Tomate hidroponikoen ustiapen handia jarri nahi du martxan multinazional batek Araban
Arabako Diputazioa eta Eusko Jaurlaritza multinazional batek aurkeztu duen proiektua aztertzen ari dira.
aurre egingo dieten hedabide independenteak
Gaubeako Tuestako industrialdearen ondoan, Araba Garapen Agentziak duen 100.000 metro koadroko lursail batean begia jarri du nekazaritza sektoreko multinazional batek. Ekonomia Garapena eta Lurralde Orekako diputatu Pilar Garcia de Salazarrek azaldu duenez, Arabako Diputazioa eta Eusko Jaurlaritza tomate hidroponikoetarako plantazio handi bat kokatzeko egitasmoa aztertzen ari dira: "Almerian eta Portugalen tomate hidroponikoko ustiapenak dituen enpresa batek interesa erakutsi du Tuesta herriko lursail batean; inbertsio ekonomiko handia aurreikusten du eta 50 lanpostu sortuko lituzke".
Lurzorurik gabeko landare kultiboen ekoizpen teknika da hidroponia. Lurzorurik ezean, landareek euskarri gisa bestelako substratu batzuk behar izaten dituzte: hondarra, turba, perlita, bermikulita... Baina substratu gabe ere erabil daiteke teknika hau. Horrelakoetan landarea soluzio hutsean murgilduta bizitzen da. Behar dituen substantzia elikagarriak uretan disolbaturik gehitzen zaizkio landareari.
Tuestako egitasmoa oraindik hastapenetan dagoela azpimarratu du diputatuak, baina halere argitu du kristalezko edo plastikozko sei hektareako berotegi tunel kokatzeko asmoa duela multinazionalak Tuesta herrian. "Sustatzailea bitartekoak aztertzen ari da, batik bat uraren eta energiaren hornidurak, eta eskualdeko ureztatzaileen elkartearekin harremanetan jarri da". Halaber, diputatuaren arabera, EAEko tokiko produktoreekin eta nekazaritza kooperatibekin hitz egin du enpresak "elkarlana sustatzeko asmoarekin".
Une honetan, Eusko Jaurlaritza eta Arabako Diputazioa multinazionalarekin lankidetza bultzatzeko aukerak aztertzen ari dira, baina diputatuak aitortu duenez, halako egitasmo bat kudeatzea zaila da eta denbora eskatuko du. "Hastpenetan dago proiektua" esan du.
EH Bilduko batzarkide Kike Fernandez de Pinedok tomate hidroponikoko plantazioaren inguruan aurkeztutako galdera bati erantzunez egin du agerraldia, Batzar Nagusietan, Garcia de Salazarrek. Diputatuaren azalpenen harira, Fernandez de Pinedok ohartarazi du Europako multinazional handiaren egitasmoaren atzean nekazaritza intentsiboaren aldeko apustua dagoela, eta "Almeria eredua" sustatu nahi izatea arbuiatu du. Aldiz, tokiko produktoreak eta ekonomia zirkularraren alde lan egiteko dei egin du.
Albiste hau Arabako Aleak argitaratu du eta CC-by-sa lizentziari esker ekarri dugu ARGIAra.
Natura aspaldi deuseztatu genuen. Hori da gure kultura, natura deuseztatzea. Oinarrian, nekazaritzaren kultura, goldearen kultura, kultibatzea, berezko natura deuseztatzea da. Guk nahi ditugun mozkinak eta etekinak jezteko moduko “natura” dugu gurean.
Egonarria saioan askotan atera da laborantza ereduen arteko talka, laborantza industriala dela goiko erakundeetatik bultzatzen dena eta aldiz, agroekologia dela Euskal Herriko laborari txiki askok eusten dutena eta etorkizun modura ikusten dutena. Saio bat Europari eskaintzea... [+]
Euskal Herria, Grezia, Herbehereak, Alemania, Espainiako eta Frantziako Estatuak, Italia... Europa mailakoa da laborarien azken aste hauetako protesta. Ongiezak eta kexuak akuilaturik, zabalduz doa mugimendua. Dela kostatu zaiona baino merkeago saldu beharra ekoizpena, dela... [+]
Azterlan zabal batek erakutsi berri duenez, 1980tik 2016a bitartean hegaztien populazioak % 25 gutxitu dira azken 40 urteotan, eta ia % 60 nekazaritza-inguruneetako espezieen kasuan. Hori da, hain zuzen ere, Europako hegaztiei buruz orain arte egindako ikerketa handienaren... [+]
Sainte-Solineko uraska inguruko gertakari lazgarriek galdera bat planteatzen dute: nola da posible 200 pertsona baino gehiago zauritzea (bi aldeetan) eta horietatik bik (manifestarien artekoetatik) hil ala biziko larrialdian jarraitzea zergatik eta segurtatzeagatik zulo bat... [+]
Makroetxaldeen aurkako Nafarroako Plataformak, beste eragile batzuen babesarekin, Iruñeko kaleak hartu ditu abeltzaintza industrialaren amaiera eskatzeko eta abeltzaintza estentsiboaren alde egiteko, elikaduraren burujabetasunaren aldeko aldarria zabalduz. Mobilizazio... [+]
Aditu askok ohartarazi arren abeltzaintza industriala gero eta gaixotasun eta epidemia larriagoak ari dela eragiten –klimari, ingurumenari eta baita milioika abeltzain txikiren enpleguei egindako kalteez gain – agro-industriak ez du norabidea aldatzeko asmorik:... [+]
Lurzoruan, erreketan eta euri uharretan pilaturiko urak laborantza intentsiboko bakar batzuei bideratzeko makroproiektuak dira méga-bassine edo uraska erraldoiak. Horien kontrako mugimendua indartuz doa Frantziako Estatuan eta iragan asteburuan Sainte-Solines... [+]
Bidaxuneko bi etxaldetan eta Amorotzeko batean agertu da H5N8 birusa, baita Zuberoarekin mugan den Lixoze herriko bi etxaldetan. Nahiz eta prefekturak oraindik baieztatu ez, baliteke Bardozen ere zabaldu izana birusa. Frantziako administrazioaren erabakiei segi, birusa... [+]
1.000 vaches esatea azken urteotan Frantziako estatuan izan da aipatzea nekazaritza munduko gatazka beroenetako bat, aurrez aurre zeuzkana batetik laborantza industriala sustatzen duten konpainiak eta bestetik Confederation Paysanne sindikatuak biltzen dituen baserritar txikien... [+]
Danimarkako gobernuak bertako haztegietako bisoi guztiak hiltzea erabaki du, ikerlariak ohartu direlako bisoietatik gizakietara pasatako koronabirus kasuak badirela –orain arte jakina zen gizakiek kutsatu zitzaketela bisoiak– eta bisoi-granja asko dauden Jutland... [+]
Agroindustriaren sektoreaz informatzeko orduan, “benetako omertà” egoeran kausitzen dira kazetari bretoiak. Inork ez du hitz egin nahi eta hitz eginez gero presioak, mehatxuak, auzibideak zein zentsurak dituzte ordainean. Sektore indartsua delako... [+]
Agroindustriaren sektoreaz informatzeko orduan, “benetako omertà” egoeran kausitzen dira kazetari bretoiak. Inork ez du hitz egin nahi eta hitz eginez gero presioak, mehatxuak, auzibideak zein zentsurak dituzte ordainean. Sektore indartsua delako... [+]