Espainiako Sustapen Ministerioa: “Ez dakigu Ezkioko lotunea oso bideragarria den”
Josu Estarrona EH Bilduko Arabako senatariak egindako galderari erantzun dio Espainiako Sustapen Ministerioak, eta hor berretsi du Ezkioko aukera zailtasunez beteta dagoela.
Duela bi aste ika-mika handia piztu zen PSNko eledun Ramón Alzorrizek esan ondoren Nafarroako AHTko lotunea Euskal Y-arekin Gasteiztik izango zela bai ala bai. Hego Euskal Herriko agintariek Espainiako Gobernuaren iritzi ofiziala jakin arte ez zutela ezer esango adierazi zuten.
Azterketa ofizialen emaitzak ez dira oraindik iritsi eta pentsatzekoa ez direla laster etorriko, Aralar azpian egin beharreko katak oraindik hasi gabe daude eta. Ministerioak emandako erantzunean, azterketak egiteko zailtasunei egin die erreferentzia, horiek egin beharreko lekuetako udalak AHTko proiektuaren aurka daudelako eta traba ugari jartzen ari direlako, “horrek azterketak atzeratzen ditu”.
Sustapen Ministerioaren esanetan, ingurumenaren ikuspegitik Aralarrekoak balio handiko lurrak dira, hidrogeologia oso konplexua dutenak. Aralar azpian eremu karstikoak daudela dio eta, hortaz, ministerioak ez dakiela lotune hori oso bideragarria den. 2018koa da Sustapen Ministerioak –orduan PPren esku– gaiaz erabakitzeko egindako azken azterketa ofiziala eta, hark ere Gasteizko lotunea hobesten zuen.
Ezkioko balizko aukera honetan bada zerbait oso bitxia, ez dago argi lotunea zein izango den, baina Ezkion aspalditik ia bukatuta dago trena jasotzeko geltokia eta hara doan errepidea. Espazio hori, hala ere, ez litzateke horretarako bakarrik erabiliko, tren lasterren aurreratze eta aparkaleku gune gisa ere aurreikusita baitago.
“Baliatu bide zaharra”
AHTren aurkako mugimendu zabalak, aldiz, AHT bera arbuiatzen du eta Sakanako eta Arabako Lautada bailarak gehiago ez txikitzeko, egungo trenbidea baliatzea proposatzen du. Bailara estuak dagoeneko badu errepide zaharra, autobidea, egungo trenbidea eta orain gehituko litzaioke laugarren azpiegitura bat, AHTren trenbidea. Bailararen jasangarritasunerako hori gehiegizkoa dela eta tren sozialaren aldeko plataformak egungo trenbidea hobetzeko proposamena luzatu du.
Datorren udaberrian, Stop AHT Zundaketak ekimenak bi urte beteko ditu. 2023ko maiatzean, ADIFek Itza, Sakana eta Goierriko udalei jakinarazi zien zundaketa geoteknikoak eta beste jarduketa batzuk egingo zituela AHTaren Nafarroako korridorea Euskal Y-arekin lotzeko alternatibak... [+]
"Gasteiztik egin ezean, ez da egingo", adierazi du PSNren bozeramaile Ramón Alzorrizek. Kontra azaldu dira Geroa Bai, UPN eta PP.
2.000 milioi euroko kostua izango dute AHT Madrilekin eta AVE trenarekin lotzeko aurreneko lanek. Asteburuan egin dute manifestazio bat Iruñean, AHTa eraikitzeko obretako esklabotza-baldintzak salatzeko.
Abiadura handiko trenaren aurkako manifestazioa egingo dute Iruñean larunbat honetan AHT Gelditu plataformak deituta, 12:00etan Diputaziotik abiatuta. Castejon eta Iruñea arteko trenbidearen eraikuntza lanek aurrera jarraitzen dute eta Espainiako Garraio... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
