AHTren atzerapena gaitzesteko gutuna bidali diote Europako Batzordeko Garraio Komisarioari Pradalesek eta Roussetek
EAE, Akitania Berria eta Nafarroak osatutako euroeskualdearen batzarra egin dute Iruñean martxoaren 25ean. AHT izan dute topaketaren ondoko agerraldiko aipagai nagusien artean eta Akitania Berriko ardatza Hego Euskal Herriko trenbidearekin lotzeko konpromiso politikoa agertu du Alain Rousset Akitania Berriko Kontseiluko presidenteak.
.jpg)
EAE, Akitania Berria eta Nafarroak osatutako euroeskualdearen garrantzia azpimarratzeko hitzordua izan da martxoaren 25eko batzarra. "Europaren eraikuntzarako instrumentu baliagarria" izateaz gain, hiru lurraldeen ahotsa Bruselara eramateko eta Europak bideraturiko finantzaketak eskuratzeko ezinbesteko egituraketa dela azpimarratu nahi izan dute Alain Rousset Akitania Berriko Kontseiluko presidenteak, Imanol Pradales Eusko Jaurlaritzako lehendakariak eta Maria Txibite Nafarroako Gobernuko lehendakariak.
Hala eta guztiz ere, abiadura handiko trena izan dute aipagai nagusi bukaerako agerraldian. Pradalesek jakitera eman duenari segi, gutuna bidali diote berak eta Alain Roussetek Europako Batzordeko Garraio Komisario Apostolos Tzitzikostas-i, AHTren eraikuntzak harturiko beranta deitoratzeko. "Eskatu diogu bertatik bertara ezagutu dezala errealitatea, garapen ekonomikorako eta logistikorako oztopo zaigulako [gaur egungo egoera]", adierazi du Eusko Jaurlaritzako lehendakariak. Horrez gain, Akitania Berriko ardatza Hego Euskal Herriko trenbidearekin lotzeko engaiamendua hartu du Roussetek: "Nire helburua eta obsesioa da".
"Hogei urtez pilatutako atzerapena" aitorturik, Iruñea eta Zaragoza (Aragoi) arteko trenbidea 2030erako amaitzeko konpromisoa hartu du Nafarroako Gobernuko lehendakariak ere. Euskal Y-aren loturari buruz, ez dute ezer berririk zehaztu.
900.000 euroko aurrekontua bozkaturik
900.000 euroko aurrekontua onartu dute batzarrean, eta bitan banatuko dute: lehena, 500.000 eurokoa, herritarrei zuzendua –kultura, hezkuntza, hizkuntza, gazteria, kirola...– eta bigarrena, 400.000 eurokoa, "sektore estrategikoak" bultzatzeko –osasuna, energia berriztagarriak, eraikuntza, eta kultur eta sormen industria–. Gainera, ikasleen mugikortasuna sustatzeko bekak banatzen segituko dute, 60.000 euroko aurrekontua dute horretara bideraturik. Europako Batasunaren Interreg Poctefa lankidetza programaren barnean, euroeskualdeko sei proiektuk 14 milioi euroko finantzaketa jasoko dutela ere oroitarazi dute batzarrean.
Pablo Gonzalez Polonian atxilotu zuten 2022an espioitza leporatuta. 2024ko abuztuan aske utzi zuten baina ez zuten bere prozesua itxi. Orain, prozesua berriz ireki eta epaileek 2025eko udazkenean epaitu nahi dute Gonzalez.
