Suizidioaren prebentzioan prestakuntza jaso dute Nafarroako hezkuntza ikuskariek
Suizidioaren inguruko mitoak, gazteen jokabide autolesiboak, arrisku faktoreak, alarma-seinaleak, esku hartzeko estrategiak… landu dituzte hezkuntza ikuskariek Nafarroan, suizidioaren prebentzioan trebatzeko.
Bai detekzio eta prebentzioan, bai laguntzan eta zaintzan prestatzeko informazioa eta baliabideak eskuratu dituzte Hitz egin dezagun suizidioaz jardunaldietan parte hartu duten ikuskariek. Nafarroako Hezkuntza Departamentuak antolatuta, Besarkada elkarteak gidatu du formakuntza.
“Ez zara bakarra”
“Norbait galtzen duzunean, esperientzia hori jasan duen bakarra zarela pentsatzera iristen zara, baina ez da hala. Hainbeste dira dituzun galderak, eta min handiena ematen duena zera da, erruduntasun sentimendua: eta goiz horretan lanera joan ez banintz, eta ez banu…, eta ez banitu…?”. Besarkada elkarteak jasotzen dituen testigantzetako baten zatia da hori. Bere buruaz beste egin duen jendearen ingurukoei laguntza emateko sortu zen elkartea.
Elkarteko kide Elena Aisarekin batera, Paloma Tocón ikuskatzailearen eta Mikel Ripodas Iparralde DBH ikastetxeko zuzendariaren lekukotzak ere entzun zituzten ikuskariek, jardunaldietan.
Pautak
Suizidioa bigarren heriotza kausa da 10 eta 24 urteko adin tartean. Munduan 40 segunduro pertsona batek bere buruaz beste egiten du, eta suizidio bakoitzeko beste 20 saiakera daude, Osasunaren Mundu Erakundearen arabera.
Gai honetan ere, prebentzio planen garrantzia gero eta ageriagoa da. Suizidioaz ari garelarik, “pautak ematea, txarto nagoenean zer egin, nora jo...” funtsezkotzat jotzen du Leire Pinedo psikologoak, “indarkeria matxista jorratzean baliabideen berri ematen den gisan”.
Maiatzaren 27an Frantziako Estatuko Legebiltzarrak onartu zuen heriotzarako laguntza baimentzen duen legea. Askok aurrerapen humanistatzat jo arren, lege berri honek kezkak piztu ditu pertsona ezinduen eskubideen aldeko mugimenduetan. Gaur egungo gizarteak ez badizkie pertsona... [+]
Eutanasia edo suizidio lagundua gisako hitzak nahita saihestuta, “hiltzeko laguntza aktiboa” baimentzen duen legea onartu du Frantziako Asanblea Nazionalak. Senatuaren oniritzia jasoz gero, 2027an sartuko litzateke indarrean legea, kasurik azkarrenean.
José Alberto Mujica, gerrillari tupamaro eta Uruguaiko presidente izandakoa, astearte honetan hil da, minbizi baten ondorioz. 89 urte zituen eta txakurrarekin batera bere etxebizitzan lurperatzeko argibideak utzi zituen. “Nire zikloa amaitu da”.
Zer nolako harremana dugu heriotzarekin? Zer nolakoa helduek, zer nolakoa haurrek? Adinean gora egin ahala nola aldatzen da heriotzarekiko dugun begirada? Eta nola hitz egin heriotzaz haurrekin?
Bai, gai tabua bada ere, hitz egin dezagun heriotzaz. Hirugarren saio honetan... [+]
Soco Lizarraga mediku eta Nafarroako Duintasunez Hiltzeko Eskubidea elkarteko kidearen ustez bizi testamentuak heriotza duin bat eskaini eta familiari gauzak errazten dizkio.
Gertakariak igande egunsentian suertatu dira 5:00ak aldera Gasteizeko Mitika diskotekan. Hildako pertsona 31 urteko gizon bat da, eta lurraren kontra buruarekin hartutako kolpe baten ondorioz hil da, antza atezainak kolpe bat eman ostean.
.jpg)
Hauek izan ziren nire azken hitzak zure lo arnas sakonean eskutik helduta ginela joan zinenean. Aparteko minik gabe, xume, duin, geratu zen betiko zure bihotza. Zuk nahi eta eskatu bezala. Guk nahi eta errespetatu bezala.
Jada hilabete, neguaren atarian, gaurik luzeenak diren... [+]
Haurdunaldiaren zazpigarren hilabetean hil zen Aduna, Amets Etxeberriaren alaba. Halakoetan, erru sentimendua da bizkar gainean emakume askok hartzen duen zama, dolua ere oztopatzen duena. Profesionalengandik jasotzen duzun tratua funtsezkoa dela dio Etxeberriak, horri aurre... [+]
Iragan astean kontatu genizuen etorkizuneko hilerriaz gogoeta prozesua egin dutela Antzuolan, eta protagonista nagusietakoak umeak izan direla, Herri Eskolan heriotzaren bueltan 1980ko hamarkadaz geroztik egiten ari diren lanketaren ildotik. Hain justu, “hainbat urtetan... [+]
Galdera potolo horren bueltako gogoeta parte-hartzailea egin dute Antzuolan (Gipuzkoa), eta oraintsu aurkeztu dituzte saio irekietan parte hartu duten herritarren ekarpenak. Helburuak izan dira, batetik, heriotzaren inguruko beldurrak eta ezezagutza gainditu eta gaiaz ahalik eta... [+]
204 lagunek beren buruaz beste egin zuten iaz Hego Euskal Herrian, datu ofizialen arabera. Suizidatzeko arriskua izan dezakeen jendearen jarraipenean jartzen dute indarra administrazioen protokoloek. Suizidioaz egoki informatzearen garrantzia ere azpimarratu dute, Suizidioa... [+]