Suteen arrisku "oso altua" dela-eta, larrialdi plana jarri dute martxan Nafarroan
Sute arrisku handia aurreikusi dute egunotarako Nafarroan. Babes zibil eta larrialdietako zerbitzuak, suhiltzaileak, Poliziaren ingurugiroaren babes brigada, ingurugiroaren departamentua, Guardia Zibila eta Estatuko Agentzia Meteorologikoaren Nafarroako delegazioa abuztuaren 18an bildu ziren, eta INFONA deituriko babes zibil eta larrialdien plan berezia jarri zuten martxan.
Estatuko Agentzia Meteorologikoak “arreta handiz jokatzea” eskatu die herritarrei, batez ere baso inguruetan bizi direnei. Suaren erabilera, parrilladak egitea esaterako, basoetako bideak oztopatzea eta txinparta eragin dezaketen garraio edo makinak erabiltzea debekatuta dago.
Abuztuaren 18an bildu ziren adituak, gaia aztertu eta neurri batzuk hartzeko. Babes zibil eta larrialdietako zerbitzuak, suhiltzaileak, Poliziaren ingurugiroaren babes brigada, ingurugiroaren departamentua, Guardia Zibila eta Estatuko Agentzia Meteorologikoaren Nafarroako delegazioa bildu ziren besteak beste, eta bertan erabaki zuten aipatu neurriak martxan jartzea.
Neurriak zalantzan
Duela gutxi ARGIAn argitaratutako erreportaje batean azaldu genuen Nafarroako Gobernuaren neurriekiko desadostasunak nabarmenak direla. Batez ere, orain arte borondate politiko gutxi erakutsi duela argudiatuta. Gobernuaren neurri nagusia udalei ardura pasatzea dela salatu du Xabier Unzue abeltzainak. Suteak ekiditeko ezer baino lehen prebentzioa dela garrantzitsuena azpimarratu dute Mirian Otxotorenak eta Unzuek, erreportajean.
Suak geroz eta leku gehiago hartzen du albisteetan. Azken urteetan sute askok partida irabazi digu, planeta osoan zehar. Egungo suteak ez dira lehengoak bezalakoak, erasokorragoak dira eta planeta sakonki aldatzen ari dira: Pirozenoa dei genezakeen garaiaren atarian jarri... [+]
Alerta gorria ere jarri dute eskualde batzuetan: zehazki, Bizkaiko eta Gipuzkoako kostaldeetan, Ebro ondoko eskualdean, Bizkaiko eta Gipuzkoako barnealdeetan eta Arabako erdialdean.
Tenperatura altuek eta lur eremu lehorrek eragin dituzte suteak asteartean. Ondorengo herrialdeak izan dira kaltetuenak: Kroazia, Aljeria, Tunisia, Siria, Italia, Grezia eta Frantzia. Azken orduetan, Portugalen eta Kanariar Uhartean ere zabaldu dira suteak.
Inoiz erregistratu diren tenperatura altuenak ekarri ditu bero-boladak, eta horrekin batera baso suteen arriskua areagotu da.
Lehen bioletekin bat, mendiko suak heldu dira tenoreko, beren desmasiek jarraikiak. Eta ondoren protestak, aldizkari honetara bidali ohi ditudanak barne.
Orain dela bi urtekoa ikaragarria izan zen. Lapurdi, Nafarroa eta Gipuzkoan hedatu ziren suteak, Larrun menditik... [+]