Madrilen infiltratutako polizia baten kasua argitaratu du ‘El Salto’-k
Madrilgo La Animosa zentro sozialean eta mugimendu ekologistetan hartu du parte poliziak. Azken hilabeteetan argitaratu duten infiltratutako polizien laugarren kasua da.
Mugimendu sozial eta politikoetan infiltratutako hirugarren kasua eman du argitara El Saltoko Ter García kazetariak. Madrilgo La Animosa zentro sozialean eta talde ekologistetan hartu du parte Mavi L.F. izenaren atzean ezkutatzen zen poliziak. Bere egiazko izenaren inizialak M.V.C.S. dira, eta 2022ko maiatzean gainditu zuen Espainiako Poliziako funtzionario izateko prozesua.
M.V.C.S. Instagram bidez jarri zen La Animosa zentro sozialarekin harremanetan lehen aldiz, 2022ko azaroaren 5ean. Justizia klimatikoko ekimen bat proposatu zien, eta zentro sozialak, hainbat arrazoi medio, ez zuen proposamena onartu.
La Animosak gimnasio bat du Hortaleza auzoan, eta Mavi hara joaten hasi zen. Ez da Poliziak mugimenduetan infiltratzeko gimnasioa erabiltzen duen lehen aldia, Bartzelona eta Valentziako kasuetan ere egin zuten kontaktua gimnasio ireki horien bidez. Hortalezako gimnasioko kideek azaldu dutenez, berehala piztu zituen susmoak. Izan ere, bat-batean zentroko beste ekimenen inguruko interesa erakusten hasi zen, eta maiztasun handiarekin joaten zen gimnasiora. Arreta deitu zien poliziak borroka kiroletarako zuen abileziak, nahiz eta esan zuen praktikatzen zuen lehen aldia zela.
Zentroko kideek diotenez, bertako kideekin harreman estua egiten saiatu zen. Haiekin aisialdian egoten ere hasi zen, eta berari buruz eman zituen hainbat datu faltsuak direla egiaztatu zuten. Hori ikusirik, bere aurrean segurtasun protokoloak jarri zituzten martxan,
Extinction Rebelion klima aldaketaren aurkako mugimenduan ere infiltratu zen polizia, irailean. Taldearen deialdi irekietara agertu zen lehen bi aldietan. Mugimenduko kide batek El Saltori esan dionez, bere etxean egindako bilera batean ere hartu zuen parte ondoren. Futuro Vegetal taldean ere infiltratu da Mavi.
Orain arte argitaratutako kasuetan, mugimenduetako kideek adierazi dute formakuntza politiko baxua dutela polizia infiltratuek, eta hori dela susmoak pizten dituen jarreretako bat.
Aldaketa, infiltratutako polizien kasuak argitaratzean
La Directak Bartzelonako mugimendu sozialetan infiltratutako poliziaren kasua zabaldu zuenean, aldatu egin zuen jarrera M.V.C.S.-k. Hortalezako gimnasiora beste pare bat aldiz baino ez zen joan, eta ekintzetan ez zuen lehen bezainbesteko grinarekin hartzen parte, La Animosako kideek diotenez. Horrez gain, sare sozialetatik argazkiak eta profilak ere ezabatu zituen, lehenengo La Animosarekin kontaktatzeko erabili zuen Instagram kontua.
Polizia infiltratuen hiru kasu eman ditu argitara La Directak, kazetariek egindako ikerketei esker. Lehenengoa iazko ekainean zabaldu zuen, independentismoan eta etxebizitzaren mugimenduan infiltratutako Espainiako Poliziaren identitatea ezagutaraziz. 2023ko urtarrilean, berriz, Bartzelonako mugimendu sozialetan eta Gasteizko Errekaleor auzoan ere ibili zen poliziarena. Eta otsailean Valentziako aktibismoan infiltratu zen poliziarena. El Saltok publikatu duen azkenarekin, lau dira publiko egin diren infiltratuen kasuak.
