Sustrai elkartea ez doa Nafarroako mugikortasun batzordera, AHTan erabakiak hartuta daudelakoan

  • Ingurumenaren aldeko eta alferrikako azpiegitura handien kontrako borroketan ezaguna den Sustrai fundazioak jakinarazi du planto egingo diola Nafarroako Legebiltzarraren Mugikortasun batzordeak bilerarako egindako deiari. Berrikitan Madrilen 2.852 alegazio entregatu zituen Sakanan AHTarentzako egin nahi duten bide berriaren kontra.

ARGIA @argia
2018ko martxoaren 05a
Iru˝ea-Gasteiz AHTari egindako alegazioak aurkezten Madrilen. (Argazkia: Sustrai fundazioa)

Martin Zelaia buru duen Sustrai Eragintza fundazioak jakinarazi duenez, berak 2015ean sortzen bultzatu zuen Mugikortasun batzordetik egin dioten gonbidapenari ezezkoarekin erantzun dio. Zabaldutako agirian argudiatu duenez, "zertarako balio ote du Mugikortasunerako Batzorde batek erabakiak hartuak izan badira Legegintzaldi honen lehen egunetik eta urratsez urrats burutzen ari badira, batzuetan publikoki, eta besteetan, pribatuki?".

Batzordea hasieran baldin bazen "trena bilakatzea nafarrentzako garraio eredu publiko eta sozialaren muina", Sustraik jarraitzen du proposatzen "aztertzea nola sustatu trena eskuragarriago, erabilgarriago, ekonomikoago eta moldakorragoa izan dadin. Azken finean, trenaren aldeko apostu irmoa egin etorkizunerako gakoa delakoan". Hala ere, sortuz geroztik batzordea hilabete luzez geldirik egon den bitartean, bitarte horretan  Nafarroako Gobernuak jarraitu egin du aurrerapausoak ematen Abiadura Handiko Trena bultzatzeko. Orain, "mugimendu guzti hauen erdian –dio Sustraik– Mugikortasunerako Batzordea jarri da martxan. Ez dakigu zeintzuk diren helburuak, zein den bide orria… Ez dakigu zergatik duten hainbeste presa bukatzeko orain arte geldirik izan dutenean. Ez dugu ezagutzen nork parte hartu duen eta zein txosten eskatu egin diren…(...) Sustrai ez da joanen Parlamentuaren Mugikortasunerako Batzordera. Konklusioak idatzita daude. Guk jarraituko dugu lanean astakeria hau geldiarazteko. Etorkizuna hemen dago, Prestazio Handiko Trena diru publikoa da pentsioak bezainbeste".

Berrikitan, Guaixek zabaldu zuenez, AHTren egitasmoari 2852 alegazio aurkeztu dizkiote Sakanatik Madrilen, Sustrai elkarteak bultzata. Haietatik 119 Itza eta Oltzako zendeetan jasotakoak dira eta gainontzeko 2.733ak Sakanan. Aipatzekoa da sakandarrek sinatutako alegazioen % 29,3 arakildarrenak direla. Iruñetik Gasteizerako proiektua denez, Gasteizen ere pareko ekitaldia egin zen. Batzuen eta besteen artean 11.000 bat alegazio aurkeztu zituzten.

 

 

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Abiadura Handiko Trena

Abiadura Handiko Trena kanaletik interesatuko zaizu...
2018-09-11 | Ahotsa.info
Nafarroako erdialdean hasi berri diren AHTren lanetara martxa antolatu dute

Irailaren 29an izanen da mobilizazioa, Marcilla inguruan AHTren lanak hasitako eremuan.


2018-09-06 | ARGIA
Alarma jo dute Urru˝an, SNCFk etxe bat erosi duelako AHTren proiektuaren bidean

Frantzian trenbideen monopolioa duen SNCF konpainiak Urruñan AHT proiektuaren bidean dagoen eraikin bat erosi du , 650.000 euroren truke. Operazioak susmoak eta haserrea sorrarazi du abiadura handiko trenaren kontrakoen artean.


