Tuvisako txoferraren jarrera defendatu du Urtaranek
Bidaiari batek bota zituen mehatxu arrazistak "onartezinak" direla esan du Gasteizko alkateak.
Gorka Urtaran Gasteizko alkateak Tuvisako 7. lineako txoferraren jarrera defendatu du gaur. "Araudiaren arabera jokatu zuen –esan du–; agian ez zuen asmatu modurik egokienean azaltzen, baina hori ez da arau-hauste bat; eta ez du ekarriko zigorrik". Gertatutakoak, alkatearen irudikoz, ez du auzitan jartzen Tuvisako langileen profesionaltasuna. "Arauak betetzeko daude" gogoratu du Urtaranek.
"Onartezina" iruditu zaio, berriz, alkateari autobus horretan emakumearen eta bere alabaren kontra mehatxuak bota zituen gizonaren jarrera –"militarra naiz eta eta hogei urte daramatzat zu bezalako jendea hiltzen", esan zien–. Jarrera horren atzean "gorroto delitua" egon daitekeela adierazi du Urtaranek. Alta, alkateak argitu du Udalak ez duela bidaiari horren kontrako inolako ekinbiderik zabalduko.
Sare sozialetan zabaldutako bideo batean salatu dute emakume beltz baten eta bere alabaren kontra Tuvisako 7. lineako autobusean, asteazkenean arratsaldean, jazotako eraso arrazista. Salaketaren harira, Tuvisak iragarri zuen gertatutakoa ikertuko zuela, eta Gasteizko alkateak azalpenak eman ditu gaur bertan, prentsaurreko batean.
Albiste hau Arabako Aleak argitaratu du eta CC-by-sa lizentziari esker ekarri dugu ARGIAra.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Gasteizko autobus batean, astegun buruzurian eta egun argiz, eraso arrazista bat. Tolestu gabeko patinete baten aitzakian, autobus gidaria jatorri atzerritarreko emakume bati oldartu zitzaion. Txoferrak ez ezik, hainbat bidaiarik ere hitzez eraso egin zioten: “Hona zatozte eta dena kentzen diguzue” edo “emakumea zarelako, bestela egurtuko zintuzkedan” bezalako esaldietatik hasi, eta “militarra naiz, hogei urte daramatzat zu bezalako jendea akabatzen”... [+]
Arrazakeriaren aurkako Gasteizko Plataformak deia egin du asteazkenean, 19:00etan, Andre Maria Zuriaren plazan biltzeko.
Erasoa Borinbizkarra eta Salburua auzoak batzen dituen 7. lineako autobus batean gertatu da. Gidariak hasitako erasoa hauspotu dute hainbat bidaiarik, emakumea eta honen alabak kanporatzeraino.
Andoaingo Udalak komunikatua atera du urtarrilaren 5eko Erregeen kabalgatako polemikaren harira. “Hankasartze batek pentsatzen ez genuen oihartzuna izan du”, adierazi dute.
Irakurri duzue, baina ba al dakizue zer esan nahi duten hitz horiek? Romani hizkuntzan, kamipnasqo mestipen esaten zaio maitatzeko askatasunari. Eta askatasun grina hori du gure gaurko protagonista Silvia Agüerok sare sozialetan ikur. Zer maitatu nahi du aske, ordea? Hasteko, bere herria, ijitoen herria. Garbi azaldu du, ijito nazionalista dela “egunero-egunero”. Etenik gabeko aldarrikapena.
Lau emakumek Antonio Mato enpresariaren kontra jarritako salaketa artxibatu du auzitegiak. Erabakiak haserrea eragin du, eta Hego Euskal Herriko hiriburuetan mobilizazioak deitu dira.
"Emakumeentzat leku toxikoa" da Twitter, Amnistia Internazionala erakundeak egindako txosten baten arabera. Andrazko kazetari eta politikariek, batez beste, 30 segunduan behin jasotzen dute eraso edo mespretxuzko txio bat. Arazo hori are handiagoa da emakumea beltza, hegoamerikarra edo asiarra bada (ez zuria, alegia). AI-k ondorioztatzen du, beraz, Twitter sare sozial arrazista eta sexista dela, emakumeentzat leku "toxiko" eta deserosoa.
Migratzaileen zaintzaz arduratzen diren erakundeek ohartarazi dutenez, “inolako prozedurarik gabe egindako kanporaketak ohikoak bihurtu dira azken hilabeteetan”.
1973az geroztik legez kanpokotzat jo izan da jendarteko kolektibo jakin batzuk antzutzera behartzea. Azaleratzen joan diren testigantzen arabera, ordea, praktikak bere horretan dirau.
Fermin Muguruzak zuzendutako Black is beltza filmaren inguruko dokumentala da Beltza naiz. Iruñeko Erraldoien konpartsak New Yorken 1965an eginiko desfilearen istorioa biltzen duen komikia animazio film bihurtzeko prozesua erakusten du dokumentalak, eta Amaia Jackson zarauztarra da film luzeko protagonista. Bi zatitan banatua, lehenengoak proiektuaren transmedia garapena erakusten du, eta bigarrenak animazio-filma nola egin zen, guztia artista eta ekintzaileei egindako... [+]