“PPko polizia patriotikoak” Barne Ministerioaren datu-baseen bitartez, Podemoseko politikariak espiatu zituela informatu du El Paísek, horien artean Pablo Iglesias, Yolanda Díaz, Ione Belarra edo Irene Montero. Espainiako Estatu osoko autonomia erkidego... [+]
Errusiako epaileek leporatzen diote, besteak beste, Armata errusiar tanke modernoenaren ekoizlea den Uralvagonzavod enpresako dokumentu klasifikatuak gainean zeramatzala harrapatu zutela. 20 urteko zigorra jaso dezake. Baina benetako espioia ote zen? Zoritxarrez, ezetz esango... [+]
Bost emakumek kereila jarri zuten Kataluniako mugimenduetan hiru urtez infiltratutako poliziaren aurka, haien aurkako sexu abusuak egin zituela egotzita. Fiskaltzak epaileari eskatu dio ez onartzeko kereila, eta adierazi du harremanetan emakumeen "onespena" egon zela.
2015etik 2021era mugimendu antifaxista eta antierrepresiboetan infiltratutako poliziaren kasua publiko egin du El Saltok, Directarekin elkarlanean ikertu ondoren. Hamabost hilabetean hedabideek argitaratutako polizia satorren seigarren kasua da.
Espainiako presidente Pedro Sánchezen eta beste lau ministro mugikor bidez espiatzeagatik irekitako kasua itxi egin dute, Pegasus programaren jabe den Israelgo Gobernuaren eta Justiziaren "erabateko" kolaborazio faltagatik.
Artikulu honen izenburuan agertzen diren hiru izen propioak ez datoz bat horrela deitzen ziren pertsonen errealitatearekin. Marc Hernàndez Pons, Dani Hernàndez Pons eta Ramón Martínez Hernàndez ziren Barne Ministerioak Polizia Nazionaleko hiru... [+]
Espainiako barne-ministro Fernando Grande-Marlaskak adierazi du infiltrazioekin lotutako informazioa espediente sekretu batean dagoela bilduta. Polizia horiek inteligentzia agente gisa definitu ditu, "ordenaren eta segurtasun publikoaren" intereseko informazioa... [+]
EHUko Errektoretzak komunikatu batean "ahalik eta irmotasunik handienarekin" gaitzetsi du unibertsitate-zentroko langileen ustezko espioitza kasua. Infolibrek ezagutarazi zuen Kitchen kasuaren barruan, EHUko langile bati buruzko informazioa pasa ziola unibertsitateko... [+]
Martxoaren 2an eman zen argitara Espainiako Poliziak Mari Jose Beaumont zelatatu zuela 2015ean. Nafarroako Gobernuko Lehendakaritza, Funtzio Publiko, Barne eta Justizia kontseilaria zen orduan, Uxue Barkosen gobernuan. Berrian eta Naizen adierazi du auzian aurkeztea pentsatzen... [+]
Espainiako enegarren ustelkeria auzia –Kitchen auzia deiturikoa– hari luzea uzten ari da bestelako kontuetan ere. Espainiako Barne ministerioak arerio politikoak nola jazartzen eta zelatatzen zituen agerian geratu da epaiketara aurkeztutako dokumentazioarekin... [+]
Espainiako Poliziak Mari Jose Beaumont zelatatu zuen 2015ean Uxue Barkos lehendakariak Nafarroako Gobernuko Lehendakaritza, Funtzio Publikoa, Barne eta Justizia kontseilaria izendatu zuenean.
Ser kateak jaso duen abuztuko dokumentu batean, Espainiako Barne Ministerioak "zilegi eta beharrezko" ikusten du polizia agenteak infiltratzea mugimendu sozialetan, "independentismoaren arriskuak geldiarazteko".
Harreman sexu-afektiboak bilatu zituen zenbait andrerekin Espainiako polizia infiltratu batek Katalunian, besteak beste, inguru militanteetara sarbidea errazteko, Directa hedabideak jakitera eman duenez. Horietako bostek salaketa jarri dute epaitegian; sexu abusuak, osotasun... [+]
Directa agerkari digitalak Espainiako polizia infiltratu baten kasua argitaratu du; hainbat emakumerekin harreman sexu-afektiboak bilatu zituen, besteak beste, inguru militanteetara sarbidea errazteko. Erresuma Batuan azaleratu dituzte antzerako gertakariak: seme-alabak... [+]