Udaltzainek bi lagun zauritu dituzte tiroz Barakaldon; horietako bat larri dago

  • Udaleko Segurtasun Sailak adierazi duenez, Arrontegiko zubiaren azpian izan da tiroketa, udaltzainak zulo bat estaltzera joan direnean.


2024ko martxoaren 22an - 09:41

Bi lagun zauritu eta hiru atxilotu dituzte udaltzainek Barakaldon (Bizkaia). Udaleko Segurtasun Sailak adierazi duenez, ostegunean, 08:30ean, Arrontegiko zubiaren azpian izan zen tiroketa. Tunela hustera eta kalean bizi diren hainbat lagunek erabiltzen zuten zulo bat estaltzera joan ziren udaltzainak. Tiro egin eta bi lagun zauritu zituzten, eta horietako bat larri dago Gurutzetako ospitalean. El Correo egunkariaren arabera, larri zauritutako lagunak hiru inpaktu jaso zituen: buruan, bularrean eta sorbaldan. Ertzaintza gertatutakoa ikertzen ari da.

EITBren arabera, ingurua hustera joan zirenean “arma zuriak” zituzten zenbait lagun zeuden. Angel Madrazo Barakaldoko Herritarren Segurtasuneko zinegotziak Tele7 telebistari esan dionez, udaltzainak “ohiko jardunean” ari ziren eta udaltzainek “egoki eta zuzen” jokatu zuten. Gaineratu du eraso baten ondorio izaten direla “beti” tiroak, eta kasu honetan modu horretan egin zutela tiro.

Araba, Bizkaian eta Gipuzkoan udaltzain guztiek ekipamendu bera eraman behar dute; besteak beste, suzko arma, munizioa, girgiluak, borra motz edo luzagarriak, txilibitua, balen aurkako txalekoa eta eskularru beltzak.

 


Kanal honetatik interesatuko zaizu: Polizia gehiegikeriak
Begia galtzea, manifestazioan parte hartu zuen neskaren errua izan zela dio epaile batek

2021ean Pablo Hasel rap musikariaren atxiloketaren aurka Bartzelonan egon zen manifestazioetako batean parte hartu zuen neskak eta begia galdu zuen mossoek jaurtitako foam bala baten ondorioz. Epailearen ustez, neskak “ondorioak bereganatu beharko lituzke”, istiluak... [+]


Irunen gizon bati eraso egin zion ertzaina kargutik kendu dute momentuz, gertakariak ikertzeko

Gizonezkoa kolpatu zuen ertzain agentea kargutik kendu dute kautelazko neurriekin, eta gertakariak ikertzen ari da Ertzaintzaren Barne Arazoetarako Unitatea. Une hartan han ziren polizia agenteen jarrera ere aztertzen ari dira.


Ertzaintzak herritar bati Irunen egindako erasoak haserrea eragin du

Ostiral goizean sare sozialetan zabaldutako bideo batean ikus daiteke nola pertsona bat eztabaidan ari den udaltzain eta ertzain talde batekin. Une batean, ertzainetako batek zartako indartsu batekin lurrera bota du, eta ondoren, lurrean utzita joan dira. Bideoa Irungo San Migel... [+]


2024-04-30 | Gedar
Pertsona afroamerikar bat erail du Poliziak AEBetan, belaunarekin lepoa estutu ostean

Istripu batetik ihes egin zuela aitzakiatzat hartuta, taberna batera sartu, lurrera bota eta buruz behera lotu zuten poliziek 53 urteko gizona. Zortzi minutuz izan zuten lurrean.


Mbolo Moye Doole plafatormak elkarretaratzea deitu du, manteroen aurkako arrazakeria eta indarkeria poliziala salatzeko

Plataformak salatu du indarra neurriz kanpo erabiltzen dela migratzaileen eta arrazializatuen aurka, eta saltzaile ibiltarien aurkako jazarpena etengabe egiten dela, batez ere turismo handiko garaietan, oporraldietan.

Manifestazioa egingo dute ostegun arratsaldean, 19:30ean,... [+]


Eguneraketa berriak daude