AHTren lanak geldiarazteko elkarretaratzea egingo dute Iru˝ean

Gobernu Delegaritza aurrean elkarretaratzea antolatu dute gaur, abuztuaren 31, 19:30ean. Erriberri eta Azkoien bitartean egin nahi dituzten lanak bertan behera uzteko eskatuko dute.


2018-08-29 | Hainbat egile*
Javier Ollo Altsasuko Alkateak AHTri buruz emandako erantzunari ohar batzuk

Atsekabez hartu dugu Javier Ollo Altsasuko Alkate jaunaren erantzuna, uztailaren 31koa, Abiadura Handiko Trenari (AHT) buruzkoa. Izan ere, Europako Kontuen Auzitegiak Espainiakoa Estatuan AHT garatzen ari den arlo guztietan porrot ekonomiko eta sozial itzela dela argi aski esan badu ere, Javier Ollo jaunak diskurtso aurrefabrikatua eta hutsalarekin erantzun du.


Zuloan: bidaia bat AHT eta lan esplotazioan barrena
MULTIMEDIA - solasaldia

Urko Apaolaza Argiako kazetari eta "Zuloan: bidaia bat AHT eta lan esplotazioan barrena" liburuaren egileak hitzaldia eman zuen Donostiako Tabakaleran ingurumenaren egunean, ekainak 5, liburuaren osaketan izan duen esperientziaz eta ikasitakoaz.


AHT: Amaiera gabeko trenbidea

Agintariek herritarrei “etorkizunaren” izenean hitz emandako Abiadura Handiko Trenbide sarearen hiru laurden amaitu gabe dago, lehen proiektuak hasi eta ia hiru hamarkada ondoren. Oraindik urteak beharko dituzte zati gehienak amaitzeko eta batzuk seguruenik ez dira inoiz egingo, Ipar Euskal Herrikoa kasu.


2018-08-08 | AHT Gelditu
AHT gelditu! 2018ko bizi martxa
MULTIMEDIA - bideo herrikoia

Abiadura Handiko Trenaren aurka bizikleta martxa antolatu du uztaila amaieran AHT Gelditu ekimenak. Nafarroako lurrak zeharkatu zituzten biztanleei trenaren inguruko informazio helaraziz.


Altsasuko Alkateari eskutitz irekia AHTari buruz

AHT-Gelditu!-k antolatuta eta Sakana Trenaren Alde plataformak lagunduta bizikleta-martxa egin zen Martzillatik abiatuta Altsasura arte. Hori baliatuta, Sakana Trenaren Alde plataformak gutun irekia zuzentzen dio Altsasuko Udaleko Alkatea den Javier Ollo jaunari.


2018-07-29 | Juan Mari Arregi
Tapiaren datu zoroak AHTrentzat

Lakuako Gobernuak, bere kontseilari Arantza Tapiaren bidez, jarraitzen du tematuta Euskal Y-a erakitzeko, Europako Kontuen Auzitegiak bere bideragarritasuna oso zalantzan jarri duen arren, esanez “mosaiko ez eraginkorra” eta “iruzur ekonomikoa” dela. Ajuriaeneakoek jarraitu nahi dute zorakeria faraonikoarekin, kontuan izan gabe haren xahutze ekonomiko publikoa, ez politikoki ez herritarren artean sekula eztabaidatu gabea gainera.


2018-07-27 | Ahotsa.info
Nafarroako Erdialdea zeharkatu du AHT Gelditu ekimenaren txirrindula martxak

AHT Gelditu ekimenak antolatu duen Abiadura Haundiko Trenaren aurkako txirrindula martxa Nafarroako Erdialdea zeharkatu du gaurko egunean. Martzillatik Tafallaraino, Azkoien, Faltzes eta Erriberritik pasatuz, bertako biztanleei proiektu honen inguruko informazio helarazi diete.


Eguneraketa berriak daude