Astearte arratsaldean egindako agerraldian, Sare Arrasatek Unai Parot euskal preso arrasatearraren etxeratzea sustatzeko abiatu duen dinami aurkeztu zuen. Parot 1990ean atxilotu zuten Sevillan, eta ordutik espetxean da; egun, Cádizeko Puerto III kartzelan dago preso. "Legeak gehienez ezarri zion 30 urteko zigorra nahikoa ez, espetxe onurak ukatu eta beste 11 urteko kondena erantsi zioten", gogorarazi zuten dinamikaren antolatzaileek.

"Estatu ankerkeria" horri erantzuteko abiatu dute dinamika, eta berorrekin interpelatu nahi dituzte instituzioak, alderdi politikoak eta eragileak: "'Bidea gara' diogunean herri edo komunitate oso baten indarrari dei egiten diogu. Denon beharra baitugu Unai etxeratzeko. Elkarbizitza, bakea zein konponbide erdiesteko". Adierazi dutenez, martxan jarritako dinamikak iraunkorra izan asmo du, harik eta aske uzten dituzten arte bai Unai Parot bera, zein berekin batera atxilotu zituzten Ion Kepa Parot eta Jakes Esnal.

Dinamikaren lehen hitzordua igandean izango da. "Unai etxeratzeko bidean gara!" lelopean manifestazioa egingo dute, eta 12:30etan abiatuko da Arrasateko herriko plazatik.