Trebiñuren egoeraz eztabaidatuko dute asteartean gaur Espainiako Kongresuan
Trebiñuko enklabeko bi alkateek, Ignacio Portilla Morazak eta Roberto Ortiz Urbinak artikulu bat argitaratu dute El Paísen, Trebiñu administratiboki Araba izan beharko litzatekeela defendatuz. Bai biztanleek, bai Gaztela eta Leongo eta EAEko estatutuek, hori jasotzen dutela argudiatu dute.
Trebiñuko enklabeko udalek aurkeztutako Lege Organiko Proposamenaren ingurukoa azalpenak eman dituzte artikuluaren bitartez. Trebiñu Araban kokatuta egon arren, Burgosen menpe dago administratiboki, eta “egoera arraro horrek antolaketa administratiboaren printzipioak hausten” dituela diote alkateek.
Euskal Autonomia Erkidegoko eta Gaztela Leongo estatutuek ere horren alde egiten dutela baieztatu dute. “Herriek harreman gehien daukaten autonomiaren zati izan beharko luketela defendatzen dute estatutuek, eta Trebiñuk Arabarekin dauka loturarik handiena, bai ekonomikoki, bai zerbitzu publikoei dagokienez. Burgosekin daukan harremana menpekotasun administratiboak eragindakoa da soilik”.
Horrez gain, historikoki bertako biztanleek izan duten nahia dago. “1980an eta 1998an ikusi zen, eta baita aurten ere, 2014an. Lurralde honetako hiritarrek sarritan adierazi dute Arabaren parte izan nahi dutela. Ez da horren aurkako bozka bat ere eman egin ditugun bi osoko bilkuretan”.
Baina Gaztela eta Leonen jarrerak ez die egoera errazten. Bere estatutuek kontrakoa esan arren, erkidego horrek Trebiñuri eutsi nahi dio oraindik. Gorteengan jarri dituzte itxaropenak alkateek: “Lurralde aldaketa egiteko eskumena Gorteek dute bakarrik, eta erkidego batek ezin du horren aurka egin”.
Trebiñuko herritarrek bizi duten egoera "anakronikoa" salatu zuten igandean.
Trebiñu Araba Da plataformak arbuiatu du epaitegien aginduz Trebiñun euskara planak baliogabetu behar izana eta hezkuntza publikoan euskaraz ikasteko eskubidea ukatzea. Trebiñu Araban integratzea eskatu dute, "inposizioaren" gainetik.
Gaztela Leongo hauteskundeen biharamunean, Xabi Iturriza trebiñarra izan dute Hizpidea saioan. Trebiñu Araba izateko arrazoien inguruan mintzatu dira berarekin. Otsailaren 26an aurkeztuko da Trebiñu Araba da! taldea.
PSOEk lortu du bozka gehien bai Trebiñun bai Argantzonen, Gaztela eta Leongo Juntarako bozetan. 1.506 pertsona zeuden bozkatzera deituak Trebiñuko barrendegian, eta horietatik 558k bozkatu dute, %37ak.
650 metroko garaieran, izotza sarri, Araba erdian baina Burgosen, “lurralde ahaztua”. Trebiñuren bereizgarriek derrigor markatzen dute hango laborantza, sagarrarena tartean, 1998an Askartzan ireki zuten sagardotegiaren ibilbideak erakusten duenez.
Argantzungo eta Trebiñuko udaletako osoko bilkurek gehiengo osoz erabaki dute lan-mahai bat sortzea, egun Burgoseko probintziaren administraziopean dagoen barrundia ofizialki Arabako parte izatea lortzeko.
Trebiñuko bi udalek euskara sustatzeko lau urterako plan estrategikoa onartu zuten 2020ko amaieran. Orain, Trebiñu administrazioarekiko auzien auzitegira eraman du Gaztela eta Leongo Juntak, eta Argantzon horrekin mehatxatu du.
Espainiako Kongresuak alarma egoera berriro luzatzea onartuko du gaur, Gobernuak EAJrekin lortutako akordioari esker; ondorioz, Trebiñuk Arabako gainontzeko eskualdeen baldintza berdinetan egingo du deseskalatzea.
Azaroaren 10eko hauteskunde orokorren atarian, Trebiñuko herritar talde batek paratxutistak eskegi ditu herriko faroletan Trebiñu Araba dela aldarrikatzeko.
Probintziaren Egunean gutuna eman diote Argantzungo eta Trebiñuko alkateek Cesar Rico Burgosko Diputazioaren presidenteari.
Markinez-Amozarrain sendikoak euskaraz aritzen dira etxean eta lantokian. Euskaldun asko hartzen dute haien ogibide den sagardotegian. Trebiñun daude, eta izen bereko sagardotegian euskara lehen lerroan izan dadin saiatzen dira. Lazarraga Saria ere irabazi dute, eta... [+]
Trebiñuko eta Argantzungo alkateek Espainiako Senatuan aurkeztu dituzte Araba ofizialaren parte ez izateak dakarzkien arazoak; gaia jorratzeko lantalde bat eskatu dute. PP eta PSOE kontra azaldu dira.
EAJk eskatuta, Trebiñuko Konderriko eta Argantzungo alkateek Espainiako Senatuan agerraldia egingo dute gaur, 11:30ean.
Ekainaren 17an izango da “Irrikitan” izenburupean Araba Euskaraz Trebiñu barrendegian. Hirugarren aldiz antolatuko du Argantzon Ikastolak Araba Euskaraz. Adabakia deitzen diote trebiñuar askok beren konderriari, administratiboki Burgos baita, eta... [+]