“Txarra eta oso txarraren artean aukeratu behar izan dugu”
Zaila zen erronka: 250 langile kaleratzeko mehatxuari aurre egin edo 123 kaleratu. Batzarrean bigarrena babestu zuten %58k.
aurre egingo dieten hedabide independenteak
TRW enpresako Langile Batzordeko Pedro Larrea (LAB) eta David Markalain (CCOO) Euskalerria Irratiko Metropoli Forala saioan izan dira, multinazionalak 123 behargin kaleratu eta lau urtez soldatak izoztuko dituela jakinarazi ostean.
Aho bizarrik gabe mintzatu da Markalain, zorrotz. Atzoko bozketaren emaitzak aztertu ditu: "Langileek ez dute onartu erabaki hau ona iruditzen zaielako, baizik eta beste alternatibari aurre egiteko kapaz ez direlako ikusi". Bat egin du Larreak. "Erabakia txarra edo oso txarra da", esan duenez. Nolanahi ere, 250 lagun langabezian geratzea baino hobea dela argi dute biek ala biek.
Bozkaketaren ostean, TRWko langile batzordeak ez du akordioa onartu, baina CCOOk eta UGTk gehiengoa dute -11 lagun hamazazpitik-, eta, beraz, gehiengoa dutenez, aurrera eginen du.
David Goliaten aurka
"Erraminta ugari dauzkate, legeak beren alde, deslokalizazioa... botere handia dute. Gobernua egon zen eta akordio bat atera genuen eta orain dagoena baino txarragoa zen". Markalainek egin ditu hitzak. Hausnarketa utzi du airean: "Gobernuak giltza ez edukitzea da lan erreformaren ondorioa".
Garbi dute: 500 langile baino gutxiagoko enpresa bat nahi du multinazionalak. Halaxe ziurtatu du Larreak.
Kalera doazenak, zein baldintzatan?
Antzinakotasuna eta absentismoa. Bi dira kontuan izanen dituzten faktoreak 123 kaleratze horiek zuzentzeko. Markalainen hitzetan, "gutxienez" 24 hilabeteko indemnizazioa jasoko dute. Kritika ez du ahantzi, aitzitik: "Guretzat indemnizaziorik onena lanean egotea da".
Langileak elkarren aurka
Bikoiztuta dauka ekoizpena TRWk, beraz, produktu jakin batzuk ez dituzte soilik Landabendik jasotzen multinazionalean; Poloniako fabrika batean produkzio bera egiten dute. "Joko makrabroa" da, Larrearen irudiko. Izan ere, lehian jartzen dituzte bi lantegiak. "Gu borrokatzen ari gara Poloniako lantegiaren kontra eta joko hori oso biziatuta dago, haiek ere egiten badute zer edo zer gure kontra doa".
Kezkak kezka, aurrera begira jarri dira. Bide judiziala. Horra sindikatuek urratu nahi duten bidezidorra. Eta horri ekinen diote.
(Albiste hau Euskalerria Irratitik ekarri da CC-BY-SA lizentzia baliatuta)
Italiako hainbat hiritan hondartzen eta itsasoaren izaera publikoa aldarrikatzeko mobilizazioak egin ditu udan Itsasoa Aske mugimenduak. Hondartzen erdia enpresa pribatuek kudeatzen dutenez, bainua hartzeko ordaindu beharra daukate herritarrek. Zonalde turistikoenetan ordainpeko... [+]
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori, lurrari... [+]
Ikasturtearen hasiera, lankideekin, laneko deskantsuan, kafe baten inguruan, atzean utzitako hilabeteen oroimenak mahairatuz. Deskantsua paraje desberdinetan egin izanagatik ez ditugu alboratu gizarte gisa ibiltzen dugun garaia. Distantzia hartu eta geldiunean gaudenean gai gara... [+]
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
"Komunikazioan eta gai publikoetan" lagunduko dio enpresari. Lizitazioak manipulatzeagatik isundu izan dute konpainia, eta lotura zuzenak ditu EAJrekin.
Etengo du. Hori da kaskora supituan etorri zitzaidan pentsamendua, gosaria ahoan eta Euskadi Irratia sintonian, Imanol Pradales lehendakaria entzun nuenean CAF “gogoeta etikoa” egitera gonbidatuz, Palestinako lur okupatuetan trena eraikitzeko duen kontratua eten edo... [+]
Irulegi eta Anhauze artean ditu mahastiak Joanes Haritschelharrek, Amama proiektuaren bultzatzaileak. “Mahastiak ene amarenak ziren, eta bera jubilatu zenean hartu nuen nik etxaldea, 2022an”, azaldu du. Ama mahastizaina eta aita ardi gasnagilea ditu, eta beraz, beti... [+]
Orriuldu gabe daude oraindik zuhaitzak eta arbolak. Hostoak ihartu gabe daude, bai. Eta hostoa jasotzeko sasoi aproposa da. Hostoa, batez ere geroago jasotzen da; zuhaitzaren adaburua janzten duen orritza edo hostotza erortzen denean edo orriultzen denean, lurraren instantziako... [+]
Asteleheneko bileran helarazi zioten asmo hori enpresa batzordeari, eta irailaren 9rako deitu dute hurrengo bilera. Fabrikak 151 behargin ditu gaur egun, baina ez dute zehaztu zenbat kaleratuko lituzketen.
Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.
Izan... [+]
Greban dira Benito Menni egoitzako langileak joan den abuztuaren 25etik, irailaren 8ra bitarte. Hermanas Hospitalarias enpresak agindutako kaleratzeen eta unitate itxieren aitzinean, Nafarroako Gobernuak ez duela arduratsuki jokatzen ari salatu dute.
Kontratua segi ala eten, enpresaren erabakia "errespetatuko" lukeela argi utzi nahi izan du Imanol Pradales lehendakariak, Euskadi Irratiari egindako elkarrizketan. Beasaingo enpresaren akzioen %3ren jabe da Eusko Jaurlaritza.
Pentsioak osatzeko 145.000 sinadura bildu dituen herri ekinaldi legegilea eztabaidatzeari ezezkoa eman ondoren, Euskal Herriko Pentsiodunen Mugimendua oso gogor agertu da Eusko Jaurlaritzaren jarrerarekin eta "bi aldiz engainatuta" sentitu direla azaldu du. EH Bilduk eta... [+]