Auzitegi Nazionalak artxibatu egin du Pegasus espioitza kasua
Espainiako presidente Pedro Sánchezen eta beste lau ministro mugikor bidez espiatzeagatik irekitako kasua itxi egin dute, Pegasus programaren jabe den Israelgo Gobernuaren eta Justiziaren "erabateko" kolaborazio faltagatik.
José Luis Calama Espainiako Auzitegi Nazionaleko magistratuak esan du Pegasus espioitza kasua artxibatu egingo dutela. Horren arabera, Israelek –hangoa da Pegasus– "erabateko" kooperazio juridiko falta erakutsi du; oraindik ez du erantzun bidalitako erreguzko eskaera, eta urtebete da eskaria egin zutela. Magistratuak dioenez, “sekretuak argitara ateratzea” delituagatik jarraitu dute kasua, besteak beste, eta “estatuko segurtasuna arriskuan jarri du”. Bertan behera utzi dute
Pegasus programa informatikoa txertatu zuten Pedro Sánchez Espainiako presidentearen eta Margarita Robles Defentsa, Fernando Grande-Marlaska Barne eta Luis Planas Nekazaritza ministroen mugikorretan. Hainbatetan “kutsatu” zizkieten mugikorrak, ikertu dutenez, 2020 eta 2021 urteen artean, El Saltok gogorarazi duenez. Baina nork egin zuen jakiteko eskatu zioten laguntza Israeli, Pegasusen jabe den NSO GROUPek testigantza eman zezan.
Erantzunik gabe, magistratuak aurreratu du orain geratzen den bide bakarra diplomatikoa dela.
