Tentsioa Barakaldoko aurrekontuak onartzeko bilkuran, gizarte laguntza murriztu eta zinegotzien soldatak igo ostean
Amaia del Campo alkateak (EAJ) aginduta, Barakaldoko Udaltzaingoak 2020rako aurrekontuak onartu dituen osoko bilkura hustu du, zinegotzien eta aholkularien soldatak handitzearen aurkako protesta bat dela eta. Igoera hori onartu duten bilkura berean, Gizarte Ekintzaren aurrekontua murriztu dute.
Amaia del Campo Barakaldoko alkate jeltzaleak 2020rako aurrekontuak onartu dituen osoko bilkura husteko agindu du asteartean, zinegotzien soldata-oinarria %4,2 handitzearen aurkako protesta bat dela eta –2,5 milioi euro bideratuko dira guztira zinegotzi eta aholkularien gastuetara–. Gizarte Ekintzaren aurrekontuaren %17,5eko murrizketa ere onartu dute, Berri-Otxoak plataformak ohar batean jakinarazi duenez.
Aipatutako plataformako kideek murrizketa sozialen aurkako kartelak erakutsi dituzte eta "hainbeste txorizorentzat ogirik ez" edo "karitatearen ordez, justizia soziala" bezalako esloganak oihukatu dituzte. Alkateak osoko bilkura ateak itxita egitea agindu du.
"Berri-Otxoak plataformatik gure sumindurarik handiena adierazi nahi dugu EAJk eta PSEk onartu dituzten aurrekontuen aurrean; izan ere, aurrekontu horiek Gizarte Ekintzan murrizketa dramatikoa dakarte eta alkatearen eta zinegotzien soldaten igoera onartezina", adierazi du kolektiboko bozeramaile batek, eta "lotsaren aurrekontu hauen berehalako zuzenketa" eskatu du.
Gizarte Ekintzaren arloak 9,81 milioi euro izango ditu, aurreko udal kontuetako 11,9 milioien aldean. Gainera, Berri-Otxoak-en arabera, iaz larrialdietarako prestazioei aplikatutako %2ko murrizketa finkatzen dute, gizarte laguntzetarako dirua 960.000 eurotan izoztuta geratzen da, "beti urtea amaitu baino hiru hilabete lehenago agortzen direnak".
"EAJ-PSEk Gizarte Ekintzaren aurrekontuari bi milioi euroko artaziak sartzea erabaki du. Bi milioi kentzen dituzte, barakaldar familien %15 baino gehiago gizarte bazterketa egoeran dauden bitartean ", ohartarazi du Berri-Otxoak elkarteak. Plataformaren arabera, "eskandalu larria da", izan ere, "alkatearen soldata igotzeko erabaki lotsagabearekin batera dator".
"Aurrekontuek adierazten dute gastua 3.689,19 euro igoko dela udal arduradun gorenaren ordainsarietarako. Urtero 92.184,21 euro ordaintzen dira horrela", salatu dute. Berri-Otxoakek azaldu duenez, "soldata igoera gobernu taldeko gainerako zinegotzi, aholkulari eta konfiantzazko karguei ere aplikatzen zaie", eta "zinegotzi eta aholkulari politikoen soldatetara bideratzen den kopuru osoa 2,5 milioi eurotik gorakoa da".
Testuinguru horretan, "politikarientzako eta proiektu faraoniko eta alferrikakoentzako soldaten gastuak erabat murriztea" eskatu du plataformak, eta, aldiz, "gizarte gaietarako aurrekontua handitzea".
Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".
Europar Batasuneko Ekonomia eta Finantza ministroen Ecofin kontseiluak arau fiskal zorrotzagoak ekarri dizkigu opari urte berriarekin. Pandemia ondorengo norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Europar Batasuneko 27 herrialdeetako ekonomia eta finantza ministroen kontseiluak arau fiskal zorrotzagoak ezartzea adostu du abenduaren 20an. Azken urteetako norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Araba, Bizkaia eta Gipuzkoako sektore publikoan greba eguna da gaurkoa, ELA, LAB, CCOO, Steilas, SATSE eta ESK sindikatuek deituta. Goizaldean abiatu dira lehen zutabeak eta manifestazioa handienak eguerdian egingo dituzte hiriburuetan.
Hizkuntza gabeziari lotutako hezkuntza atzerapenak eta premia handiak dituzte Gasteizko Federico Baraibar institutuko ikasleek. Beti baliabidez urri dabiltzala, baina hurrengo ikasturterako Eusko Jaurlaritzak esleituriko baliabidetan murrizketak izango dituztela salatu dute... [+]