Talde bortxaketa egotzita sei gizon atxilotu dituzte Bilbon
Ostegun gauean emakume batek talde bortxaketa sufritu du Bilboko Etxebarria parkean. Ertzaintzak sei gizonezko atxilotu ditu Deustu inguruan, erasoa leporatuta. Arratsalderako mobilizazioa deitu du mugimendu feministak.
aurre egingo dieten hedabide independenteak
Erasotutako emakumeak hamazortzi urte ditu. Bera joan da erietxera eta eman du erasoaren berri. Atxilotutako gizonak hamazortzi eta 36 urte bitartekoak dira. Komisaldegian daude atxilo.
Bilboko Udalak oharra atera du, talde politiko guztien babesarekin. Etxeberria Parkeko "eraso matxista irmotasun osoz" salatu du Udalak. Erasoa sufritu duen emakumeari eta gertukoei babesa adierazi die.
Bilboko Udalaren iritziz, "Sexu eraso sexistek gizartean eta gure bizimoduan, arlo pribatuan zein publikoan, indarkeria matxista islatzen dute". Hori dela eta, "emakumeentzat errespetuzkoak ez diren mota guztietako jokabideak arbuiatzen ditu, keinu zein jarrera sexistak eta muturreko erasoak barne hartuta". Herritarrei dei egin die erasoen aurreran jarrera aktiboa hartzera: "Banakako eta taldeko erantzukizuna gure gain hartu behar dugu". Erasoa salatzeko antolatuko diren mobilizazioetan parte hartuko duela iragarri du Udalak.
Bilboko Auzo Elkarteen Federazioak ere adierazpena egin du: "Oraindik harritzen gara erasotzaileen zigorgabetasun sentimenduagatik, biktimen babesgabetasunagatik eta instituzioen erantzun eskasagatik. Beste biolentzia batzuen aurka egiteko ateratzen dute kemena, dirua eta borondate politikoa".
Mobilizazioa gaur
Ostegun gaueko talde bortxaketarekin batera, asteartean Bilboko Abando inguruan gertatutako bigarren bat ere salatu du Bilboko mugimendu feministak ohar batean. Kalea beldurrik gabe eta nahierara bizitzeko emakumeen eskubidea aldarrikatu dute. Erasoen ardura "erabat patriarkala den sistemak eta konplize diren instituzioek eta jendarteak” dutela salatu dute. Emakumeei euren buruak defendatzera dei egin diete; gizonei, "konplize” izateari usteko eta “norberaren zein ingurukoen jarrera misoginoen aurrean beste albo batera ez begiratzeko".
Mugimendu feministak kontzentrazioa antolatu du gaur arratsalderako, Arriaga plazan. "Nazkatuta gaude! Ezin gaituzue Isildu! Kaleak gureak dira! Erasorik ez, erantzunik gabe!", dio saretik zabaltzen ari den kartelak. "Hau ez da gure bakea!" idatzi du Bilboko mugimendu feministak Twitteren.
⚠️⚠️⚠️
— Bilboko Bilgune Feminista (@BilbokoBf) August 2, 2019
Emakume bat bortxatu dute Bilbon! Ez gaituzue isilduko! ▶️Gaur kontzentra Arriagan 19.30etan. Erasoen aurrean, antolakuntza feminista!! pic.twitter.com/dbYPvcW4q1
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Uztailaren 5ean egin zituen sexu erasoak Iruñeko barraka gune batean. Leporatutako delituen larritasuna dela eta epaileak fidantza ordaintzeko aukera kendu dio.
2024aren bukaeratik behartu du gaztea berekin sexu-harremanak izatera, diru truke.
Mauleko Chaumes gasnategian langile eta CGTko sindikatu ordezkaria izandako gizon baten kontrako lau salaketa dira pausaturik, eta Larraine gaineko Iratiko Txaletetan lankide ukandako bosgarren emakume batek ere gehitu du berea. Uztailaren 3an iraganen da auzia Pauen. Erasoa... [+]
Betharram ikastetxearekin lotutako sexu eta bortizkeria kasuak ikertzeko asmoz, Batzorde Ikerketa Independenteko kideek lekukotasunen bilketa abiatu dute
Zizur Nagusiko institutu batean 41 pertsona grabatu zituen eta haietako 30 bere ikasleak ziren. Argazki batzuk sare sozialak erabilita lortzen zituen eta adimen artifizialarekin aldaketak egiten zituen.
San Roman auzoko jaietan bost neska adingaberi ukituak egiteagatik 18 urteko mutil bat atxilotu zuen Ertzaintzak Muxikan (Bizkaia). Udalak eta herriko Mugimendu Feministak elkarretaratzea deitu dute asteartean 20:30erako.
Akusazioa onartu, eta eragindako kalteengatik, kalte ordainak ordaindu dizkio: zigorra jaitsi diote, eta, beraz, ez du kartzelara sartu beharko. Beste gizon batek aitortu du bost urtez bikotekideari sexu abusuak egin zizkiola: zigorra jaitsi diote hamahiru urtetik laura, eta... [+]
Erasoa Loinatz jaietako azken egunean gertatu zen. Goierriko Itaiak elkarretaratze bat antolatu zuen gertakaria salatzeko.
Hiru gizonetatik bi adin txikikoak dira eta epaitegian deklaratu dute. Hirugarrenaren bila ari dira.
Bizkaiko Lurralde Auzitegiak hamahiru urte eta sei hilabeteko kartzela zigorra ezarri ostean, zigorra berretsi du EAEko Auzitegi Nagusiak. Lópezek helegitea aurkeztu zuen sententziaren aurka, haren errugabetasun presuntzioa eta defentsarako eskubidea urratu zirela... [+]
Salatu dute 69 urteko gizonak hogei urtean egin zituela erasoak. Donostian bi gizon atxilotu dituzte, adingabe bat bortxatzea leporatuta; beste bi gizon ere ikertzen ari dira, talde bortxaketako parte izan daitezkeelakoan. Salaketa jarri duen adingabea Gipuzkoako gizarte... [+]