Beste hedabide askok ere normaltasuna lortu beharko lukete, euskarazkoek bereziki, baina baita ere baztertuak bizi izan diren beste askok. Aldaketaren ikuspegia bultzatuko duten hedabide sarea indartzea giltzarri da epe ertain eta luzera.

Instituzio garrantzitsuenek ateak ireki dituzte, eliteen gotorlekuak herritar eta gizarte taldeei zabalduz. Ikurrinak kuku egin du hainbat udaletan zigorrik jaso gabe; Sinboloen Legearen aldaketa dator eta berarekin normaltasun demokratikoa sinboloetara.

Alde guztietako biktimen memoria landu da. Abortatzeko eskubidea arautuko duen lege dekretua prest da. Lagundutako ugalketa eta transexualen eskubideak arautuko dituzten legeak ere bai. Duintasunez hiltzeko araudia ere aurreikusten da.

Uxue Barkos eta Iñigo Urkullu bildu dira eta EAErekiko harremanak normaltze bidean dira. Berdin Akitaniarekiko harremana, beraz, Ipar Euskal Herriarekikoa ere bai.

Hezkuntzan PAIren (ingeles eredua) zabalkundea geldiarazi da behin-behinekoz. Nafarroako Ospitaleko jantoki publikoaren egitura berregingo da. Olaztiko Cementos Portlandi hondakinak erretzeko baimena kendu zaio.

Dirua falta da, gehiago biltzeko ezinbestekoa da erreforma fiskala. Nafarroako Gobernuko aurrekontuaren ia 200 milioi euro hipotekatuak dira urtero, zor publikoa eta itzaleko sarietarako. Dirurik ez bada, gastuaren norabidea aldatu behar da: bide bat: stop azpiegitura erraldoiei.

Imanol Haranburu afera, Hezkuntza Saila eta Gobernuaren orbana: penagarria. Kolpe gogorra pertsonen duintasuna eta bizikidetzari. Arriskua: mobilizazio soziala gelditu da. Esperantza: anbizio handiko gobernu programa tinkoa da, luzerako ematen du. Uxue Barkos lehendakariaren irudia tinko finkatzen ari da Nafarroa osoan. Alternatiba UPN da.