Fiskaltzak dio ez dela delitua polizia infiltratuak emakumeekin sexu harremanak izatea
Bost emakumek kereila jarri zuten Kataluniako mugimenduetan hiru urtez infiltratutako poliziaren aurka, haien aurkako sexu abusuak egin zituela egotzita. Fiskaltzak epaileari eskatu dio ez onartzeko kereila, eta adierazi du harremanetan emakumeen "onespena" egon zela.
Fiskaltzak dio ez duela deliturik egin zenbait emakumerekin sexu harremanak izan zituen infiltratutako poliziak. Daniel Hernández Pons Espainiako poliziak hiru urte egin zituen Kataluniako gizarte mugimenduetan sator lanak egiten. Besteak beste, mugimenduetako zenbait emakumerekin harreman sexu-afektiboak ere izan zituen. Haren kontrako kereila jarri zuten bost emakumek urtarrilean, polizia sator lanak egiten aritu zen denboran beraien aurkako sexu abusuak egin zituela egotzita.
Sexu abusuez gain, delitu ugari leporatu zizkioten: eskubide zibilen urraketak, osotasun moralaren aurkakoak delituak, eta euren sekretuak eta identitateak ezagutaraztea, besteak beste. Honela zioen kereilak: “Muga etikoak gainditzen ditu, eta emakume haien oinarrizko gunearen eta euren sexu autonomiaren aurka egiten du eraso”.
Fiskaltzak, ordea, epaileari kereila ez onartzeko eskatu dio, argudiatuta emakumeek "onespena" eman ziotela harreman horiei. Gaineratu du Hernández ikertzeak polizia ikerketa eta agenteen segurtasuna arriskuan jar dezakeela. Txostenaren arabera, infiltratuak polizia zela esan ez zienez, ez zuen bere karguak ematen zion boterea erabili emakumeengana iristeko.
Emakumeek, kontrara, adierazi zuten ez zuketela harekin harremanik izango polizia zela jakin izan balute. Fiskaltzak dio, ordea, gerora infiltratuaren identitatea jakin izanak ez duela aurrez izandako harremana "iraingarri" bihurtzen. Txostenean adierazi du ez dakiela emakumeek gizonari adierazi ote zioten ez luketela harremanik izango polizia batekin. Horregatik, dio litekeena dela harremanak "benetakoak" izan izana, eta ez agenteak informazioa eskuratzeko helburua zutenak.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Uztailaren 5ean egin zituen sexu erasoak Iruñeko barraka gune batean. Leporatutako delituen larritasuna dela eta epaileak fidantza ordaintzeko aukera kendu dio.
2024aren bukaeratik behartu du gaztea berekin sexu-harremanak izatera, diru truke.
Mauleko Chaumes gasnategian langile eta CGTko sindikatu ordezkaria izandako gizon baten kontrako lau salaketa dira pausaturik, eta Larraine gaineko Iratiko Txaletetan lankide ukandako bosgarren emakume batek ere gehitu du berea. Uztailaren 3an iraganen da auzia Pauen. Erasoa... [+]
Betharram ikastetxearekin lotutako sexu eta bortizkeria kasuak ikertzeko asmoz, Batzorde Ikerketa Independenteko kideek lekukotasunen bilketa abiatu dute
Zizur Nagusiko institutu batean 41 pertsona grabatu zituen eta haietako 30 bere ikasleak ziren. Argazki batzuk sare sozialak erabilita lortzen zituen eta adimen artifizialarekin aldaketak egiten zituen.
San Roman auzoko jaietan bost neska adingaberi ukituak egiteagatik 18 urteko mutil bat atxilotu zuen Ertzaintzak Muxikan (Bizkaia). Udalak eta herriko Mugimendu Feministak elkarretaratzea deitu dute asteartean 20:30erako.
Akusazioa onartu, eta eragindako kalteengatik, kalte ordainak ordaindu dizkio: zigorra jaitsi diote, eta, beraz, ez du kartzelara sartu beharko. Beste gizon batek aitortu du bost urtez bikotekideari sexu abusuak egin zizkiola: zigorra jaitsi diote hamahiru urtetik laura, eta... [+]
Erasoa Loinatz jaietako azken egunean gertatu zen. Goierriko Itaiak elkarretaratze bat antolatu zuen gertakaria salatzeko.