2014an debekatu zuen Gipuzkoako Foru Aldundiak Ulia mendian ehiza egitea, baina legeak zituen akats batzuk baliatuz, epai batek ehiza baimendu zuen berriz ere 2019an. Orain, akatsak zuzenduta, Gipuzkoako Aldizkari Ofizialak iragarri du irailaren 1etik aurrera ezingo dela ehizarik egin Donostia eta Pasaia arteko mendian.
Donostiako eta Pasaiako udalek eskatu zuten 2014an mendia ehizarik gabeko eremu izendatzea, eta hala onartu zuen Aldundiak. Iazko epaiari aurre egiteko, legeak zituen akatsak zuzenduta, berriz ere “tirorik gabeko gune seguru” bilakatu da Ulia.
Talde ekologistek, Eguzki, Ehiza eta Gune Naturalak tartean, txalotu egin dute erabakia. "Ulia tiroz askatzen da, eta, horrela, oinarrizko baldintza bat ezartzen da erabiltzaile mota guztiek espazio horretaz modu baketsuan gozatzeko".
“No a la Caza” (NAC) plataformak ehiztariek erabiltzen dituzten txakurrak Animalien Ongizaterako Estatuko Legean sartuta egotea exijituko du, besteak beste. Donostian, Bilbon, Iruñean eta Espainiako Estatuko beste hiri askotan deitu dituzte mobilizazioak.
Talde ekologistak txalotu egin du Jaizkibelgo inguruetan belatz handi bat tiroz bota ostean Gipuzkoako Foru Aldundiak hainbat ehiza postu itxi izana. Agintariei eskatu die zuzenean Fiskaltzan salaketa jartzeko horrelako kasuetan.
Ehizarako hamabost dorre eta zazpi posturi eraso egin diete Jaizkibel, Jarindo, Kastañarri, Gorbeia, Arrikurutz eta Kintoa mendietan. Euskal Herriko Animalien Askapen Fronteak hartu ditu bere gain animalien "egoera tamalgarria" eta "ehiztarien... [+]