Greba eskubidea urratzeagatik Gasteizko Tuvisa udal enpresa zigortu dute

  • 2021eko apirilaren 22an greba egin zuten Euskal Herriko Zerbitzu Publikoetako langileek. Gasteizko hiri autobus publikoen zerbitzua kudeatzen duen Tuvisa udal enpresako 427 langilek egin zuten bat deialdiarekin.

Argazkia: Gasteizko Udala.
Artikulu hau CC BY-SA 4.0 lizentziari esker ekarri dugu.

2023ko maiatzaren 12an - 07:40

Lanuzteetan gertatu ohi den bezala, greba egin zuten langileek ez zuten jaso jardunaldi horri dagokion soldata. Arau haustea gero etorri zen: Tuvisako zuzendaritzak egun hori berreskuratzera edo ordu saldotik kentzera behartu zituen langileak, ez zuelako lan egun hori kontuan hartu.

Greba eskubidearen urraketa da hori. Epaitegietan salatu dute eta arrazoia eman die Gasteizko Lan Arloko 2. zenbakiko Epaitegiak: 60.000 euroko kalte-ordaina eman beharko die enpresak langileei. ELA sindikatuak eraman du aurrera prozesu judiziala, enpresa batzordeko gainerako sindikatuen babesarekin.

Edonola ere, Tuvisako zuzendaritzak helegitea jartzeko asmoa duela esan du.


Irakurrienak
Matomo erabiliz
Azoka
Kanal honetatik interesatuko zaizu: Langile borroka
Arrasaten zama gainera erori zitzaion garraiolaria hil da: "Lan istripuen gorakada gogorra jasaten ari gara"

LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]


50.000 afiliatuko langa gainditu du LABek, mende erdia bete berri

Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.


Soldaten emendioa aldarrikatzeko greba eguna burutu dute Ipar Euskal Herriko sektore publikoan

500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.


EAE-ko sektore publikoa euskalduntzeko dekretua
Aukera galdua

Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]


Industria agortu eta gero, zer?

Beriain (Nafarroa), 1974ko otsaila. Potasas de Navarra enpresako langileek greba egin zuten, besteak beste, aurreko urtean Motor Ibérica lantegiko langileek egindako grebak bultzatuta. Ez zen, beraz, Nafarroako industriako lehen greba, ezta Potasasena ere. Baina Potasas... [+]


Eguneraketa berriak daude