Milaka lagun bildu ziren Vienan ekainaren 13tik 15era, lehen edizioa izan zuen Judu Antisionisten Kongresuan. Hiru egunez eztabaidatu eta hausnartu ostean, ohar bat argitaratu dute Israel palestinarren aurka egiten ari den genozidioaren eta garbiketa etnikoaren aurrean ahotsa... [+]
Horrez gain, Europa behartu egin du gasa AEBei erostera, 750.000 milioi euro xahutu beharko ditu horretan datozen hiru urteotan; beste 600.000 milioi euro gehiago inbertitu beharko ditu han, "inbertsio estrategikoetan"; eta, "ehunka milioi euro", zehaztapen... [+]
40 urte pasatxoko espetxealdiaren ostean, joan den ostiralean atera zuten espetxetik, eta segituan Libanora eraman, bere jaioterrira. Libanoko Frakzio Armatu Iraultzailearen sortzailea izan zen, eta diplomazialari israeldar eta amerikar bana hiltzeaz akusatu zuten. Inoiz ez... [+]
Jarduera ekonomikoak sinplifikatzeko eta lehiakortasuna indartzeko aitzakiarekin, Europa mailan baita Europar Batasuneko hainbat estatutan ere, klima, ingurunea eta giza osasuna kaltetuko dituzten legeak biderkatzen ari dira 2024tik, askotan interes pribatuen lobbyen eraginpean... [+]
Beasaingo enpresak 1.695 milioi euroko kontratua lortu du Belgikako SNCB-NMBS tren konpainia publikoarentzat 54.000 plaza dituzten bagoiak egiteko. Baina aurretik, belgikar konpainiak eskatu dio bere jarduerek nazioarteko zuzenbidea eta giza eskubideak errespetatzen dituztela... [+]
7/2025 Errege Lege-Dekretua ekainaren 24an onartu zuen Espainiako Ministroen Kontseiluak baina atzera bota du Diputatuen Kongresuak, uztailaren 22an.
Migrazio krisia deitzen diote neoliberalismoaren ondorio ankerrenetako bati. Ultraeskuinaren agendaren lehen puntuetako bat da langile klaseko migratzaileen aurkako neurri sorta. Baina faxismo berrituaren lorpenik handiena da gainerako indar politikoek bere egitea haien agenda... [+]
2022an EAEko Justizia Auzitegi Nagusiak ebatzi zuen kuartela Hirigintza Ondare Eraikia Babesteko Plan Berezian sartzea, Voxek jarritako helegite bat onartuta. Gorenak baliogabetu egin du epai hori, eta bidea ireki dio Donostiako Udalari eremu horretan 1.500-1.700 etxebizitza... [+]
Europar Batasuneko estatu kideen gehiengoak atzera bota du euskara, katalana eta galiziera EBn hizkuntza ofizialak izateko eskaera. Finantzazio eta arlo legalean hainbat "zalantza" dituztela plazaratu dute.
Espainiako Gobernuak Europako Batzordeari egindako eskaerari Euskal Herriko, Kataluniako eta Galiziako 28 unibertsitatek babesa eman diote. Salvador Illa Kataluniako Generalitateko presidenteak eta Imanol Pradales lehendakariak eskutitz bat sinatu dute eskaerari babesa... [+]
Georges Ibrahim Abdallah, Frantzian 40 urteko espetxealdia igaro ondoren kaleratuko dute. Palestinaren askatasunaren aldeko militantea, Libanoko Frakzio Armatu Iraultzailearen sortzailea izan zen, eta diplomazialari israeldar eta amerikar bana hiltzeaz akusatu zuten. Inoiz... [+]
Portugalgo Gobernua osatzen duten Alderdi Sozialdemokratak eta CDS-Alderdi Popularrak Chega eskuin muturreko alderdiarekin bat egin dute Atzerritarren Legea erreformatzeko. Delitu larriak egiten dituzten migratzaile nazionalizatuei pasaportea kenduko diete, herritartasuna... [+]
Israelek Gazan eta Zisjordanian egindako giza eskubideen urraketak argi uzten dituen Kanpo Ekintzarako Europako Zerbitzuaren txostena esku artean, EBko Atzerri ministroek erabaki dute Israel-EB elkartze-akordioarekin berdin-berdin segitzea. EBren "ekintza-eza" ikusita,... [+]
Jazarpen arrazistak eztanda egin du Espainiako Torre Pacheco herrian, Euskal Herrian ere ezagun zaizkigun diskurtsoak hauspotuta: immigrazioa lotzea delinkuentziaren, sexu-erasoen eta segurtasun faltaren gorakadari. Baina datuek frogatzen dute gezurra direla gorroto diskurtso... [+]