Taxi gidari bat suizidatu da New Yorkeko udaletxean Uber eta politikariak arduradun eginez
Facebooken ohar luze bat idatzi ostean, bere buruaz beste egin du New Yorkeko udaletxe aurrean taxi gidari batek, Democracy Now gunean jaso dutenez. Azken hiru hilabeteetan hiru taxi gidarik egin dute beren buruaz beste New Yorken.
New Yorkeko taxi gidariek asteartean omenaldia egin zioten 61 urteko Douglas Schifter gidariari. Astelehen goizean udaletxe aurrean bere buruaz beste egin zuen tiroz. Politikari lokalei eta Wall Streetek babesten dituen Uber gisako aplikazioei bera hondamendi ekonomikora eramatea egotzi zien Facebooken.
Ondorengoa idatzi zuen: "100 eta 120 ordu jarraian egin ditut lanean ia astero azken hamalau urteetan. Industria hasi zenean 1981ean, 40 eta 50 ordu artean egiten nituen lan astean. Ezin dut biziraun astean 120 ordu lan eginez! Ez naiz esklabua eta uko egiten diot izateari. Badirudi alkateak eta gobernadoreak Uberren aldeko aurreiritzia daukatela. Gezurtia, iruzurtia eta lapurra izateagatik ezaguna den konpainia".
New Yorkeko Taxi Gidarien Elkarteko kideekin hitz egin dute Democracy Now-n. "Douglas gisako gidari profesionalak ikusten ari dira nola beren ogibidea ekonomikoki lehertzen ari diren, eta berentzat ez dago beste alternatibarik".
Azken bost urteetan, bikoiztu egin da Uber erabiliz jendea hartzen duten autoen kopurua New Yorken. Horrek, ordea, finantza krisi handia ekarri die hiri horretan dauden 19.000 taxi gidariei.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Gehiengo sindikalak elkarretaratzea egin du gaur eguerdian Laudioko Herriko plazan, astelehenean jazotako lan-heriotza salatzeko.
Bartzelonako eta Madrilgo taxi gidariek asteazken gauean utzi dute bertan behera greba Espainiako Gobernuak lizentzien eskumena erkidego eta udalen esku utzi eta gero. Hego Euskal Herriko taxi gidariek jarrera bera hartu dute, baina “su-etena” dela adierazi dute.
Goiango industriaguneko Olatek enpresan gertatu da ezbeharra; garabi batekin mugitzen ari zen pieza gainera erori zaio.
Ernaik Oraina Borrokatzeko Koordenadak, Euskal Herria zerumuga berri baterantz liburuxka kaleratu du. Lur Albizu Etxetxipia (Artazu, Nafarroa, 1993) eta Asier Zamorano Arri (Algorta, Bizkaia, 1993) batu ditugu. Liburuxka “inkonformismo garrasia” dela diote, Euskal Herrian Bizi dinamikaren markoa izan asmo duena. Pare bat urterako lanketa gisa ikusten dute.
Zu zer zara, langile klasekoa? Prekarioa? Klase ertainekoa? Ertain-baxukoa agian? Gure baliabide ekonomikoak mailakatzeko erabiltzen diren kontzeptu horiek hedabide nagusietan agertzen dira oraindik tarteka, baina azken boladan sailkapen horien gainetik beste fenomeno batzuk azaltzen hasi dira: pobreziaren erromantizazioa eta prekarietatea cool bihurtzeko ahaleginak, esate baterako.
Enpresako garbitegia beste enpresa bati saltzeko intentzioa dauka Tasubinsak. Gaitasun urriko langileei enplegua emateagatik laguntza bereziak jasotzen ditu urtero Nafarroako Gobernutik.
Joan den astean bi albiste garrantzitsu izan dira, gazteen lan etorkizunari eragiten dietenak, eta beraz, gobernu, administrazio nahiz hezkuntza arduradunentzat hausnarketa eta eztabaidarako gai izan beharko luketenak.
Osalanek emandako datuen arabera, 2017an 33.398 lan istripu izan ziren. Horietako zati handiena langilea lanean hasi eta sei hilabeteren buruan izan ohi da.
Uztailaren 29, 30 eta 31n Gipuzkoako hondartzetako sorosleek greba egingo dutela adierazi du ELA sindikatuak. “Bizi duten egoera prekarioa” salatu nahi dute.
ELAk Gipuzkoako sorosleen lan prekarietatearen berri eman du eta Gurutze Gorria eta udalei egoera honetan “bustitzeko” eskatu die. Ostiralean prentsaurrekoa egin dute Donostiako Kontxan.
