibetako kudeaketa... [+]
María del Cielo Galindo Puyalek EHUn Master Amaierako Lana aurkeztu du ostegunean, ekainaren 26an. Galindok kitxuaz hitz egin du epaimahaiaren aurrean, Boliviako emakume indigena meatzarien parte-hartze politikoaz. Lana kitxuaz eta gaztelaniaz idatzi du, eta bere anaiak... [+]
Zergatik eskaintzen dira Lanbide Heziketako hainbeste ziklo erdara hutsean EAEn? Zergatik jarraitu behar dituzte ikasketak gaztelaniaz ordura arte D ereduan euskaraz aritu diren ikasle andanak? Lanbide Heziketa euskalduntzeko behingoz plan estrategiko bat gauzatu dezala eskatu... [+]
Errektoretzaren erantzun ezan, ehun bat irakaslek berriz eskainiko diete ikasleei ahozko froga euskaraz pasatzeko aukera. Guraso elkarteek ere bat egin dute ekimenarekin, errektoretzaren inplikazioa eskatuz.
Ikastola 2013an sortu zuten eta ondoko urtean jarri zuten prefabrikatu bat herriko etxearen lursail batean bertatik bideratzeko ikaskuntza. 2022an eraikin sendo bat eraikitzeko proiektua aurkeztu zuten, baina herriko kontseiluak ez zuen horrelakorik onartu. Gatazka gogorra egon... [+]
Ekainaren 23aren eta uztailaren 2aren artean iraganen da ahozko azterketa. Frantsesez pasa beharreko azterketa izanda, Seaskako, sail publikoko eta pribatuko irakasle batzuek publikoki jakitera eman dute euskaraz bideratzeko aukera eskainiko dietela ikasleei.
Gasteizko Umandi ikastola duela 50 urte sortu zuten hainbat familia aski ausartek –herri ekimena, orduan ere–, euskararen transmisioa ardatz hartuta. Mende erdia joan da, ikastola hazi egin da, belaunaldi berriak hezi ditu ez gutxi, komunitate baten erreferente ere... [+]
Lanez lepo harrapatu dugun arren, eskuzabal hartu gaitu Eusko Jaurlaritzako Hezkuntza sailburuak; elkarrizketarako aurrez adostuta genuen denbora luzatzen utzi digu, luze jo baitu solasaldiak. Karguan urtebete egin duelarik, berrikuntzaz aritu gara Begoña Pedrosarekin,... [+]
“Lehenengo mailako ikasleek enpresetan egin dituzten praktikak existitu ez balira bezala jokatzeko eta notak aurreko sistemaren arabera jartzeko eskatu digute”, adierazi dio ARGIAri irakasle talde batek. Hori eta beste hainbat adibide eman dizkigute, azaltzeko modu... [+]
Animalia-etikaz mintzatuko dira EHUko ikastaroetako batean. Leire Morras Aranoak, ikastaroaren zuzendariak, hezkuntzan antiespezismoa lantzeko dauden hutsuneak eta aukerak nabarmendu ditu.
Udako Euskal Unibertsitateak hogei jardunaldi eta topaketa antolatu ditu ekainaren 11tik hasita hilabete batez, hausnarketari bide emateko eta "arnasgune akademikoa" izateko helburuarekin. Inguma datu-base berrituan unibertsitate mailako jakintza alor ugaritako ia 50.000... [+]
Espainiako Lanbide Heziketaren legeak egoera larria ekarri duela iritzita, kezka nagusiekin manifestua idatzi du irakasle talde batek eta jasotako sinadurak aurkeztu dizkio Eusko Jaurlaritzako Lanbide Heziketako Sailburuordetzari. “Joan garen ikastetxe guztietan bat egin... [+]
Eusko Jaurlaritzako Hezkuntza sailburuak iragarri duelarik hainbat ikastetxe eta zonaldetan sukaldeak jarriko dituztela, EHIGE gurasoen federazioak dio gaur egun catering-enpresen esku dauden eskola-jantokietako eredua bera aztertzea eta bestelako kudeaketa bat bultzatzea dela... [+]
Ehunka pertsona joan dira jaialdira, haien artean Begoña Pedrosa Hezkuntza sailburua, 60 milioi euroko inbertsioa iragarri duena Eskola Txikientzat.
EAEko Hezkuntza Sailak egindako “balorazio oso positiboa” ezbaian jarri du Arartekoak ebazpen batean. Bere esanetan, “neurri irmoagoak” hartu ezean, Ordiziako eskoletan dauden zaurgarritasun eta hizkuntza desoreka arazoak konpontzetik “urrun”... [+]